大咪初現 上週一晚出席電影盛會，話入面着咗件黑色tube 打底嘅G.E.M.成為全場焦點，更自爆有32D 身材。當今樂壇，其巨肺同上圍都無敵啦。
巨肺新人王G.E.M.（鄧紫棋），平時密實，上週一（23 日）忽然低胸晚裝出席《亞洲電影大獎頒獎典禮》，脹爆上圍初現，仲多口自爆32D ，人細cup 勁。
不過G.E.M.話只此一次下不為例：「大胸好多衫都着唔到，我好驚着恤衫會爆鈕！」
17 歲人仔，胸大竟然係煩惱，羨慕死人就真啦！
G.E.M.抵達會場落車時非常豪邁，她堅稱誇張效果全因紅地氈燈光及閃光燈營造：「喺salon 試衫時好哋哋㗎！公司早知影出嚟咁誇張，一定唔會畀我咁着！」
身材好多友好。出席完活動，G.E.M.又上緋聞男友學界歌王Aaron 寓所留至深夜，打通宵機。
5 呎3 高100 磅重的G.E.M.，平時出騷、扮波兒都密密實實，估唔到真人不露相，上週一，穿上由造型師準備的G.V.G.V.金色晚裝，發育超班，即成紅地氈焦點。
阿媽遺傳
自爆32D 上圍，G.E.M.性感初露，被網友在討論區內勁講，更有說其經理人公司搵G.E.M.照肺，下令從此「封胸」，以免破壞實力形象。上週六（28 日）G.E.M.卻對本刊堅稱貨真價實：「我冇作大㗎，中四以後真係買32D bra ……我本身都冇諗住講，但當時俾成班記者chok 吓，就講咗出嚟。經理人冇嬲我，但好晦氣咁鬧我唔講都講咗，叫我下次唔好亂噏囉！」自稱好身材遺傳自鄧媽媽，讀女校的G.E.M.原來亦有大胸困擾：「好似趙碩之咁高、胸大就話啫……我唔高，又有baby fat ，最慘係好多衫會着到自己肥，着恤衫又怕心口爆鈕、唔靚。性感晚裝？唔好啦，減肥成功至算啦！」
公開身材秘密後，G.E.M.被同事取笑威脅趙碩之，上週六（28 日）出席港台活動時，G.E.M.抓緊領口：「我平時着衫好保守㗎！」
5 呎3 吋高、重100 磅的G.E.M.最唔滿意自己嬰兒肥：「我喺屋企買咗部樓梯機，每晚堅持踩45 分鐘……最緊要瘦，上圍縮水都唔怕！」
減緊肥
甄妮 34G （縮胸前）《壹週刊》圖片
杜麗莎 36E 《忽然1 周》圖片
泳兒 32D
巨肺人辦
圈中唔少唱家班，身材有番咁上下，個個星期返演藝學唱歌的少女巨肺G.E.M.話，聲樂老師教落，肺活量高同上圍冇關係。
家庭醫生關嘉美就解話：「乳房同胸膛係兩樣嘢，唔可以混為一談，但肺大，胸膛自然需要大至裝得落，歌唱界人士，如果太瘦、身材平板自然冇咁着數！」唔怪得之，出名走音嗰幾個，心口都冇乜睇頭啦！
