設計師尹泰尉（Pacino ）去年與工作拍檔意見分歧，一瞬間失去了由自己一手創立的時裝生意，以往活躍於時裝騷的他，更突然人間蒸發，絕跡時裝界。
失蹤逾年，Pacino 最近「復出」並轉行執教鞭，在IVE 當講師，而主講的科目仍是他最在行的Fashion &Style ，以及有關櫥窗和陳列的視覺營銷學。
早前見他與一班同學在課室中，一向說話不多的他，面對學生竟然滔滔不絕，像變了另一個人一樣。提到失去了的時裝生意，他豁達地說：「07 春夏之後已經冇做，好多人都覺得好可惜，但我認為一個人係唔應該只有一個目標，以前最瘋癲時期開咗30 幾間時裝店，分店愈開得多，對設計師嚟講係愈大負累，我問自己下一個目標係乜？開60 間分店定搞上市公司？（失去幾多錢？）我係佛教徒，對錢睇得好開，以前我係工作狂，同太太一日做十幾個鐘，依家生活無憂，食得飽，有個開心家庭同開心嘅工作已經好滿足。啲仔女好開心咁話，以後學校嘅活動爹哋媽咪可以參加啦！」
Pacino 在時裝界十多年，從未收過徒弟，而現在則桃李滿門，200 多位學生也叫他做師傅，邁向作育英才志願的第一步。
Pacino 現在的目標是將自己的專長傳授給學生。
