劉佩玥升呢女一，日踩22粒鐘，壓力爆煲
[attach]260622[/attach]近年因大台陷入花旦荒，女藝人青黃不接，大台惟有力谷稍有潛力的藝人。入行四年的劉佩玥（Moon）因樣子甜美又形象正面，成為力捧對象。當選後拍劇、廣告做到冇停手，早前更在劇集《跳躍生命線》升呢做「女一」。不過突然坐正孭重飛，Moon疑壓力爆煲，在社交網上載危坐天台照，又暗示自己疑患焦慮症！
開工愁眉苦臉
劉佩玥（Moon）最近除馬不停蹄為劇集《降魔的》宣傳，又為新劇《堅離地愛堅離地》趕工。幾個月前，Moon曾在Ig上載危坐天台的相片，自認是「怪人」，打文指「生病時又會更加珍惜……當你覺得身邊的一切都來得理所當然，不妨病一下吧……」，最後更hashtag「Anxiety Cure（焦慮治療）」，半明示自己情緒出問題，令不少網友都表示擔心。
日前下午，Moon就現身大埔科學園為新劇《堅離地愛堅離地》拍外景，明顯唔夠瞓的她，埋位前木無表情，更不時愁眉深鎖，一副心事重重的樣子。身旁的男工作人員見狀，主動上車撩她傾偈。有人開解，Moon即向對方呻到指手畫腳，發完一輪牢騷，就收拾心情開工！
[attach]260623[/attach]
近日Moon在Ig上載危坐天台照，自認「怪人」外，又暗示自己患焦慮症。
[attach]260624[/attach]
工作人員見佢唔多妥，即上前安慰，Moon亦即時發洩出來。
[attach]260625[/attach]
上週四（二十三日），Moon與張振朗現身觀塘為劇集開工，Moon繼續顯得心事重重。
勸邊青
每日開工直踩廿二粒鐘，做到近乎虛脫的Moon，上週四（二十三日）完成宣傳又再趕去觀塘海濱為劇集開工。當晚劇情講述一位少女在海邊手自殘，Moon與張振朗發現後上前阻止。現場所見，埋位前的Moon選擇企埋一邊發呆培養情緒，甚少同身邊工作人員溝通。到正式roll機，Moon雖然好快入戲，但因表情太誇張，導演唔收貨。此時，近乎壓力爆煲的Moon粒聲唔出衝入廁所冷靜一下。「Moon對自己要求好高㗎，以前佢出嚟玩嗰陣喺我哋面前成日都係「開心果」，但我哋睇得出佢呢排成日心事重重，可能真係俾得太大壓力自己！」身邊好友透露。
[attach]260626[/attach]
在近日叫好叫座的劇集《降魔的》中，洪永城扮鬼舔Moon面珠一幕引來回響。
[attach]260627[/attach]
她粒聲唔出衝入廁所冷靜一下才再埋位。
[attach]260628[/attach]
點知Moon突然急步奔跑。
[attach]260629[/attach]
於是工作人員遞上劇本輔導她。
[attach]260630[/attach]
呢場阻止少女界手自殘場口，Moon NG好幾次，導演都唔收貨。
撰文、攝影：娛樂組
升呢女一日踩22粒鐘劉佩玥壓力爆煲
劉佩玥中招被迫播毒
無綫小花劉佩玥（Moon），入咗行四年，前年憑《四個女仔三個Bar》見習律師一角，而為人所熟悉；後嚟仲劇接劇，早排更升埋呢，喺新劇《跳躍生命線》擔任「女一」，緊接住又參演新劇《堅離地愛堅離地》，做到冇停手。日前，東姑去咗深水埗基隆街大排檔食消夜，咁啱就撞到阿Moon拍《跳》嘅外景。當晚，劇情講述演救護隊目嘅佢，請大班救護新丁，包括：何廣沛、郭子豪、張彥博等食飯，但就被何廣沛誤會對佢有意思。現場所見，身穿牛仔短打嘅阿Moon，一對白滑長腿白到反晒光，但就成晚咳個不停，令到對手郭子豪都覺佢有啲唔妥，連聲慰問。好彩，並冇影響阿Moon嘅表現，幾take就拍晒！
