好人好事大放送-賺分好機會

1^# 大中小 heung_jason (IP: x.76.236.x) 發表於 2008-2-5 17:09 發短消息只看該作者

大家好,每日係報紙,電視裡面睇到既新聞,都是一些大事件,往往一些小事既新聞,就唔會出到街,我們今次既好人好事--分享篇,希望大家將自己生活遇見過既好人/遇見其他人或自己做過既好事,分享給大家知,藉此鼓勵大家多些留意身邊既事/人,亦藉此多謝他們!希望你們多些分享.

唔好將些好野收埋,凡分享者,我們都會獎你10jetso分+1心心,二月二十九號截止.若會員對分享的文章所作出的回應有見地,版主會為該回應加分,而最多有10jetso分.

另我們會從上述好人好事當中,由會員選出三個最感人既分享,選舉期由三月一號至三月九號.而最高票數的分享會員可以獲得VIP一個月,另外兩位則可每人可以獲得兩貢獻分及10jetso分.

各位咪錯過良好的賺分機會,快d黎跟大家分享下身邊的好人好事啦!

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 yin (IP: x.77.4.x) 發表於 2008-2-10 23:33 發短消息只看該作者

等我分享下先啦...

2004年6月22日 (端午節)

04年剛剛畢業...考完試揾到第一份工...係番灣仔會展...
咁大個女第一日出去打工就撞正端午節....
我住係沙灘同埋郊野公園附近..一到假期d遊人就會湧晒入黎玩...
知道有依d情況..我已經提早左出門口...點知行到去巴士站...等左5,6架小巴都係冇位..
愈來愈心急..最後忍唔住徒步行左落沙灘總站...足足行左差唔多半個鐘...
點知落到去仲有幾條龍等車...心諗一定遲到...
於是打電話向將會一齊番工o既朋友講我遇到o既情況...
點知突然間俾排前面o既女士一手拉左我去搭的士...
佢問我係邊度番工..我答佢灣仔...(由我屋企去灣仔..搭的士要過海..差不多200蚊)...
但佢二話不說就叫司機開車...我不停話唔好意思..問佢點俾番錢佢...
佢捉住我隻手答我"後生仔第一日出去打工...一定唔可以遲到!!我雖然唔係富有,但我有能力幫到你..如果你想多謝我,將來你成功左買打西餅黎探我就得!"
之後佢俾左張咭片同埋2百幾蚊我..
叮囑個司機要盡快車到我去灣仔...
果一刻好感動...我只係一個o靚妹...非親非故...佢都咁幫我...
最後我趕到番去...差2分鐘就遲到...
到左今日..過左3年幾...我依然未做到"成功"...而且可以話係失敗..
但我依然清楚記得依一件事!我相信有一日,我一定會番去探佢,多謝佢!!

[ 本帖最後由 yin 於 2008-2-11 00:05 編輯 ]

TOP

3^# 大中小 kk (IP: x.149.109.x) 發表於 2008-2-12 11:27 發短消息只看該作者

2007年12月中既時候,本人kk行經花園街(即是波鞋街)近new youXX 店舖,發現一名可疑中國藉男子,相信佢同近日經常發生既好人好事有關,果然不出所料,佢係眾目睽睽下犯案,受益者係一位拖著紙皮的婆婆,該名疑犯見到婆婆這麼大年紀,仍然要工作,心裡動了善心,立刻從銀包拿出hkd 50給了婆婆,婆婆收到後,心裡會心微笑,雖然那位男子跟婆婆素未謀面,但看得出佢係一位好人,我KK當時都被佢嚇了一下,我向他敬意.施比受更為有福!!!大家有無其他既經歷,同大家分享一下,唔需要長篇的,簡簡單單說出件事都可以的了.

我最喜歡夏天,我最喜歡唔著上身衫去跑步,因為可以流著成身汗水,好性感!夏天到來,代表我要開始減肥!!

TOP

4^# 大中小傘仔 (IP: x.74.105.x) 發表於 2008-2-13 13:50 發短消息只看該作者

時間: 上星期某晚上
地點: 輕鐵站
人物: 帶著小男孩的中年男人, 中年女人

一個男人拖住2個紅白藍大袋, 落車時很困難, 此時女人出手相助, 初時我誤以為是一家3口, 後來才發覺.....

女人說: 你行哪一面? 我幫你拎多幾步啦。
男人答: 唔駛啦, 唔該晒, 我自己得架啦, 唔該你。

他們是不相識的。

TOP

5^# 大中小 pfgracelee (IP: x.184.37.x) 發表於 2008-2-14 15:48 發短消息只看該作者

我於2月6日（即年三十晚）在家中附近的天橋看到一對公公、婆婆（差不多有7、80歲）跪在地上行乞，我覺得非常可憐，在這樣寒冷的天氣，又年近歲晚，家家戶戶都準備過新年，他們卻要抵着寒風、抖着身子、拋開自尊問人拿錢，我覺得他們真的是有困難，幸好我見很多人都有給他們錢（包括我自己），希望兩老可以過一個快樂的新年。

TOP

6^# 大中小 ewqasd (IP: x.128.225.x) 發表於 2008-2-14 16:15 發短消息只看該作者

回復 yin 2# 的帖子

咁 "有火" 既阿姐去邊到搵呀 .. 佢一手拉你都幾型喎
如果係man 就好啦

TOP

7^# 大中小 kk (IP: x.215.141.x) 發表於 2008-2-21 09:22 發短消息只看該作者

唔通大家身邊無遇見過好人/好事,點解大家唔踴躍既,可能香港人無咩愛心???可能大家掛住金魚缸既金魚,可能大家懶得打字,可能大家唔喜歡依個topic,總之有10萬個可能....

我最喜歡夏天,我最喜歡唔著上身衫去跑步,因為可以流著成身汗水,好性感!夏天到來,代表我要開始減肥!!

TOP

[香港] 好人好事大放送-賺分好機會

回復 yin 2# 的帖子