蔣雅文發現患有多囊卵巢綜合症：娶到我係三生修到
「台灣媳婦」蔣雅文（Mandy）做咗9年過埠新娘，台灣開心指數係咪高過香港？Mandy坦言：「講真賺台幣喺香港用，每一日都好似喺身上割肉，真係好肉赤！喺台灣食滷肉飯可能15、20蚊台幣，溫飽冇困難，但想去歐洲望吓呢個世界，或者大家都話『日元跌得好犀利，快啲去日本使錢啦』，但對於台灣人嚟講，日本嘢就算幾抵買，都係幾高嘅消費，香港雖然競爭好大，前景好擔憂，但目前為止，我覺得香港人競爭力始終比台灣人強，所有嘢都係選擇，係人都想賺多啲錢，但我想喺我嘅生活空間尋找想要嘅嘢。」[img]http://www.mybb.com.hk/wp-content/uploads/2018/02/1517833796_3cb2.jpg[/img]
到台灣後一切變得簡單，Mandy好快適應當地生活：「自己唔係要求太高嘅女仔，娶到我係三生修到，結婚咁耐，冇擺喜酒冇影婚紗相，兩個人喺埋一齊，揀咗你同我走完下半世，唔需要交代同鋪張。」
[img]http://www.mybb.com.hk/wp-content/uploads/2018/02/1420127184_b155.jpg[/img]
有啲女仔有樓先肯嫁，但Mandy就話：「佢（老公）都冇樓，當然每人都想要樓，邊個唔想有安樂窩，但係搵到願意同你捱嘅人更加難。台灣雖然樓價比香港低，但台灣人平均收入低，儲錢買樓時間比香港人長，目前我同老公都努力緊，但唔會喺台北市區買，唔想下半世為咗層樓生活，唔係我哋嚮往嘅日子。」
[img]http://www.mybb.com.hk/wp-content/uploads/2018/02/1420127186_e38d.jpg[/img]
同老公朱經雄結婚4年，婚後Mandy發現患有多囊卵巢綜合症，患者難以懷孕，問到現時身體狀況可以生B未？佢坦言：「o依家可以嘗試，但礙於經濟問題，我同老公各有一間舖，但只係小商戶收入唔穩定，每日自己上場打仗，生仔嘅話屋企經濟斬咗一半，負擔變得非常之大，所以好多現實問題要考慮，自己年紀又唔細，所以盡能力，希望學識做一個有責任嘅成年人。」
[img]http://www.mybb.com.hk/wp-content/uploads/2018/02/1517833782_9cbe.jpg[/img]
(蘋果日報)
頁:
[1]