事後，阿Moon同東姑承認中咗流感，「可能因為近日流感比較勁呀，我都中咗招，咳咗成兩個禮拜。因為咳得太勁，聲帶好似傷咗，嚇親晒對手，我又唔想專登傳染人，咪叫佢哋唔好同我玩得咁埋，但又抽唔到時間睇醫生。」阿Mon為咗唔想拖延拍攝進度，病到咁都繼續開工，當然值得讚；不過，有病唔睇醫生，係咁咳四圍散播病毒，就冇人like囉。
[img]http://img.eastweek.com.hk/resources/72382/1.jpg[/img]
[b]日前，阿Moon劉佩玥、郭子豪、何廣沛同張彥博，喺深水埗大排檔拍《跳》嘅外景；期間，阿Moon同郭子豪有場吹水戲，咳到連對方都忍唔住慰問佢一番。[/b]
[img]http://img.eastweek.com.hk/resources/72382/2.jpg[/img]
[b]即使病到七彩，「女神」都要着短褲騷長腿，又不忘擺chok甫士。[/b]
[img]http://img.eastweek.com.hk/resources/72382/3.jpg[/img]
[b]自言病到連坐低都暈嘅阿Moon，當晚請咗一名助手（左）嚟幫拖，傍喺左右以免出意外吖。[/b]
[img]http://img.eastweek.com.hk/resources/72382/4.jpg[/img]
[b]拍攝前，阿Moon拎着叠劇本，咳住同郭子豪對戲，認真陰公豬豬。[/b]
拍劇遊魂打機，爆劉佩玥被高層怒剷
現年二十八歲的劉佩玥，自四年前當選港姐季軍後，一直劇接劇備受力捧；而早前的劇集《降魔的》，她飾演貝貝娜一角，更令她成功入屋。不過，有傳她愈上位愈恃寵生驕，目前正開拍新劇《堅離地愛堅離地》，有工作人員便爆料指，她拍劇時遊魂掛住打機，激到監製扯火當眾鬧爆。日前，《堅》劇於觀塘拍攝外景，本刊發現劉佩玥雖然照舊機不離手，未埋位前頻頻玩電話，但工作態度明顯大有改善。她除沒再玩手機遊戲之外，還跟同劇演員有講有笑「博friend」，似已知錯能改，善莫大焉！
[img]http://img.eastweek.com.hk/resources/73837/1.jpg[/img]
[b]早前，劉佩玥憑《降魔的》成功「入屋」，其中，洪永城客串鬼fan，伸脷偷舐她面頰一幕，更被網民熱議。[/b]
是非多多一三年港姐季軍劉佩玥（Moon），出道以來備受公司力捧，由於近年無綫流失大批小生、花旦，令二、三線藝人有機會極速上位，她亦成為其中一個受惠者，不停劇接劇拍不停。短短幾年，她已拍超過十部電視劇；而去年，她更憑《城寨英雄》、《幕後玩家》獲觀眾認識。今年，她再下一城，早前演出《降魔的》貝貝娜（啤啤）一角，角色純真討好，兼有不少催淚感人戲，令觀眾留下深刻印象。
不過，愈上位愈是非多籮籮，除有指她逢人電濫「收兵」，先後傳出伍允龍、周志文、翟威廉等皆中招外，早前又有指她嫌棄《果欄中的江湖大嫂》戲份少而推劇，寧接拍孭重飛的《跳躍生命線》及《堅離地愛堅離地》。
[img]http://img.eastweek.com.hk/resources/73837/2.jpg[/img]
[b]近日參演新劇《堅離地愛堅離地》的劉佩玥，被劇組人員爆料，指她遊魂掛住打機，而外景現場所見，她仍然經常機不離手。[/b]
[img]http://img.eastweek.com.hk/resources/73837/3.jpg[/img]
[b]《堅》劇於觀塘屋苑外拍攝外景，有傳經常NG的劉佩玥，打醒十二分精神拍這一場羣戲，避免再連累對手。[/b]
