近數年，全球護膚界異軍突起：要不形象大賣天然有機；要不標榜醫學技術。前者主張成分健康無添加；後者力追科研，將美容整形濃縮樽裝入屋……
姑勿論閣下投奔邊門邊派，始終要搽上面喎，唔知乜頭乜路點放心？今鋪將各新牌仔一次過起底，做先頭部隊白老鼠測試！
天然草本最大路
有機Organic 護膚品：指純天然、非化學合成、無添加成分的產品。根據USDA 監管條例，原材料必須要在全無人工或化學成分污染的天然環境下栽種。生長過程亦要不含任何化學肥、殺蟲劑及基因改造產物，更不可以動物作產品測試。招紙上亦要蓋有生產國有機機構認證的標籤，例如歐盟機構Ecocert 、英國機構The SoilAssociation 等。
草本Botanic ：所有植物草藥，不論野生或人工培植，都要在天然栽種採摘情況下冇經任何加工程序，草本成分更不得少於75%，佔市場最多數。
英國版Fancl ︰Fushi （a ）
賣點︰提倡內外配合，一系列由內服的維他命、草本保健飲料、營養補充食品至外用的護膚品、洗頭水等，全部用香薰油及草本萃取精華製成，急救乾燥皮膚用最岩。香港店仲有鮮搾果汁吧，可以邊飲邊揀心水產品。
評語︰含乳木果油成分的修護膏質地黏膩，具治療功效，例如牛皮癬。精華素清爽易吸收，用後皮膚水潤，聲稱可刺激骨膠原增生！
天然派信徒
空姐Donna
「因為本身皮膚敏感關係，我不嬲慣用有機或草本成分護膚品，貪佢性質夠溫和，唔怕會刺激皮膚起粒粒。」
化妝師DoDo
「好多時醫學品牌成分嘅名，都唔知係乜，有機護膚品就唔同，尤其有認證標籤的，用得放心嘅嘛！」
左：草本潔膚皂$89/3.75oz
右：草本磨砂膏$419/4oz
全人手報告︰Pangea Organics （a ）
賣點︰美國貨堅持全人手限量生產製造，一系列成分濃縮草本精華的面部和身體適用護理品。各包裝盒內還附有植物種籽，買一盒種一盆，身體力行宣揚環保綠化，最岩敏感皮膚及鼻敏感人士。
評語︰無色無味的潔膚皂，含橄欖油及椰子油成分，取少量已能搓出豐厚泡沫；磨砂膏以紅豆及紅莓籽作磨砂粒子，觸感幼滑，打圈按摩時一嘅都唔痛，用後皮膚白淨及少咗黑頭，日日用都得。
上：Mother To Be Conditioner$389/250ml
下：Mother To Be Shampoo$359/250ml
向頭髮出發︰Louise Galvin （c ）
賣點︰本身是一名髮型師的Louise ，在懷孕時發現自己的頭髮唔單止容易開叉折斷，同時對髮型用品的氣味變得好敏感，因此研製出一系列專為孕婦而設不含香料的頭髮用品。
評語︰均含海檀木籽油，有助防止鈣質流失，保護頭皮。洗頭水性質溫和，防止脫髮。護髮素則滋潤唔膩，用後頭髮有光澤，易梳唔打結。
上：UV Moisturizer Extra Thirsty$750/1.7oz
中：Immortal Concentre$2,500/1.5oz
下：Hydrating Foaming Dace Wash For Men$360/100ml
慢工出細貨︰Christopher Hanlon （c ）
賣點︰澳洲出品，配方沿用一套16世紀草本植物療法，再配合電磁技術發酵的步驟調配而來，全線護膚品的原材料要花3-9個月先可做出一小批，所以價錢偏貴，產品包裝同時附有標籤及插圖，圖解產品正確塗抹位置，好有心思，最岩敏感皮膚人士。
評語︰乳霜質地似布甸狀，潤而不膩，陣香味仲好relax ！潔面泡少許分量已能做出大量泡泡，薄荷清涼舒服！精華素質地厚，有少許黏膩，具鎮靜皮膚功效。
上：Edelwiss Cream$560/2oz
