百年少有的黑雨過後，翳焗天氣立即變成灼熱難頂，胃口繼續維持於超低水平。最好的解決方法，就係辣醒胃口辣醒自己！香辣酸辣麻辣甜辣，港式中式泰式墨西哥式，全部夠激叫醒味蕾。
頂唔順？放心，新餐廳炮製嘅辣菜辣度有不同級數，唔會一味死辣，令你喪失味覺咁無謂，而係辣中帶香，辣中帶甜，辣得有層次，總之令到你食慾心情笑容都返晒嚟。
鍾意避風塘嘅惹味，但又懶得拆蟹，避風塘炒蜆$86簡直如獲至寶，啖啖多汁鮮嫩蜆肉，中和避風塘配料嘅乾涸熱氣，一流。
金沙避風塘炒蟹$268（小）炸蒜乾身鬆化，唔會黏埋一
，每啖蟹肉都吸盡辣油的香氣。
乾
爆雞$68汁醬剛好包住每件雞塊，唔會太油膩，很香口。
用長筷子炒的避風塘乾牛河$48，每條均勻地鋪滿醬油，牛肉腍滑，一食就知師傅功架。
避風塘炒蟹，出名香辣惹味，於尖沙咀新開不久的艇家，以避風塘小炒作主打，唔止賣炒蟹，仲變化出避風塘炒蜆、雞翼、乾炒牛河等等，花款多過一般辣蟹店。
大廚曾經喺灣仔橋底辣蟹、九龍城辣蟹以及日本橫濱萬珍樓任職，炒蟹炒足十年，佢炮製嘅辣蟹夠晒正宗。炒蟹分古法及金沙兩種，用啖啖肉的越南肉蟹，汁料更是講究，辣椒油是自家炒，而炒蟹用的油，更加係用豆豉、蒜茸、乾
、辣椒和薑煉過，似滷水汁一樣不停加油煉製，愈耐愈濃味。
蟹夠香，避風塘牛河同炒蜆口感仲正！雖然醬料一樣，即係四川辣椒乾加野山椒加辣油辣醬炒成，之但係，炒蜆和避風塘配料的對比質感，配搭效果更搶，炸蒜辣椒食落香口，蜆肉肉嫩多汁，少少熱氣感覺都無！炒牛河亦精彩，一夾起來，河粉夠彈性，唔會斷開碎濕濕，炒得均勻，碟底不會太多油，超正。原來，師傅用長筷子去炒，唔似用鑊鏟咁易壓斷河粉，條條河粉黏鑊時間夠長，夠晒鑊氣。我哋坐喺鋪面都聽到廚房「哄哄」鑊氣聲，每道避風塘小菜上枱，香氣，遠一遠都聞到。
辣料
四川辣椒乾（左）取其香辣、野山椒（右）勁辣，兩者打成辣椒茸，另有自家炒製辣椒油。
Katy ︰「聞到好香，好想食！炒蜆最好味，唔太辣，又有汁，好易食晒成碟。」
艇家避風塘小菜
地址︰尖沙咀金巴利道25號1樓
電話︰27391778
營業時間︰12nn-2:30pm ，6pm-3am
平均消費︰午市$50，晚市$250
泊車︰美麗華商場$25/ 小時
