張曦雯唔恨拍拖寧打暴力Game 發洩
無綫藝人張曦雯（Kelly）早前與周秀娜、麥明詩與余香凝為首飾系列拍廣告，Kelly表示未曾收過男生送首飾，最名貴的都是父母所贈：「咁我自己都買得起！我最名貴嘅首飾係爹哋媽咪送，所以唔係睇價錢，係睇意義。」提到先後與藝人徐肇平及著名練馬師告東尼兒子告崇恩傳緋聞，她強調仍是單身：「佢哋係好朋友，女仔有男性朋友好正常。（恨拍拖？）細個會恨啲，愈大就愈覺得冇時間，亦都覺得唔係必需。」Kelly自言個性獨立，故除非遇到很好的男生，否則不會拍拖。講到擇偶條件，她寧選擇圈外人：「因為我工作性質已經夠唔正常，希望對方可以喺我生活上帶來一啲規律。」美國長大的她不排除揀外國人做男友，可用英文溝通及容易表達自己。[img]http://orientaldaily.on.cc/cnt/entertainment/20180116/photo/0116-00282-010b1.jpg[/img]
張曦雯自言冇收過男仔送首飾，追求者識做啦！
另外，Kelly早前網上直播打機展現真性情，還被封為「打機女神」，她表示打機對她來說是一件優閒事：「絕對會幫到我減壓，因為打機係我鍾意做嘅事，我會打一啲暴力、可以發洩嘅遊戲。」
首飾：周生生Chow Sang Sang
化妝：Leo Tam @ Annie G Workshop
髮型：Echo Wan @ Headquarters
攝：司徒國榮
[img]http://orientaldaily.on.cc/cnt/entertainment/20180116/photo/0116-00282-010b2.jpg[/img]
張曦雯[img]http://orientaldaily.on.cc/cnt/entertainment/20180116/photo/0116-00282-010b3.jpg[/img]
余香凝、周秀娜、張曦雯與麥明詩拍攝首飾廣告。
張曦雯未找到對的人麥玲玲贈言桃花旺
[img]http://media.bastillepost.com/wp-content/uploads/hongkong/2018/02/20180207_EN_Kelly_fb.jpg[/img]麥玲玲贈言桃花旺張曦雯未找到對的人
相信粉絲也希望張曦雯繼續性感示人。
[img]http://media.bastillepost.com/wp-content/uploads/hongkong/2018/02/20180207_EN_Kelly_01.jpg[/img]
麥玲玲贈言給張曦雯在新一年要繼續性感少著衫將會更紅
[img]http://media.bastillepost.com/wp-content/uploads/hongkong/2018/02/20180207_EN_Kelly_02.jpg[/img]
張曦雯自言未找到對的人
張曦雯、麥玲玲出席賀歲活動，麥玲玲贈言給張曦雯在新一年要繼續性感少穿衫將會更紅，正行大名氣運，勝在人紅也沒有傷害性是非，新一年的桃花運較旺，感情多選擇，預計男友是位黑黑實實的人。
[img]http://media.bastillepost.com/wp-content/uploads/hongkong/2018/02/20180207_EN_Kelly_03.jpg[/img]
張曦雯、麥玲玲出席賀歲活動
問到張曦雯會否聽話繼續性感？她說：「那我要多去旅行和多去沙灘影相，做我平時做的事。」問她可會聽從麥玲玲指示，買紅色內衣褲來過年？她笑稱：「以前我沒有買，感到人家迷信，但這次麥師傅這樣說，那我便買一套。」至於感情方面，張曦雯自言未找到對的人。
[img]http://media.bastillepost.com/wp-content/uploads/hongkong/2018/02/20180207_EN_Kelly_04.jpg[/img]
網上圖片
[img]http://media.bastillepost.com/wp-content/uploads/hongkong/2018/02/20180207_EN_Kelly_05.jpg[/img]
網上圖片
張曦雯搵老竇做「觀音兵」
二十七歲嘅前華姐冠軍張曦雯（Kelly），樣靚身材索，唔怪得出道短短幾年，啲緋聞水蛇春咁長。佢先後同胡杏兒老公李乘德（Philip）、黃淑儀兒子徐肇平，仲有莊思華男友、著名練馬師告東尼嘅仔告崇恩等等傳過緋聞。不過，目前佢就堅稱自己單身冇拍拖，仲成日約埋啲閨密，好似蔡思貝咁，返屋企做「宅女」直播打機，打到有「打機女神」嘅稱號添！早前，Kelly出席一個宣傳活動，東姑見佢身邊有個「中佬」全程傍到實；原來此人正是佢嘅爹哋，張爸爸呢排喺芝加哥返咗香港陪下個女。唔知係唔係單身dry得滯，見Kelly對爹哋都十分依賴，而爹哋亦當正個女好似「前世情人」咁湊，加上佢個樣生得後生，認真容易惹人誤會。
當日，張爸爸就似小fan咁，囡囡台上宣傳，佢就喺台下捧場；期間，仲連助手嗰份都做埋，幫Kelly拎化妝袋，幫佢接收fans送嘅禮物，直至送個女上電召嘅七人車，全程掩護兼開埋車門；然後，父女一齊坐車返咗去北角嘅寓所。成個過程張爸爸比乖女啲「觀音兵」更加「觀音兵」，對Kelly呵護備至，認真服咗佢呢位廿四孝爹哋喇！
[img]http://img.eastweek.com.hk/resources/75493/1.jpg[/img]
[b]Kelly出席活動，佢爹哋就喺旁邊傍到實，比較Kelly啲「觀音兵」，更加「觀音兵」。[/b]
[img]http://img.eastweek.com.hk/resources/75493/2.jpg[/img]
[b]全程張爸爸跟住Kelly尾，好似「實Q」咁護送囡囡離開。[/b]
[img]http://img.eastweek.com.hk/resources/75493/3.jpg[/img]
[b]張爸爸雙腳夾住化妝袋之餘，仲幫手接收fan送畀Kelly嘅禮物，認真唔話得。[/b]
[img]http://img.eastweek.com.hk/resources/75493/4.jpg[/img]
[b]父女最後乘坐相信係電召嘅七人車，一齊返咗去北角嘅寓所。[/b]
[img]http://img.eastweek.com.hk/resources/75493/5.jpg[/img]
[b]張爸爸對Kelly嘅照顧認真周到，上車、落車連車門都幫手拉埋。[/b]
[img]http://img.eastweek.com.hk/resources/75493/6.jpg[/img]
[b]喺新一輯旅遊節目《3日2夜》中，雖然無綫高層落咗「封咪令」，但亦難掩Kelly嘅驕人身材。[/b]
頁:
[1]
