Sure Win !
無錯，又係奧運，但目標觀眾，係四隻腳。
話晒佔主場之利，大大條道理，我哋點可以唔做嘢！所以一係唔做，要做，開雙呀！
已經昂然踏入第3屆的狗玩水運，鐵定7月6日於元朗寵物樂園舉行，而且將難度升級：游水炸水潛水，一口氣玩盡三攻！
將小圈子拉闊，
九展PetMAX 橫跨整個暑假檔期的寵物奧運會，狗以外，貓鼠[龜兔雀都歡迎踩場參與。全數報名費用，仲會直接撥捐入「苗圃行動」512賑災助學慈善之用。
只盼天公仁慈造美。
Come on,jump !
2屆冠軍示範
狗，大部分天生趾間有薄膜，亦稱之為「蹼」。尤其金毛伯恩山拉布拉多狼狗一類working dog ，堪稱狗界飛魚，潛水更加唔在講。就好似蟬聯2屆水運冠軍、9秒6最佳成績保持者金毛尋回犬「Mui Mui 」，主人基哥話佢個個禮拜唔游水唔潛過唔安樂：「一玩就大半日！」咁有無興趣挑戰
庄先？「睇吓點！」嘩好大口氣
！
池長40呎闊20呎深4呎，分5線鬥快游，跳台高2呎，設有助跑位俾狗衝、跳。
你講我呀，help,is falling ！
細狗免問
現實是殘酷的！邊個叫對上兩屆水運經驗，打頭炮的細狗組，隻隻唔係沉，或逆走，就係要主人牽住狗繩夾硬扯游，搵隻游得好好睇睇有氣氛有瞄頭的，都無！所以，無謂
時間，今屆刺激嘅，清一色大狗VS 大狗！
何謂大？按港版標準，但凡體重有20公斤以上的狗種，就算大，乜種都歡迎，組隊打游擊更佳！過三關玩法：Round 1分五線鬥快游直池衝線，最好成績入圍決賽再鬥。Round 2逐隻跳台炸水，但同人版高台跳水規矩相反，呢part 硬鬥水花大呀！Round 3鬥潛得耐，贏硬密碼，就要睇主人出咩法寶啦！記住，每Round 都設有冠亞季，卻只有冠軍者，可獨得Hill's 總值一萬大元狗糧。有排擦！
水怪「Mui Mui 」曾經被主子基哥以十四字打油詩「潛水搵嘢真功夫，游水快過波波夫。」嚟形容，果然無吹水吓！第一屆水運以9秒6戰績一鳴驚人，第二屆自己輸俾自己得9秒87，但依然贏開巷，有心挑戰的話，係時候開始練兵。
日期：7月6日
時間：9am 開始
比賽地點：元朗錦田水尾村351號寵物樂園
參加方法：請將主人及犬隻詳盡資料聯絡方法，email 到本人電郵mailto:jchiu@nextmedia.com / 公司傳真26239538，註明參加第3屆狗玩水運。亦可直接向寵物樂園網上報名
http://www.petworldhk.com/ 查詢電話24706928/ 傳真號碼24706920。
下期詳列比賽細則
寵物奧運全攻略
玩完水，輪到腳踏實地，反轉寵物陸運。由6月22號起，個個禮拜日玩玩玩，直到8月31號為止。除咗下列狗玩精選頭盤示範，仲有貓跳高、鸚鵡拉果仁、倉鼠跑滾球、龍貓穿隧道同兔仔跨欄比賽。所有成績，都會名留青史成為港版開埠紀錄。咁威，仲等？
拉力賽
參賽狗隻於指定的2分鐘時間內，將背負有物件重量的拉車（大/ 細狗標準各異）成功拉至指定終點。
障礙賽
狗隻必須越過賽道上多個預先設定的障礙物，包括雪糕筒、隧道、蛇標等等，愈多愈高分。
跳遠
玩法類似跳高，但遠近都有等級制。細狗跳四格，大狗再按級別逐格加，總之最多八格。
拔河
以單循環制式畫鬼腳對壘，將綁在中央的紅布拉至己方設定界線，為之贏！
定時距離賽
健兒們要在跑步機上，在2分鐘時間內完成最多步行里數，邊隻贏就邊隻升班，再鬥。
日期：6月22日起的每個星期天（直至8月31日止）
地點：九龍灣國際展貿中心EMAX 4樓19號PetMAX （各比賽時間請網上細閱）
落場資格：犬隻以體重或肩高分五級，可單人匹狗或集齊四隻組團參加。
每隻報名費$30，團隊每隊$100。
參加方法：可郵寄或傳真21877500；或上
http://www.petmaxhk.com/olympic.html查詢
