林作跟新歡Jacqueline 睇戲，拖完手再捽面
[attach]260670[/attach]林作跟十優港姐麥明詩去年底分手，前度早前被影到跟大隻型男老麥撐枱腳，林作亦不寂寞，十月被拍到跟有樣有身材Jacqueline行家品店，日前二人又孖住去數碼港睇戲，雖然其間趁機嘴嘴唔成功，但新歡依然忍唔住捽林作面頰，sweet爆。
不過經常講笑的林作，對新戀情卻這樣回應：「我同佢確係有發展機會，但而家又未係拍拖。」都唔知佢邊句真！
趁機就嘴
[attach]260671[/attach]
上扶手電梯，Jacqueline擰轉頭同林作傾偈，捽完面，兩人想嘴嘴，但睄到扶手梯有人經過，即彈開。
[attach]260672[/attach]
見人避開
上週日（十一月十九日）晚九點半左右，林作跟新歡Jacqueline Wong在數碼港睇《正義聯盟2》，踏入戲院，二人有默契甩開手，林作先去洗手間，Jacqueline則聽男友吩咐買戲飛同爆谷，之後合體入影院。
十一點半睇完戲，兩個人行去對面大廈停車場攞車，突然落雨，林作man爆火速除外套給女友遮雨，二人隨即衝上扶手電梯往停車場，向來說話多多的林作，講了幾句，即令企在前面的Jacqueline擰轉頭，其間更忍唔住用手捽林作面頰，正當兩人想嘴嘴時，不約而同發現扶手電梯另一邊有人，再彈開扮無事發生。
入到停車場，熱情Jacqueline愈講愈開心，忍唔住拍了林作幾下，跟住又拖住行了一段路。不過林作就再度變man，揸住支水毫無反應繼續行去攞車，送女友返回北角屋企。
Man爆除衫
[attach]260673[/attach]
俾女友擋雨
[attach]260674[/attach]
睇完戲，兩人離開行去攞車，林作除外套俾Jacqueline擋雨。
拖手
[attach]260675[/attach]
買戲飛
[attach]260676[/attach]
入到戲院，兩人本來拖住手，見人多即分開，Jacqueline買戲飛、爆谷，之後才會合入戲院。
買爆谷
[attach]260677[/attach]
跟周秀娜同公司
上月中，他們已經被拍到行家品店，事後林作澄清當日是一班朋友相約吃飯，他在「無印良品」買櫃，早到在附近行街的Jacqueline其後加入，並非拖友關係。不過早在九月初，林作已經上載過他跟Jacqueline合照，更問網民二人是否合襯，擺明好冧女方。
林作眼中一萬分嘅索女
林作鍾意喺Facebook讚女仔，俾佢讚過嘅女仔多到數唔晒，近排睇完台慶，就讚同係港姐冠軍出身嘅馮盈盈，當日馮盈盈依足限奶令，封晒全身，但林作依然用「密實都冇法遮蓋光環」形容馮盈盈。仲俾夠一萬分。林作眼中索女，仲有新一代性感女神張曦雯、接受完訪問成功抄牌嘅彭慧中、女子組合Bingo隊長Carman、同埋去年因讚索而同前度吵大鑊嘅牛津大狀Victoria，今次一反常態，含蓄曲線讚女友，應該唔只一萬分。
[attach]260678[/attach]
馮盈盈
[attach]260679[/attach]
Victoria
[attach]260680[/attach]
張曦雯
[attach]260681[/attach]
Carman
[attach]260682[/attach]
彭慧中
美貌行先
對於再被拍到跟Jacqueline孖住睇戲，林作回應：「我同佢確係有發展機會，但而家又未係拍拖，嗰日我哋只係去睇戲。」問到Jacqueline有何優點，林作曲線讚女友：「我不嬲都話女仔嘅美貌重要過智慧，你試問任何一個女仔，如果俾佢哋揀其中一樣，佢哋梗係揀美貌唔要智慧。」撇開美貌，他是否介意外間將Jacqueline跟前度比較，他說：「佢唔係圈中人，我唔想講其他關於佢嘅嘢。不過我哋只係去睇場戲，就係咁多。」
據了解，林作跟Jacqueline在英國讀書時並不認識，今年二十五歲的她，回港工作後才開始跟林作來往，一四年在英國曼徹斯特大學（University of Manchester）畢業，修讀市場學的Jacqueline，回港後加入周秀娜經理人公司GME工作，既打工也是KOL。
「Jacqueline個樣sweet，靚過好多幕前女仔，佢去interview時，公司嘅人仲以為佢申請做幕前，點知佢去in做幕後，Jacqueline做嘢都算勤力，九月公司喺香港海濱公園連續三日搞活動，日曬雨淋，佢都冇怨過一句。」知情者說。
[attach]260683[/attach]
去年麥明詩拍劇集《賭城群英會》，對手何浩文開口狂追。
[attach]260684[/attach]
去年九月，麥明詩承認跟林作分手，八月兩人被拍到在中環攤牌，麥明詩喊爆離開。
[attach]260685[/attach]
九月初，佢先後在Facebook問網友，Jacqueline同佢襯唔襯？另一日又po大合照，然後寫「度過愉快晚上」故事。
[attach]260686[/attach]
演舞台劇
感情有着落，林作事業亦有新發展，唔做大律師，早前簽約范振鋒揸弗的娛樂公司正式入娛圈，每逢週日要做補習天王教英文外，有經理人安排工作，林作經常將rap歌片放上社交平台公諸同好，即將又為首個舞台劇排練，全心投入幕前演出，愛情事業同樣有起色。
[attach]260687[/attach]
林作早前自爆阿媽周轉不靈要賣豪宅，林作媽回應叫阿仔唔使擔心，兩母子幽默感十足，都是吹得之人。
[attach]260688[/attach]
Jacqueline有樣有身材，不過無興趣做幕前。
[attach]260689[/attach]
林作行搞笑路線，早排同黃建東孖住玩了幾條惡搞片。
[attach]260690[/attach]
林作媽支持阿仔入娛圈，年初，林作媽借豪宅兼上埋鏡幫電視台做訪問。
減齡靚媽
林作新女Jacqueline有樣有身材，原來仲有個似家姐多過媽咪嘅「減齡靚媽」，今年25歲的Jacqueline，喜歡po同家人生活照，從事美容業的Jac媽，亦經常同阿女一齊上鏡，皮膚白滑有光澤，其中一張母女同著皮褸白tee嘅wild合照，似姊妹多過母女。
[attach]260691[/attach]
[attach]260692[/attach]
撰文：娛樂組
攝影：陳亦龍、楊紫
林作跟新歡Jacqueline睇戲拖完手再捽面
頁:
[1]
