鄧麗欣Stephy素顏出浴尷尬清場

歌手鄧麗欣（Stephy）為了慶祝踏入30歲，將於9月19日舉行個人慈善相展，留下最美一刻！這次名為「StepFree」的慈善相展，Stephy請來好友攝影師顏米羔及形象指導馬天佑相助。

Stephy素顏上陣拍攝出浴照，拍攝此之前她勤做護膚。

問到可會展出與男友方力申的合照？Stephy口窒窒地說：「冇刻意咁諗，總之你哋到嚟相展一定有驚喜！（會唔會叫佢嚟睇？）如果佢喺香港，抽到時間就會嚟。」早前曾現身小方爸爸畫展的Stephy，被問到可有邀請未來老爺和奶奶？她笑說：「哈哈！唔知呀，冇諗呢樣嘢，不過我請咗好多朋友嚟睇。」

未有勇氣全裸
相展會展出10張相片，其中包括Stephy的素顏出浴照，她直認以「真面目」示人：「我係素顏，拍得好辛苦，最尾先拍呢個shot，拍之前有敷水分面膜同食啲清淡嘅嘢，（有冇着衫？）上身着咗tube。」她又指為免尷尬要求清場拍攝，只有攝影師和形象指導在場。問到這次舉行相展是否想在30歲留倩影？Stephy說：「留住一半先，本身有諗過影全裸，但未有勇氣。」

快將踏入30歲的Stephy，透過照片留下最美一刻。

Stephy的相展將會展出10張相片，並會以不同造型示人。
from:http://orientaldaily.on.c ... /00282_023.html

歌手鄧麗欣為迎接女人三十的重要時刻來臨，搞搞新意舉行了一個慈善相展，每個造型帶出不同的意思，她更真空上陣主動要求影「裸」照，是出道以來最大膽的一脫。

Stephy認為30歲是女性的重要時刻，最緊要以輕鬆的心情面對任何事。

即將舉行個人慈善相展的鄧麗欣（Stephy），在相展中有十個不同造型，每一個造型都有不同意思，當中有一個赤裸背脊的性感look，她笑說：「我特別要求一定要影，肯定係出道以來着得最少一次，我真空上陣半裸o架。」上身坦蕩蕩的她趴在床上，將一句英文「NOBODY KNOWS ANYONE ELSE EVER」投射到背部，她說：「我要有『裸』嘅感覺，個意思係喺世界上除咗自己，冇一個人會真正了解你自己，所以要對自己好啲。」她表示並非要賣弄性感，要用藝術角度去睇，她覺得出來效果好靚、好滿意。

盼港人解除束縛
在相展中Stephy作出了不同嘗試，有素顏浸浴缸、有古靈精怪、甚至捨棄靚女形象，她笑說：「喺旺角街頭，我化咗個邋遢流晒汗嘅妝，綁住坐喺輪椅度，好多人望住，但好好玩。」其實意思是想帶出好多港人、或者跟她差不同年紀的女性，經常畀自己束縛、掣肘，她說：「自己今年都30歲，好多嘢應該要快啲做，唔好再畀自己綁死。」

Stephy在街頭拍攝，希望港人卸除束縛。

樂於作新嘗試的Stephy素顏浸浴缸，她坦言拍攝過程頗辛苦。

Stephy坦言冇人最了解自己。

Stephy由籌備到構思都全程參與，她形容拍攝過程頗辛苦，三日內要完成十個造型拍攝，每日影足十幾個鐘，她說：「一日裏面轉四、五次妝，影嘅時候塊面乾到不得了，返到屋企落妝塊面係痛o架。」今次相展命名為「StepFree」，照字面解作是行得輕鬆點，十月中就步向三十歲的Stephy，覺得三十歲對女性算是一個重要時刻，她笑說：「如果有啲嘢諗唔通、或者唔開心，係咪應該要放開啲去面對呢！」

攝影：林楠

化妝：Cyrus Lee

髮型：Linfa@IL Colpo TST
From:http://orientaldaily.on.c ... /00282_045.html