34F巨乳模特兒YoYo捲入裸照風波割脈，昨出院後接受訪問，指左手有4隻手指沒知覺，斷了兩條筋和一條神經線。
擁34F的巨乳模特兒伍淑怡（YoYo），疑因早前透過agent接廣告試鏡拍下半裸相，捲入裸照兜售風波，本週日在牛頭角寓所割脈，並自拍滴血照貼於facebook，控訴報警求助時不獲重視。
昨日YoYo出院後到有線電視接受訪問，她應記者要求除口罩，展示傷手說：「有4隻手指冇曬知覺，醫生話我斷咗兩條筋、一條神經線，駁番都最少要3個月復原，著bra都要用10分鐘，頭先洗頭喺髮型屋匿埋喊，𠵱家見陌生人好緊張，覺得戴口罩好安全，可能要睇心理醫生。」
YoYo將滴血相貼fb被質疑博出位，她激動否認，並對嚇親外界致歉。資料圖片
YoYo受訪期間脫掉護手的三角巾，狀甚痛苦。
不時作性感打扮的YoYo強調只是為工作而性感。攝影：仇志德
強調並非博出位
問為甚麼自尋短見？YoYo說：「覺得全世界都幫我唔到，連最正義嘅警察都幫我唔到，首先佢話我啲相同片冇陳冠希咁嚴重，佢唔想幫我哋備案，最嚴重係佢話：『你知唔知你拍啲片係犯法？』我唔係擘大髀嗰啲，我係casting正常角度之嘛，差人畀我嘅感覺，想嚇我唔幫我做嘢。」
YoYo強調自己只是行性感路線，但底線唔會露點：「可能我講嘢幾鹹濕都好，我係講就天下無敵，做就無能為力，呢10幾年靠自己努力，冇任何花邊新聞。」是否覺得報警受歧視？她說：「我覺得睇唔起娛樂圈嘅人，可能我嘅工作要性感，但唔等於真係可以咁性感。」並指前晚有女警到醫院聯絡她，今日她會到警署。
YoYo強調當時是真的想死：「嗰嚇真係好無奈，由我乜都有，突然可能因為呢件事搞到乜都冇，受唔住呢個打擊，差人大番我轉頭，我知我死咗你會做嘢。嗰嚇個人去到極點，火山爆發出嚟。我唔係諗住搵人救，想畀所有人知警察唔做嘢。」
對於將滴血相貼fb被指博出位，她激動說：「識我嘅人知我唔係，我係乜事都鍾意放上互聯網同人分享，嚇親大家唔好意思。如果我唔企出嚟講，可能有更多受害者，我唔想再有其他女仔受傷害。」
另YoYo接受有線訪問講到影裸照，眼紅滴淚說：「有契爸爸喺美國，佢哋唔想我嘥錢買機票，寧願做job去探佢，所以我聽到去美國工作叮一聲發曬光。」
採訪：楊潔雯
攝影：陳順禎
from:
http://hk.apple.nextmedia.com/entertainment/art/20151021/19340909
