被質疑「抽水」麥明詩愁爆開工
「#MeToo」效應下，上周「十優港姐」麥明詩亦在社交網以千字文，自爆多年前曾在內地交流時，遭到不止一次性侵，當中更涉及暴力，但卻被網民質疑她「抽水」博宣傳，惹來不少負評。事後她接受傳媒訪問時，再提到性侵事件，一臉委屈，數度哽咽。事實上，本刊日前便發現，正為新劇《是咁的，法官閣下》開工的麥明詩，鏡頭背後一直顯得心事重重、滿臉愁爆，神不守舍的她，NG頻頻。晚上收工後，更見她即駕車到居於半山的閨蜜寓所，傾訴至凌晨兩點才離開。看來這事件，的確令她壓力爆煲。
[img]http://img.eastweek.com.hk/resources/73568/1.jpg[/img]
[b][/b]
神不守舍於社交網自爆曾遭性侵後的麥明詩，日前於西營盤繼續為新劇《是咁的，法官閣下》開工，但全程愁眉深鎖，完全看得出她的情緒相當低落。
當日下午，麥明詩駕駛其Tesla座駕，跟女助手抵達拍攝現場後，二人先走到附近一家茶餐廳醫肚。進食期間，即使女助手不停跟她聊天說笑，努力逗她開心，但麥明詩卻仍然顯得悶悶不樂、滿臉愁容。
直至拍攝埋位後，坐在車廂內等候roll機的她，只是一直垂着頭沉思，心事重重，跟對手黃子恒和其他劇組人員嘈雜的吹水聲音，形成了強烈對比。到正式拍攝時，有點神不守舍的麥明詩，於其中一個對黃子恒發脾氣的鏡頭，NG了兩、三次，更要拿出劇本再背熟對白，才能順利完成。
[img]http://img.eastweek.com.hk/resources/73568/2.jpg[/img]
[b]自爆性侵經歷後的麥明詩，日前為新劇《是咁的，法官閣下》開工時，一直表覝愁爆兼神不守舍，等候roll機期間，完全冇晒心機。[/b]
[img]http://img.eastweek.com.hk/resources/73568/3.jpg[/img]
[b]在茶餐廳醫肚時，女助手曾盡力引她發笑都冇用，只見她一直鬱鬱不歡。[/b]
麥明詩對牛彈琴落錯注！
知唔知咩叫「久賭神仙輸」？睇吓曾經被喻為「人生勝利組」嘅麥明詩，近排點樣頭頭碰着黑就知！佢做《2017年度勁歌金曲頒獎典禮》主持，被網友喪插心不在焉，唔識畀反應，上氣唔接下氣又多懶音，喺台慶劇《誇世代》又被人彈戲屎，就連喺社交網站講番當年被性侵經歷，都被人話佢係借機抽水博宣傳，幾乎連呼吸都錯！堂堂一個劍橋法律系畢業生，呃唔到Like都算，仲呃埋呃埋咁多嬲嬲，搞到一沉百踩，因乜解究呀？怪只怪麥明詩只有聰明，但缺乏智慧！[img]http://orientaldaily.on.cc/cnt/entertainment/20180122/photo/0122-00282-023b1.jpg[/img]
有聲冇氣照本宣科
Nuts哥都有睇番麥明詩《勁歌》當晚嘅片段，佢確實係講嘢唔夠氣，但佢展露嘅一手琴技，無可否認係幾OK！唔使福爾摩斯托世，都可以推斷到佢明顯係平時運動量不足，但一個讀書叻兼夾仲識彈琴嘅女狀元，究竟仲可以有幾多時間跑步、游水、行山？Nuts哥反而有另一個發現，就係當你唔睇畫面，只係聽聲，仲以為講緊嘢嗰個係袁詠儀，《新不了情》飾演病君嗰個袁詠儀！點解麥明詩主持《勁歌》會醜態百出？因為照本宣科跟稿讀嘅主持工作，根本唔啱佢做，你睇佢喺《#後生仔傾吓偈》，有個大方向畀咗佢，由佢自由發揮，佢幾多爆嘢講到出嚟，又話夜蒲鍾意着「嘟嘟裙」，又大談「分手炮」，有次講到女人40歲只可以啞忍老公喺出面滾嗰種無奈，佢仲梨花帶雨喊咗出嚟，不知令幾多後生仔攞起手上紙巾，隔住個Mon替明詩拭淚！
