麥美恩奪「飛躍進步女藝員」竹昇妹打拼七年之路
《萬千星輝頒獎禮2017》昨晚結束，雖然唔少賽果都惹來非議，但麥美恩(Mayanne)攞「飛躍進步女藝員」就大家齊齊拍晒手！傻大姐形象深入民心的Mayanne早年選港姐後加入無綫，一步步踏上主持及司儀之路，近年人氣急升，打拼七年終成為「飛躍進步女藝員」，Mayanne亦係第一位以擔任司儀及主持而贏得呢個獎的女藝員！再次恭喜Mayanne！[b]「飛躍進步女藝員」麥美恩[/b]
日前《萬千星輝頒獎禮2017》中，唔少獎項賽果都被網民炮轟，唯獨有一位得獎者係公認的實至名歸，就係「飛躍進步女藝員」麥美恩(Mayanne)！Mayanne在台下得知獲獎後喜極而泣，上到台都繼續喊，佢感慨表示：「我知我有好多缺點，但係上帝俾咗個好好嘅恩賜我，可以令觀眾笑！」
[attach]264658[/attach]
[attach]264659[/attach]
[attach]264660[/attach]
[b]中文好全賴公公[/b]
另外麥美恩提到好多人問佢呢個竹昇妹點解中文咁好，原來係Mayanne公公以前日日陪佢做中文功課、幫佢默書，而Mayanne今日亦可以自豪咁對公公講，佢有做功課，喺香港發展得好好！
[attach]264661[/attach]
[b]麥美恩傻大姐形象入屋[/b]
出生於加拿大的麥美恩現年30歲，下個月就31歲生日，佢在卑詩省華人重鎮列治文(Richmond)成長，並於名校英屬哥倫比亞大學主修化學。Mayanne參選港姐後加入無綫，不時展露其麻甩又開朗的個性，開創了自己獨特的定位，深得觀眾喜愛！
[attach]264662[/attach]
[attach]264663[/attach]
[attach]264664[/attach]
[b]其實都係個靚女吖！[/b]
麥美恩雖然唔算係好典型嗰種美女臉孔，身材又唔係咩「咪神」級數，但相信無人會否定佢其實都係個靚女，眼大大、笑容親切又甜美，酒窩又迷人！平時Mayanne多數係簡約打扮，唔走淑女路線，不過每逢出席大型活動都會盛裝打扮一番，又係另一種魅力！
[attach]264665[/attach]
[attach]264666[/attach]
[attach]264667[/attach]
[b]2011年港姐第四名[/b]
回到那些年，麥美恩回流香港後參加2011年的香港小姐競選，最終奪得第四名。當年冠軍係出爐最「最佳女配角」朱晨麗，亞軍朱希敏、季軍許亦妮。
[attach]264668[/attach]
[attach]264669[/attach]
[attach]264670[/attach]
[b]那些年「龍躉村姑」…[/b]
想當年麥美恩因為較豐滿的身材，被傳媒封為「龍躉村姑」！依家都幾唔可能見到Mayanne再加著三點式泳衣……
[attach]264671[/attach]
[attach]264672[/attach]
[attach]264673[/attach]
[b]主持《學是學非》上位[/b]
至2013年，麥美恩成為綜藝節目《學是學非》的主持之一，雖然知名度不及其他幾位，不過佢在節目中願意放下身段，經常有爆笑演出，真摯不造作的感覺相當親民，「傻大姐」形象深入民心！
[attach]264674[/attach]
[attach]264675[/attach]
[attach]264676[/attach]
[b]新一代綜藝女王[/b]
雖然甚少演劇集，不過麥美恩可算係新一代的綜藝女王，參與大量綜藝節目及資訊性節目，頻頻做主持做司儀，曝光率高過唔少花旦小生！
[attach]264677[/attach]
[attach]264678[/attach]
[attach]264681[/attach]
麥美恩在《萬千星輝頒獎典禮2016》中連奪三獎，其有份參與的《我愛香港》、《學是學非》和《天與地》，分別獲得「最佳綜藝節目」、「最佳資訊節目」及「最佳特備節目」，厲害！
[attach]264682[/attach]
[attach]264684[/attach]
[b]廣告界寵兒[/b]
形象貼地又入屋，自然成為廣告界寵兒，原來佢去年就已經拍了八個廣告，由牙膏到化妝產品都有份，去到邊都見到佢！
[attach]264685[/attach]
[attach]264687[/attach]
[attach]264688[/attach]
[attach]264689[/attach]
[b]竹昇妹打拼七年之路[/b]
麥美恩在加拿大土生土長，隻身來到香港發展，與家人分隔兩地當然好唔捨得。來港七年，Mayanne終於奪得演藝生涯首個重要獎項，相信佢爸爸媽媽都一定為佢感自豪！
[attach]264691[/attach]
[attach]264692[/attach]
[attach]264694[/attach]
頁:
[1]
