下個星期一就開學，淨係買書同校服，使錢已經好似倒水咁快。最怕係而家畀幾十蚊影數碼證件相，好多鋪頭都係求其執兩執就算，仲要唔畀個相底你，影得靚猶自可，唔靚的話自己想執都冇辦法！既然係咁，今期《Ketchup 》就教你$0自製證件相，影完執靚埋個樣之餘，更幫你印埋，以後show 張學生證出來，包令人眼前一亮！
一click 執相easy job
筆者都做過學生，明白臨開學前影證件相，大把人排長龍，曬相鋪邊有時間同心機來take two ，影得靚唔靚，好多時嗱相一刻先可以慢慢睇。加上影一打數碼相動輒幾十蚊，咁樣的話不如花少少時間自己整仲好。今次介紹嘅《光影魔術手中文版》免費軟件唔單只有齊中文繁簡同英文，介面更比《Photoshop 》易得多，簡單執相一click 就得，初學者都絕對識用。最體貼係幫你度埋相片size ，一print 就掂，自己print 一打都只係一個幾毫，平靚正！
一去到光影魔術手官網，就會見到繁、簡同英文多種版本任你下載，而繁體版最新就係v0.27。下載後再解除zip 檔就得，好處係唔需要登記email 同個人資料，一勞永逸之餘亦唔會有廣告跟住你。
官網：
http://neoimaging.beareyes.com.cn/
Before
首先當然要準備一張半身個人照片，不過用細DC 影出來嘅相，皮膚粗糙、膚色又黃，直接印證件相，實笑死人！
2.
1.
After
Step 1：潔淨肌膚
證件相唔只放喺學生手冊入面，更有機會喺護照，甚至履歷表上，皮膚唔靚絕對係大忌，所以當務之急一定要先磨皮，潔淨肌膚！
1.先到「效果」一欄找「人像處理」，跟住選「人像美容」，就會打開新視窗。
2.之後，就可以從右邊選項中設定「磨皮力度、亮白同範圍」，平滑度要視乎個人膚質，但一般30至60%已十分足夠，若達70%以上的話，好易有蠟像feel ！
After.執完之後，毛孔平滑了，而鼻尖甩皮情況也褪減得多，成個人精神晒！
1.
2.
3.
Step 2：深層美白
潔淨肌膚之後，梗係要做埋深層美白啦！光影魔術手中都有個類似功能，可以令容易有黃面感的東方人望落白淨啲。
1.Model Meko 有一身蜜糖膚色，但由於照片光度問題，令她看上去有點黃。想搞好又係到「效果」一欄，找「人像處理」，並在「人像褪黃」中一click ，便可根據百分比來美白或加深膚色。
2.切忌太貪心，事關美白30%已很明顯，再白的話就好似撻住5吋厚粉一樣。
3.完成後，面色和手臂的膚色淺了、白了，但完全冇影響衣服及頭髮顏色，極力推薦！
1.
After
Step 3：環境sharp 晒
好多時大家影完數碼相之後都會有白平衡問題，甚至曝光唔平均。而呢個軟件亦可自行修復亮度，或可以人手重組白平衡，令人像曝光更平均自然，就算只係用機頂燈影證件相都有得救！
1.進入「調整」欄目中的「自動白平衡」選項，便可以進行照片白平衡修復。若嫌唔夠的話，更可按下toolbar 上的「曝光」，作曝光校正。
After.修復後的照片，原本因為DC 白平衡唔準，而變灰的白牆終於雪白無瑕，而且人像左右光亮度亦平均不少，靚晒！
1.
2.
Step 4：裁剪尺寸
每種證件相都有唔同吋數要求，你當然唔使print 完逐張度咁傻啦！事關呢個軟件，可讓你直接選擇預設的證件相尺寸和相應相紙大小設定，print 前幫你裁好晒！
1.先要到「工具」的「證件照片沖印排版」，便可選擇3R 定4E 相紙的不同排版方式，例如選擇1吋定2.2吋相。美中不足係冇A4相紙選項，而且亦冇1.5吋相片選項提供，唔夠全面。
值得一讚係可選擇解析度，最高可達到3,000dpi ，精細到晒8R 都唔會鬆，而相片之間仲會有灰色分隔線，唔怕剪歪，細心！
精明執相tips
初學者執相，最容易犯的錯誤就是衰貪心，為咗做到零毛孔，好多時候都會將各種執相選項推到最盡，咁就好容易變咗恐怖蠟像館啦！其實即使軟件容許你推到張相好光或超滑皮膚，最多都係推到三分一左右就好夠，千祈咪推盡！
