講真，媽咪姐都係哈日迷，但對佐佐木希呢，真係唔多注意噃。最近24歲嘅佢突然好紅，紅到連帶早前發行嘅寫真集都大賣。
女神啊，請賜我力量吧!（設計對白）
佐佐木希話就話歌、影、模三棲，但一直半紅不黑，所以近呢兩年都好似專職拍寫真集咁，出到沒完沒了。為乜今次呢輯寫真會咁墟冚？講起就真係要多得日本體操花美男加藤凌平唔少囉。
話說喺今屆倫奧入面，靚仔靚女特別多，其中19歲嘅加藤凌平更冧死全球少女。唔講唔知，佐佐木希竟然係佢女神喎。今次去倫奧，加藤將佐佐木希送俾佢嘅親筆簽名相帶埋去，仲肉麻到話呢張相係佢嘅「隨身之寶」﹗就因為得到國寶級嘅加藤「豪情愛語」，佐佐木希人氣即時彈起。一句話，勝過捱十年呀！
得到加藤凌平帶挈人氣翻生嘅佐佐木希，最近傳出同尊尼事務所嘅二宮和也拍拖
據講加藤呢個落馬後低頭一笑嘅「美貌」，迷倒一個女評判，竟然俾咗加藤全場最高分。
佐佐木希送俾加藤嘅親筆簽名相，本來平凡過乜，但卻成為加藤隨身之寶。
