書展下周三揭幕，o靚模寫真今年競爭更見白熱化，雖然Lavina和Rainbow的《夏之盛放》寫真集疑因受壓以「售罄」為名退出書展，但20歲的元祖級o靚模Kama（羅凱珊）仍然不敢怠慢，繼周秀娜和Angelababy（楊穎）相繼出招後，Kama也公開到蘇梅島拍攝的半裸寫真照谷人氣。不過Kama為免輿論過激，寫真集推出時會加封條包裝遮掩裸背。
堪稱o靚模Top 3的周秀娜、Angelababy和Kama都會在書展上推出寫真集，三人近日各自發招催谷人氣，在巴黎取景兼sell時裝潮味的Angelababy，早前一輯DeepV泳裝照離奇外洩；周秀娜的水着寫真則狂谷爆乳身材，還伸脷舔雪糕，日前曝光的寫真照更懷疑露暈走光。
Kama近日也不甘示弱出招，專程往泰國蘇梅島拍攝寫真集《My Secret Album》，封面以Kama半裸露背作賣點，笑容甜美、梳清爽直髮的她只以相簿遮胸，未知是為免引起反o靚模網民反彈，還是為了保神秘感，Kama的寫真集上市時，封面會加上一條封條遮住肩膊以下位置，力保其清純健康性感形象。
賣寫真自然少不了水着照，Kama主打陽光海灘健康性感。
Kama穿棉質Tee與熱褲卧床甜笑，清純少女指定動作。
《嫵媚人魚》
除半裸上陣外，Kama的私相簿寫真內更有不少她穿棉質Tee及熱褲趴在床上的照片，又濕髮瞓森林摸樹枝，或穿小背心坐卡車等，主打清新健康，力sell其少女味。至於o靚模不可少的三點式水着照，Kama的寫真集一樣有，但只限於她伏在沙灘浸海水，或坐在泳池邊及濕身套上白恤衫等，絕對談不上肉感誘惑。
面對大批o靚模狂露肉搶客，Kama似乎好蝕底，對此她說：「都唔怕，大家路線唔同，我係少女味重嘅，成件事感覺好健康sexy。嗰日影時都有啲尷尬，我都遮遮掩掩，但現場好多stylists要睇住啲頭髮同妝，全場又有4、5個男人望實，都少少怕醜。」
提到周秀娜的寫真疑似露乳暈，Kama表示不相信，她說：「佢一向有身材兼性感，走光唔係真嘅，佢身材已經夠爆，唔使靠呢啲，我冇佢咁好身材。」至於另一勁敵Angelababy的寫真照，Kama表示也有留意，知己知彼，她說：「有睇過啲相，幾靚，佢應該有自己路線，我就唔會跟佢，佢嘅靚係似公仔，我嘅靚就好自然，不過之前瘦咗，連個胸都細埋，家努力增肥，希望有番少少身材。」
Kama以青春少男作主要客路，故寫真集內不乏清新旅行feel靚相。
「啲網民唔會反我」近日網上出現反o靚模入侵書展大聯盟，Angelababy急忙自稱潮模，實行劃清界線，Kama一樣不認自己是o靚模，更有信心不會被網民針對，她說：「我唔同路線，我唔會怕受牽連，啲網民唔會反我嘅。」對於周秀娜指摘o靚模胸大無腦，Kama就說：「每個人都有自己特質，佢哋特點係身材，搵餐飯食啫，唔好趕絕人哋。」
對於Lavina和Rainbow的寫真集《夏之盛放》以「售罄」為由退出書展，Kama昨日說：「恭喜佢哋，其實我哋推出嘅日期都唔同，我喺書展第一日先公開賣，希望唔只搶晒，仲可以加印啦。」Lavina等疑因受網民反對壓力取消書展簽名會，Kama就表示不擔心，會如常亮相書展，她說：「一啲都唔擔心，會23號喺書展搞簽名會，只係簽名，唔會有其他gimmick。」
採訪：羅慧敏
為免被指過激，Kama寫真集發售時會以封條遮住肩膊以下的部份。
周秀娜日前搶先發功，谷胸搶人氣。
Angelababy
書展進入倒數階段，除Kama半裸搶灘外，不少o靚模已先行出招較勁，實行先「色」奪人咪蝕章。
