一日娛樂圈一世娛樂圈。Betty 丘碧瑜，參選1988年香港小姐時叫Amy 。當年夠薑企
利舞臺上，對住全港市民水著亮相的理由是「因被男友取笑生得唔夠靚。」結果真係唔夠靚輸咗俾冠軍得主李嘉欣，但都贏咗個殺傷力和友誼小姐無異的「最受佳麗歡迎獎」，以及一張為期三年的藝員合約。
顧得生擒又顧唔住望鏡頭的Betty ，不斷走狗，鏡頭之外，仲有！
連景拆埋都無知覺！
BB tea 最好玩的地方，除可一手掌握——任舞；仲經常影影吓相訓喺，隔籬少咁兩隻都唔知。
不過三年之後無又三年。自言從來無妄想當視后或變身港姐股神或挾姐仔之名釣番隻金[龜嘜的Betty ，話斬纜就斬纜的理由是「都唔知有乜咁好玩！」於是一腳跳出公仔箱，做過金融地產保險等行業。嫁作他人婦後三年前決定重執剪刀，在西貢開設寵物美容店。「我十二、三歲已經邊睇住本市政局圖書館借返嚟嘅狗書，邊幫隻狼狗
接生。」中五那年暑假還飛去英國報讀寵物美容課程，選美時申報職業一欄已經填犬隻美容師。「好似兜咗個大圈咁。」今日打完四圈再執位，Betty 被iPET Channel.com 冠以「茶杯貴婦繁殖專家」身份，受邀在剛過去的星期日，假座大埔比華利山別墅舉辦的皇室寵物嘉年華現身開講。港姐講者，論gimmick ，我選前者。
根據東瀛Tea 潮玩法，似公仔咁卡娃伊的Tea for Poodle ，分標準Tea 、tiny tea 、pocket tea 和micro tea 。除了micro tea 之外，其他乜tea 物tea ，Betty 一屋都係，仲有呢期hit 爆的雙色黑白tea 添！
剛出生滿月的tea cup 貴婦，身形粒骰到！
_1_.jpg>
Betty 話因為葡萄糖粉比較甜，係狗都鍾意飲，就算用針筒餵都絕少有頑強反抗。
宜同不宜
同是港姐，可惜丘小姐不姓葉，說的是狗經而不是股經，否則以下公開貼士，和味咯！
1.宜用圍欄重重包圍。「標準tea cup 貴婦狗，完美黃金比例係肩高不得超過8吋，體重不可重過4磅。若然標準tea 都輕飄飄成咁，其他更加可以想像！如果住處有大量立雜嘢，可移動傢俬的話，會好容易產生家居意外，釀成手腳骨折，駁番都手尾長！」
2.謝絕小孩大狗。「將一隻身價動輒兩、三萬起，體質咁fragile 的貴價狗，和小朋友大型犬共處，情況就好似將中華鱘和海狼擺埋一齊——只要一下無情力，玩完！記住，但凡tea cup 或以下size 貴婦狗，都只能和同類型小狗多隻共養，或跟運動量小的貓隻相處。」
電線宜用膠管套好。
只宜同類身形犬同處。
3.少出街為妙。「因為生得細粒，先天性心臟負荷唔到一般犬隻的大型運動量。易骨折，大動作嘅跑或俾人踩親都死得。又驚青，突如其來高分貝的響安聲都有可能嚇破膽。所以，如可，最好搵人廿四小時睇實！」
4.長備葡萄糖粉隨時急救。「每種狗都有一套屬於自己品種的遺傳性隱疾，例如大型犬常患脊椎關節重病；tea cup 貴婦就容易有低糖症。事關tea cup 貴婦胃部結構得個哥爾夫球咁上下，頂籠容得下十零廿粒狗糧，that's it ！仲要少食多餐方可維持一日所需營養，形成身體經常出現不夠糖分導致抽筋問題，尤其幼犬。如見犬隻精神散渙體力不支吽到連玩都無興趣，可開一茶匙葡萄糖粉溝水，用最小型針筒從犬隻
側慢慢注入，正常3-5毫升左右啦，即刻醒晒！」Betty 最後不忘補充多句：「記住即日開的葡萄糖粉絕不可留過夜，否則變壞之後俾狗飲，會引致腸胃不適敏感。」明白！
_1_.jpg>
_1_.jpg>
童年的我
周身毛茸茸，肥肚肚墜地，個頭細到拍得住一粒新奇士橙的「飛仔」，身輕如無物，勁cute ，一手將佢反轉影相（扮日本貓犬寫真）之後，就咁眼仔碌碌郁都唔郁，完全無反轉意欲，超級好玩。
