衛詩雅拍片紀錄入行十年生活試過冇收入靠墊支愧對父母
[attach]264543[/attach]好多明星表面上風光，但係其實實際收入就可能窮過你同我。
入行十年嘅衛詩雅雖然並非大紅大紫，不過一眾香港人應該對佢都唔陌生。為慶祝入行十年，佢拍咗一條片紀錄呢十年嚟嘅生活。佢表示依家自己仍然非常貼地，就算電話壞咗，寧願自己拎去整都唔會買部新。佢亦曾經試過兩、三個月冇收入，靠墊支幾千蚊嚟生活。不過好彩佢一向慳家，所以唔出街都可以維持到生活。佢亦喺片段入面多謝佢父母嘅支持，因為自從佢入咗行之後，生活唔穩定，三十幾歲人都未拍拖，令到父母好擔心佢。種種都令到佢覺得自己好無用，因為佢自己鍾意拍戲嘅執著令到父母要承受一啲佢哋本來唔需要承受嘅壓力，佢自己講講下都眼紅紅忍唔住流眼淚。
[attach]264544[/attach]
而佢亦表示就算以後會搵到好多錢，佢都未必一定要每次出去做嘢都要有司機接送或者搭的士，希望佢可以繼續保持呢種貼地嘅性格啦！
所有嘢都親力親為嘅佢，就連網民留言都自己答埋！就好似有網民問佢：「做十年都咁霉係咪應該考慮轉行呢？」衛詩雅就直接回答佢話：「唔轉行係因為我真係好鍾意演戲」可見佢對拍戲真係好有熱誠。希望佢跟住呢十年可以成功拍更多戲，唔使再要佢爸爸媽媽擔心啦！
原片：[url]https://www.facebook.com/eegmichelle/videos/10155834032331147/[/url]
[attach]264545[/attach]
衛詩雅愧對父母崩潰爆喊衛詩雅入行十年愧對家人
藝人衛詩雅近日拍短片，盡訴入行十周年心聲，講到零收入的坎坷歲月，她即崩潰爆喊，自責愧對父母。詩雅亦自認慳妹，出入貼地坐巴士，揚言即使將來很有錢都未必請司機。[img]http://orientaldaily.on.cc/cnt/entertainment/20180120/photo/0120-00282-024b1.jpg[/img]
衛詩雅上年咁多工作，總算苦盡甘來啦！
去年工作不斷的藝人衛詩雅為記錄入行十周年，特地拍了一條短片講出心聲，期間講起父母時不禁掉眼淚！她直言入行多年試過有兩、三個月完全沒有收入，要靠公司墊支幾千元維持生活。詩雅又自認慳妹，冇錢的話就不出街，留在家中吃媽咪煮的飯：「我可以唔出街唔使錢，之前做嘢啲錢都會儲低慢慢用，工作可以借衫，同媽咪住又可以留喺屋企食飯，游水就去沙灘游，有錢先去泳池。」
「咁大個仲要佢哋擔心」
詩雅愈說愈激動，眼淚終於決堤：「其實我覺得對唔住屋企人，自己都三十幾歲，父母有時講笑，叫我快啲拍拖，又話唔介意我收入，我咁大個女仲要佢哋擔心，好冇用。」她自言如果不是做娛樂圈，父母可能不用擔心這麼多：「但因為我硬頸，令佢哋承受不必要嘅嘢。」
貼地唔亂使錢
詩雅在等巴士及坐巴士期間拍片，表現貼地一面，她自爆試過去維修手機時，服務員竟說：「你係明星喎！都要整電話？」她表示做明星不一定有錢，而且不會隨便買新東西，即使將來可能很富有，都會做回自己，未必會請司機。她笑言多年來考獲不少牌照，同事都叫她「牌王」，包括車牌、船牌、潛水牌、導遊牌、寵物傳心術及中醫初級證書，趁有空就努力增值自己。
[img]http://orientaldaily.on.cc/cnt/entertainment/20180120/photo/0120-00282-024b2.jpg[/img]
提起父母，衛詩雅終於忍唔住喊。[img]http://orientaldaily.on.cc/cnt/entertainment/20180120/photo/0120-00282-024b3.jpg[/img]
衛詩雅表示平時都會坐公共交通工具，將來有錢都未必請司機。[img]http://orientaldaily.on.cc/cnt/entertainment/20180120/photo/0120-00282-024b4.jpg[/img]
衛詩雅自言有錢先會去泳池游水。[img]http://orientaldaily.on.cc/cnt/entertainment/20180120/photo/0120-00282-024b5.jpg[/img]
衛詩雅與母親感情要好。
文：影視組
衛詩雅入行十年愧對家人[img]https://static.appledaily.hk/images/apple-photos/apple/20180120/large/20ec4p18.jpg[/img]
互聯網圖片
衛詩雅（Michelle）為紀錄入行10年，日前就拍短片「紀錄．十年」，Michelle覺得娛樂圈沒有安全感，曾經2、3個月零收入，要問公司預支幾千蚊人工過活，正因為如此不穩，令她更覺對不起家人，感觸落淚：「對唔住家人，因為我30幾歲，都會令佢哋擔心，覺得自己好冇用！」而她還說自己被人取笑是「牌王」，因為除了車牌，船牌、潛水牌和中醫初級證書都有。
衛詩雅貼泳照派福利
衛詩雅（Michelle）近年在影圈的發展相當不俗，密密參演了多部電影。難得不用工作，她就與吳嘉龍去泳池游水曬太陽輕鬆一下，還上載了游泳的片段，更留言：「今日放假，我地(哋)獨霸泳池。」還上載了游泳的片段。可見，戴住黑超的Michelle穿上大露背白色游衣，非常吸睛，但她的美好身段就被吳嘉龍遮住，網民都不禁說吳嘉龍阻住他們欣賞靚女，非常搞笑！另外，亦有網民問Michelle是否與吳嘉龍拍拖，但實情是他們最近到馬來西亞拍新戲，只是趁着不用開工游水放鬆一下，並不是拍拖。
[img]http://img.eastweek.com.hk/resources/74938/1.jpg[/img]
[b]衛詩雅趁拍戲的空檔去泳池游水、曬太陽輕鬆一下。[/b]
[img]http://img.eastweek.com.hk/resources/74938/2.jpg[/img]
[img]http://img.eastweek.com.hk/resources/74938/3.jpg[/img]
[b]穿上大露背白色游衣的衛詩雅非常吸晴，有網友就指吳嘉龍阻住他們欣賞靚女。[/b]
[img]http://img.eastweek.com.hk/resources/74938/4.jpg[/img]
[b]至於衛詩雅和吳嘉龍是否拍拖，他們就齊齊否認。[/b]
頁:
[1]