[img]http://img.eastweek.com.hk/resources/73837/4.jpg[/img]
[b]劉佩玥似有「阿姐」級待遇，工作人員為她補妝整頭髮，連康華也代勞攞鏡服侍。[/b]
劉佩玥否認患抑鬱
藝人劉佩玥昨日在鑽石山出席手機品牌活動，未懼寒冬來襲的她穿上背心裙示人，笑謂最重要靚！她謂活動主題是學生創造出有助傷健人士的產品，而自己則會利用文字去發放正能量，不過她曾在社交網站寫文章抒發情感，卻被誤會患上情緒病：「係報道拎咗部分字句去解讀成咁啫，成篇嘢都係正能量。」[img]http://orientaldaily.on.cc/cnt/entertainment/20180115/photo/0115-00282-012b1.jpg[/img]
劉佩玥貪靚着背心裙上陣，唔怕凍咩？
忙於拍攝無綫新劇《十二傳說》的她，可謂劇接劇，不過中間亦有時間休息。談到劇中與蕭正楠有親熱戲，她說：「依家都未拍，我都好期待，其實同蕭正楠都已經合作過，不過佢成日蝦我，又寸我，佢轉數好快，我依家都跟佢學緊嘢！」又指與林夏薇首次合作，見識到對方一口氣講晒三頁紙的對白，十分佩服。
劉佩玥否認患抑鬱[img]https://static.appledaily.hk/images/apple-photos/apple/20180115/large/15ec4p16e.jpg[/img]
[img]https://static.appledaily.hk/adoinfile/Section_Logo/6802138.gif[/img]
劉佩玥噚日出席荷里活廣場一個活動，對於之前佢喺網上發表過一篇關於抑鬱症嘅文章，結果就被指佢有抑鬱症，劉佩玥就解釋可能有人抽咗某部份文字同相出嚟，但其實文字上冇一樣嘢係唔開心，所有嘢都係好開心好感恩。
劉佩玥話有圖有真相呢句說話已經唔可以咁講，事關好多人會P圖造假，所以最緊要都係運用自己思想，要諗完先好判斷，唔好人云亦云。
撰文：馮仁昭
劉佩玥做「阿嫂」湊B 融入周志文家中
緋聞多多的無綫小花劉佩玥（Moon）與「巨聲幫」周志文（大孖）過從甚密，前晚被發現拍拖遊嘉年華，雖然找來親友做掩護，但他們忍不住行埋二人世界，Moon期間更抱着大孖的姪女BB影相，明顯融入周家！但據知二人承諾公司要專注事業，故對戀情死口不認！[img]http://orientaldaily.on.cc/cnt/entertainment/20180116/photo/0116-00282-001b1.jpg[/img]
Moon正值事業飛躍期，故密冚戀情。
28歲無綫藝人劉佩玥入行以來緋聞多多，被指「收兵」高手，曾與伍允龍、翟威廉及黃宗澤等傳緋聞，但傳得最盛是同齡的周志文（大孖），至於大孖亦一樣，女友如車輪轉，曾與前少女標本成員袁紫僑（CoCo）拍拖，又跟馬賽、蔡思貝、吳若希等傳緋聞，有「花王」之稱！
樂做「跟得女友」
性格投契的Moon與大孖近年被傳暗撻，多次被拍到出雙入對，經常一齊「Happy Live」直播唱歌，去年4月又齊齊遊上海，Moon亦多次以「跟得女友」身份支持大孖出戰籃球賽，男方還經常出入她在港島區的寓所。早前大孖的「波友」陳安立生日，他帶同Moon到賀，合照時更糖黐豆，愈愛愈明顯。
[img]http://orientaldaily.on.cc/cnt/entertainment/20180116/photo/0116-00282-001b2.jpg[/img]