下：Frost Flowers Mask$495/2oz
自設培植場︰Fermes de Marie （b ）
賣點︰自設保護培植場，以雪山氣候依然可以頑強生長的法國火絨花作主要成分，具有天然的抗自由基及防曬功能，並帶頭發起「保護瀕臨絕種植物計劃」，發財不忘立品。混合性皮膚岩用。
評語︰面霜質地滋潤，用後皮膚柔軟有光澤，具基本SPF15防曬功效；面膜水感重，曬傷皮膚都岩使！
有機陣營
有機護膚品的特性，是多屬油性而非水溶性，質地較黏膩。一般保存期較短，性質較溫和。
上：Baby Bottom Balm$99/100ml
下：Baby Bath Wash$109/250ml
BB 大晒︰Little Joey Organics （c ）
賣點︰兩名媽媽級創辦人，因為唔想乖仔一出世就被化學合成護膚品所傷害，特別由澳大利亞灌木中採取純正有機原料製造一系列岩BB 或極度敏感皮膚用的護膚品、沐浴露。
評語︰含乳木果油及有機蜂蠟，搽後皮膚好似有道保護膜block 住咁，有助殺菌及治療紅疹，專為BB 屁股仔而設。質地超溫純的沐浴乳，泡沫極少，包保唔會傷害幼嫩皮膚及油脂膜。
上：Reincarnation Pure Facial Exfoliator$390/75ml
下：Hosanna Intense Hydating Serum$480/25ml
果王之王︰Antipodes （b ）
賣點︰用100%特純及未經污染的牛油果提煉主要成分，產品全線質感上偏向滋潤，岩熟女或乾性皮膚。
評語︰可可巴粒子幼細，唔會磨損皮膚，具深層清潔作用。精華素含比一般葡萄多2倍的多元酚酸抗氧分子，滋潤乾燥皮膚好work ，適合壓力大、勞累、燥爆皮膚急救。
上：Rose Hydrosol Facial Tonique$198/60g
下：Coffee Bean Caffeine Eye Cream$210/29g
堅持十不︰100%Pure （b ）
賣點︰美國過江龍，以有機食材為原料，標榜十個堅持—─不加水稀釋、不加增稠劑、不加乳化劑、不加填充劑、不加化學穩定劑、不加人工香精及色素、不含清潔劑、不含任何化學成分及不以動物測試，連Tom Cruise 、Madonna 及Paris Hilton等荷李活名人都係捧場客，適合任何膚質。
評語︰呢支玫瑰保濕噴霧可保濕紓緩鎮靜皮膚，有別於一般礦泉水噴面劑會反抽乾皮膚水分的效果。含咖啡豆成分嘅眼霜，用後眼腫情況紓緩咗，但去黑眼圈功效就麻麻。
左：Rosehip Eye Gel$369/15ml
右：Hydrating Mist Toner$249/50ml
連樽分解︰Mukti （a ）
賣點︰讀音mooktee ，意思是擁護自由和釋放。唔係齋talk ，全線護膚系列擁有澳洲有機認證，兼獲Australia Export Award ，油性及混合性皮膚尤其岩用，而且所有樽樽甕甕均可分解循環再用，真正做到取於自然用於自然。
評語︰Eye gel 具香濃的玫瑰味，清爽易吸收，補水效果唔錯，用後乾紋淡咗。保濕噴霧在搽面霜前噴一噴，真係會有助護膚品快吸收，淡淡的花香味仲好relax 。
醫護潮流
醫學護膚品的新趨勢，是利用貼近人體基因細胞組織女性荷爾蒙，以高科技壓縮導入分子技術，深層兼針對性地護理面部皮膚，或延緩細胞衰老等等等等。
醫學派擁躉
化妝師Janice
「鍾意醫學品牌功能清晰針對性高，想治嗰樣就搽嗰樣。」
化妝師Jonathan
「鍾意揀有醫學根據的，相對快速見效，而且質地通常比較易接受。」
左：WW Cream$3,800/58ml
