近日憑《學警狙擊》中警方卧底Laughing 哥一角紅到爆燈的謝天華，前晚錄影《美女廚房》時大受現場師奶fans 歡迎，雖然有三位靚女廖碧兒、應采兒和Angelababy 下廚炮製美食，但Laughing 哥狠批她們的廚藝，更當場吐菜。
由鄭中基、梁漢文和方力申主持的新一輯無綫節目《美女廚房》，前晚在將軍澳電視廣播城錄影，廖碧兒、應采兒和Angelababy 下廚炮製美食，近日憑《學警狙擊》警方卧底Laughing 哥一角而人氣急升的謝天華更和劇中飾演其社團大佬的苗僑偉（三哥）齊齊擔任評判。由於Laughing 哥將會在本周五大結局中死過翻生，所以前晚謝天華出現時十足Laughing 哥上身，現場不少師奶fans 稱呼他為Laughing 哥，得他十分開心，搶盡風頭。
擔任評判的謝天華狠批Angelababy 的菜式，更即場吐菜。
廖碧兒在天使「藍莓」劉俐和「香蕉」王淑玲相伴下出場。
「唔使搵命博」
應采兒拿精心炮製的美食跟現場觀眾分享。
當三位靚女炮製指定菜式紅燒獅子頭時，自爆首次下廚的Angelababy 雞手鴨腳，更慘被評判批評她將豬肉球弄到如手榴彈，謝天華毫不留情狠批她的獅子頭外觀如嘔奶一樣，十分肉酸，並笑說：「家上嚟節目，唔使搵命博，唔係要我死多次呀？」他試食後更立即吐出來，反應極大兼拍枱衝口爆了句「頂呀！」，然後補鑊說：「好食到冇得頂呀。」同場兩位美少女廚神胡心諾（Rainbow ）和o靚模A.Lin 都有份落廚，穿低胸裝的17歲Rainbow 捧菜給評判試食時，令謝天華和三哥不敢正視，但鄭中基抵死瞪大雙眼說：「阿媽教落越驚越要克服。」隨即實女方的胸部。經過比試後，由廖碧兒以101分勝出，而廚藝嚇人的Angelababy 就以62分慘敗，Angelababy 說：「我第一次煮嘢食，之前只係煮荷包蛋，唔會打擊自信，會努力啲，但我冇煮過畀陳偉霆食。」採訪：卓寶花攝影：林德雄
美少女廚神Rainbow 穿低胸裙下廚，十分養眼。
鄭中基瞪大眼睇實Rainbow 上菜，十分抵死。
十指不沾陽春水的Angelababy ，幾經辛苦才征服皇帝蟹。
http://appledaily.atnext. ... art_id=12540195
