對於有讀者爆料，指楊志翹曾瞞住老婆偷食，楊怡堅持硬撐對方，指呢啲都係人嘅家事，亦都已經過去，最緊要係楊志翹依家對人好。
楊怡早前被本刊踢爆與燈箱大王楊志翹撻喺，楊怡更暗收對方四十萬開篷跑車。以為「嗱女」感情有喺落，誰知聲稱被傳媒「迫得太緊」的她，日前為求甩身，推莊指男方實情是家姐楊娜男友。
楊怡雖然急急與楊志翹劃清界線，但據知他們感情依然穩定，對於男方曾結婚並育有兩女，楊怡日前回應時，更漏口風表示「早就知道」。
楊怡雖然對男友投以百分百信心，不過，本刊日前卻收到自稱是楊志翹沙煲兄弟的關先生來電報料，直指楊係大滾友，瞞住老婆羅天鳳，與老婆身邊姊妹鬼混，兩夫婦為此多次爭吵，不久老婆更因腦中風逝世。為令記者信服，關先生除提供數張楊志翹夫妻合照，更自爆早前揭發自己老婆亦曾和楊志翹搭上，導致他和太太離婚收場。
女人最緊要帶眼識人，有周慧敏成個人辦你睇，楊怡，三思三思！
據關先生透露，楊志翹和羅天鳳97 年結婚，他提供二人的結婚照中，楊志翹外型較現時老成。
該名關姓男人致電本刊時，第一時間開門見山說：「我以前係楊志翹朋友，不過反咗面，佢依家係我仇人。」從關先生提供的照片中，其中一張是楊志翹和太太羅天鳳的結婚照片。「我同佢老婆（羅天鳳）係調景嶺原居民，由細玩到大，阿鳳係97年同楊志翹結婚。楊志翹未識阿鳳時，一個月人工搵唔夠六千蚊，佢靠老婆發達，後來開咗呢間整招牌公司，仲用老婆外家嘅錢喺將軍澳中心買咗層樓。
「楊志翹表面上怕老婆，後來阿鳳知佢原來成日背住自己，偷偷同自己嘅姊妹friend 搞埋，阿鳳為咗咁，唔知喊過幾多次。呢啲都係阿鳳「走」咗之後，佢班friend 忍唔住自己爆出嚟。老實講，我嘅家醜唔怕同你哋講埋，我老婆都同佢有嘢，為咗呢件事我哋最近離咗婚。」
楊志翹和老婆羅天鳳先後誕下兩個女兒，關先生提供的這張照片，便是二人為孻女擺滿月時所影的。
關先生表示，05 年6 月17 日，羅天鳳生日當天，眾友人曾到卡拉OK 慶祝。「嗰晚阿鳳飲得好醉，話自己唔開心，點知半夜就出事。」記者翻查當天報章，資料顯示羅天鳳懷疑飲酒太多，導致腦中風，危殆送院。
在另一張照片中，楊志翹和眾友人在卡拉OK 合照，不願上鏡的關先生大爆楊志翹曾與相中多名女友人有染。
楊怡家姐楊娜（圖右），原來是楊志翹女兒的補習老師，更一齊合照。
暗撩楊怡家姐
關先生續稱，05 年6月，年僅36 歲的羅天鳳，在生日當天猝死。在羅過世後一年，當時尚未結識楊怡的楊志翹，將與妻聯名的將軍澳中心以330 萬售出。數月後，他兩名女兒在楊怡所開的精品店補習，楊志翹透過楊娜而認識其妹楊怡。「楊怡間舖一半賣精品一半做補習，楊娜（楊怡家姐）係佢兩個女嘅補習Miss ，所以佢先識到楊怡。」據關先生表示，楊志翹表面和楊怡拍拖，但當楊怡忙住開工時，楊志翹例牌會做楊娜柴可夫，車出車入大獻慇勤。
關先生坦言，自己因睇完《忽周》早前報導，指楊志翹搭上楊怡後，才忍唔住要公開他的「惡行」，提醒楊氏姊妹慎防中招。「阿鳳死咗之後，佢嗱咗差唔多有四百萬嘅保險金，加埋嗰層樓，大大話話身家都有七百萬，佢送架四十萬車俾楊怡，濕濕碎，不過佢咁鍾意搞老婆嘅姊妹，一箭雙鵰追埋家姐都唔出奇。」
楊志翹與羅天鳳02 年以308 萬購入將軍澳中心單位，至羅逝世後一年，楊志翹便將該單位以330 萬售出。
雙楊唔夾口供
週二（13 日），楊怡出席無線「My TV 」啟動儀式時，當記者再次問她與楊志翹關係時，楊怡即有備而來，故意推莊他是家姐男友，「我都想有個好似燈箱大王嘅男友，不過我冇咁幸運，因為同佢拍拖嗰個係我家姐。」雖然楊怡口口聲聲表示楊志翹是他家姐男友，但言談間，卻處處流露關愛之情。
楊怡堅稱楊志翹是家姐楊娜男友，買車只是借用對方名字，但當問到她何以咁多人唔揀，偏偏揀楊志翹時？楊怡卻笑笑口說：「唔回應啦！」
記者：記 楊怡：楊
記：點解你之前話楊志翹係你好朋友，轉頭又話佢係你家姐男友？
楊：因為你哋成日上去佢（楊志翹）間公司搵佢，人哋打開門做生意，你哋咁樣好影響佢㗎！
記：你知唔知佢結過婚，仲有兩個女？
楊：（面色一沉）我知，我一早就知啦！
記：我哋收到話楊志翹好花心，老婆在世嗰陣，專追佢嘅姊妹，搞到佢老婆飲醉猝死喎？
楊：……其實冇乜大不了，人梗有生老病死，未必一定關呢啲嘢事，最緊要佢依家對人好。
楊怡公開表示楊志翹是家姐楊娜男友，更講到明視他為半個親人，不過記者訪問楊怡期間，另一記者同一時間訪問楊志翹，他卻表示視楊氏姊妹同樣是好朋友。二人明顯口供唔夾。
週二下午，未得楊怡通風報訊，楊志翹直言與楊怡姊妹同是好朋友，口供明顯有出入。
據關先生爆料，楊志翹兩個女兒因在楊怡所開精品店（圖）補習而認識楊娜，再透過楊娜認識楊怡，三人關係撲朔迷離。
記者：記 楊志翹：楊
記：你同楊怡咩關係？
楊：好朋友。
記：咁楊娜呢？
楊：都係好朋友，識咗好耐㗎啦。
記：我哋收到你之前結過婚，但你瞞住老婆出去偷食喎？
楊：（不耐煩的jeep 一聲）咁耐嘅嘢，唔好再提啦，過咗身啦，嘅唔開心嘅嘢，唔好再講啦！
記：你係咪嗱咗老婆一筆保險金？
楊：唔係……，係嗱咗少少遺產囉！
記：有幾多？
楊：唔方便講！
然後他匆匆返回辦公室。
嗱女冇眼光
出道九年的楊怡，早前憑「嗱女」奪得無線台慶「最佳女配角」獎，被無線力捧上一線花旦，事業平步青雲。一向甚少緋聞的她，傳來傳去都只得鄉紳富豪男友藍偉傑，不過藍其後被指欠債纍纍，另一方面又斷正偷嗒葉世榮前女友Faye ，令楊怡傷心斬纜。如今以為找到好歸宿楊志翹，卻忽然有讀者爆料指楊志翹係花心蘿蔔。楊怡，都係睇定啲好，唔好再作無謂「犧牲」啦！