[img]http://orientaldaily.on.cc/cnt/entertainment/20180122/photo/0122-00282-023b2.jpg[/img]
麥明詩曾以性感茉莉公主造型錄節目，大講溝仔秘技。諸葛關公撈亂嚟做
表面睇，呢種叫諸葛亮出去千里走單騎，叫關雲長返嚟巧布八陣圖嘅人手錯配，好似唔關麥明詩事，「香港地好多老細都係咁o架啦！」做藝人，除非紅透半邊天，否則就預咗派到嚟就要做！但唔好忘記，麥明詩嘅本行係法律專業，喺香港，由藝人轉去讀Law做律師而成功嘅例子有唔少，好似黃錦燊、盧敏儀等，但由律師走去做藝人，Nuts哥只記得十幾年前有位青靚白淨嘅男歌手，但出道半年，佢都選擇重投法律界，箇中原因好簡單，因為藝人嘅職責係娛樂觀眾，但律師嘅職責係娛樂當事人、陪審團定法官呀？做藝人又是否必須考取相關專業資格？喺外國可能有法律界轉做藝人嘅成功例子，但喺香港，一旦嘴張開即散發出攻鼻、刺耳MK味嘅馮盈盈，絕對比麥明詩更易呃到Like！
指羊為狗水都難抽
你麥明詩「唔止一次」被性侵，兼夾有埋警方信件，力證唔係老作？咁又點呀？想分享啲法律意見，希望幫到被性侵嘅女士將色狼繩之於法？「好心啦，水唔係咁抽o架！」喺一個是非不分，指羊為狗嘅社會，麥明詩對牛彈琴，攞苦嚟辛！
做過律師嘅美國前國務卿希拉妮講過：「如果你活得久了，會發現生命中很多事情無法掌握，但你可以選擇如何面對。」試問喺動物園猛獸區落車行，被老虎監生咬死，可以怪老虎咩？麥明詩讀書係叻，但佢根本不懂技安（又名胖虎）！
Nuts哥
光顧澳牛獲邀合照麥明詩：太陽會西邊升起
[img]http://media.bastillepost.com/wp-content/uploads/hongkong/2018/02/20180204_EN_LouisaMa_FB.jpg[/img]光顧澳牛獲邀合照麥明詩：太陽會西邊升起
麥明詩惠顧著名茶餐廳「澳牛」時獲侍應邀自拍，稱自己受寵若驚。
[img]http://media.bastillepost.com/wp-content/uploads/hongkong/2018/02/20180204_EN_LouisaMa01.jpg[/img]
麥明詩上載認證照。
麥明詩在社交平台貼文，稱光顧網上對其服務態度評價不一的著名茶餐廳「澳牛」，她更獲侍應哥哥邀請一起自拍。麥明詩留言：「去咗澳牛食下午茶，哥哥話同我selfie。我受寵若驚，搞到諗唔到想食炒蛋定煎蛋。聽日太陽應該會西邊升起。」
[img]http://media.bastillepost.com/wp-content/uploads/hongkong/2018/02/20180204_EN_LouisaMa_FB.jpg[/img]
麥明詩大呼受寵若驚。
[img]http://media.bastillepost.com/wp-content/uploads/hongkong/2018/02/20180204_EN_LouisaMa02.jpg[/img]
澳牛侍應都被麥明詩的魅力吸引？
[img]http://media.bastillepost.com/wp-content/uploads/hongkong/2018/02/20180204_EN_LouisaMa04.jpg[/img]
麥明詩昨日出席國際中華小姐選舉，打扮性感。
有自稱澳牛常客的網民力撐「其實澳牛的伙計幾好，尤其對大肚婆」，也有謂：「你有運行！不過都請3秒內落單」、「成功溶化澳牛哥哥的光速工作心！」更有網民搞笑留言：「太陽蛋都會由西邊升起。」
頁:
[1]