Moon抱着BB靠向周志文拍大合照，即變小鳥依人。[img]http://orientaldaily.on.cc/cnt/entertainment/20180116/photo/0116-00282-001b3.jpg[/img]
周志文開餐都只約男友人羅孝勇，再由對方接載返家。
昨日有讀者爆料指前晚大孖與Moon拍拖遊嘉年華，同場有周志文胞弟「細孖」周志康與太太Emily及好友溫家偉、呂熙及范彩兒等，但沐浴愛河的Moon與大孖眼中只有對方，不時孖咇行開玩攤位遊戲，雖然沒有過分親密舉動，但不時有說有笑及情深對望。「歸隊」大合照時，Moon被大細孖及周家親戚包圍，又幫手抱着細孖的BB女，「阿嫂」身份呼之欲出！
不過，大孖昨日接受電話訪問時仍死口唔認與Moon拍拖，只表示現場有多位好友：「我哋十幾人一齊玩！知道一直有人影我哋，有途人想同我哋合照，我哋都大方影！（多人一齊係煙幕？）唔係，聚會有時人多，有時人少，總之唔係拍拖啦！」至於Moon亦口徑一致表示只是好友聚會。
「大孖」遠離女色
據知，二人密冚戀情以力保事業，近年Moon事業飛躍，最近又因劇集《降魔的》人氣再升，而多年來緋聞不斷的大孖簽下邵氏電影經理人部，承諾會「修心養性」事業為重，因此拒認拍拖，又經常找好友做掩護，如陳瀅、何雁詩及翟威廉等，但二人關係已是朋友圈中公開的秘密。
此外，鎖定Moon的大孖最近變專一男，遠離女色，平日外出多數全男班，日前他跟羅孝勇在尖沙咀工作後到旺角食生煎包，之後羅孝勇接載大孖返其藍田住所。大孖昨日還與藝人楊潮凱、傅嘉莉探望胡杏兒和BB，眾人笑晒合照。
文：影視組
攝：追蹤組
溫家偉女友洩「蜜」即扮傻
「大隻仔」溫家偉（Alan）身為劉佩玥和周志文的共同好友，非常樂意助二人保護愛苗，更甘願拖女陪二人出街做「煙幕」。不過，今次Alan的混血女友就百密一疏，不小心在社交網的限時動態中公開劉佩玥與周志文玩得出雙入對的情況。Alan接受本報記者電話訪問時，即扮傻笑說：「你哋認錯人咋？」即使他之後認真回答，但都明顯與好友夾晒口供：「其實佢哋本身都好Friend，只係咁啱出嚟玩啫。（怕唔怕畀人話你同女友好多事？）唔怕，全部一齊影相一齊玩，哈哈，亦唔覺得佢哋係拍拖！仲有，我哋掟咗成晚都冇贏啲咩，好似倒錢落海咁！」
專嗒拍檔VS小花殺手
2013年香港小姐季軍劉佩玥，入行後異性緣強勁至今。2015年被拍到獲賭王何鴻燊四房兒子何猷亨帶外賣探班，關係匪淺。同年又傳與黃又南合演劇集《殭》時撻着，被拍到在車內「談心」。但最為人熟知的莫過於2016年與伍允龍因拍攝《城寨英雄》而傳戲假情真，不時孖住出席朋友飯局及睇戲，女方更曾被拍到出入伍允龍寓所，戀情甚囂塵上。
同年，有指Moon與黃宗澤合作劇集《幕後玩家》時，迷上對方並周圍放聲氣自言回復單身，主動出擊。至去年「新兵」翟威廉加入，有指二人合作劇集《跳躍生命線》撻着，一盒飲品兩份飲，她更到男方工作室開live唱歌兼過夜。另外，亦曾與ViuTV主播陳安立和藝人張彥博等傳緋聞。
「巨聲幫」出身的周志文（大孖）被爆與劉佩玥暗撻，二人同樣異性緣旺盛。大孖經常捲入花邊緋聞當中，2012年與富家女友袁紫僑（CoCo）承認戀情，但有傳大孖與馬賽合作劇集《名媛望族》時撻着，令CoCo不滿，之後他與蔡思貝合作《衝線》時再傳出緋聞，有指被目睹於台灣拖手，因而令CoCo提出分手。
大孖亦因經常相約飯局而傳力追陳瀅和何雁詩。而2015年亦有指她力追吳若希，當時吳母受傷，大孖不時找來溫家偉作掩護，結伴探望伯母。
頁:
[1]