右：「h 」Serum$1,800/30ml
實驗理論︰3Lab （a ）
賣點︰以「Science of Skin Care 」為口號，顧名思義係玩複合物，一大堆Promatryx 、Hydranox ……極度化學物理字樣搬晒出嚟！熟女最岩用。
評語︰前者質厚，滋潤但唔膩，搽完塊面好似有層薄膜保護，適合成熟皮膚，後者清爽，特別在於含人造生長荷爾蒙成分，對減淡幼紋及嫩膚頗見效。
左：Collagen Stimulating Serum$590/30ml
右：Intensive Zone Eye Lift Gel$750/14.8ml
星級撐場︰Ayur-Medic （a ）
賣點︰將甘醇酸、勝月太及維他命等配合印度天然草本如菖蒲、茜草、木槿及苦楝樹等作主要成分，缺水皮膚救星。美國出品難怪有大批荷里活巨星如Cameron Diaz、Jessica Simpson 及Pamela Anderson 等撐場。
評語︰無香味的精華素清爽易吸收，泵水效果強勁；凝膠質地眼部啫喱，搽後有少許繃緊，但乾紋淡咗，firm 咗。
左：Growth Factor Serum$1900/30ml
右：Acne Pore Treatment$440/50pads
壓縮導入︰ZO Skin Health （d ）
賣點︰由美國皮膚科及整容界權威Dr.Zein Obagi 創辦，全採用高濃度配方，透過壓縮傳導系統功能，將0.7%的維他命A 導入皮膚（一般只含0.4%），其緩慢釋放特性，唔易產生過敏！油性及暗瘡皮膚用一流。
評語︰啫喱狀精華液質厚滋潤，搽後膚色均勻咗，真空按壓式設計方便衛生。含2%水楊酸成分的淨化棉可直接抹面，具控油及對付暗瘡功效，微微清涼感覺幾紓緩。
左：Normal Moisturizing Gel Mask$650/50ml
右：Restoring Eye Gel$680/15ml
冰川水抗老︰Montee （g ）
賣點︰以經過最少15年冰川岩層過濾而成嘅阿爾卑斯山冰川水為主要成分，配合三大自家研製的活細胞抗衰老生物科研成分，抗老化及提高皮膚抵禦能力。岩成熟及乾燥皮膚人士。
評語︰eye gel 水感重，吸收快，搽後有冰涼感覺，可紓緩眼部浮腫。Gel mask 泵水能力強勁，敷10-15分鐘後，皮膚即時變得水潤飽滿，仲無需過水。
2Weeks Miracle$1800一套
納米科技︰Bioxil （e ）
賣點︰利用納米智能分子導入技術，將維他命、多聚勝月太及多醣等高效成分從皮膚表面滲透至角質層，標榜連超乾皮膚人士都唔使去美容院做導入facial 都可以有同等功效！
評語︰一盒有齊保濕乳液、精華素、乳霜及眼霜，主要針對皺紋、缺水及色斑等問題，勝在會因應唔同皮膚而tailor-made 加入配方，所以只接受訂購兼有專人送上門。
上：天仙露$480/50ml
下：花粉精華面膜$560/4支
油面救星︰La Rose Blanche （f ）
賣點︰除甘草甲鹽、丙三醇及胺基酸等，仲加入花粉、蜂草、蘆薈等天然中藥，治療調理油性及暗瘡皮膚。
評語︰具消炎去油的天仙露清爽唔膩，洗面後連眼搽，可預防粉刺暗瘡。而花粉精華面膜則可用水稀釋後敷用，直接搽於患處，第二朝暗瘡即時收水！
銷售點
(a)中環置地Harvey Nichols
(b)中環擺花街9號I LOVE GREEN
(c)中環堅道25號A
(d)金鐘太古廣場連卡佛
(e)尖沙咀海港城海運大廈LCX
(f)銅鑼灣告士打道信和廣場1601室
(g)尖沙咀金馬倫道14號B 合成香水中心
