南天竺僭建，翁靜晶大鬧政府部門卸責
[img]http://static.next.nextmedia.com/images/next-photos/NextMag/1447/640pixfolder/N1447010_3651.jpg[/img]話說被踢爆破戒蜜遊夏威夷高僧釋健釗同埋釋心慧，兩人「揸fit」嘅荃灣南天竺寺，早前被發現疑似僭建嘅豪華玻璃屋。《壹》仔同相關政府機構查詢，但就俾地政總署同屋宇署大耍太極。
自上月底，《壹》仔已經向地政總署查詢南天竺寺有冇涉及違例僭建，當時地政總署回覆話問題屬於屋宇署管核範疇。上星期四屋宇署終於回覆，但竟然話：「上述地段屬新界農地不屬屋宇署的監管範圍。本署已將此個案轉介地政處跟進。」
其實地政總署早於一三年向南天竺寺就有關僭建同骨灰龕位事宜發出警告信，但仲要將個波推來推去。唔通真係好似申訴專員公署個廣告咁，政府部門鍾意耍太極，但人工就袋袋平安。
一直監察佛門醜聞嘅翁靜晶就話，政府部門互相推卸責任好常見。「佢哋個案多，總之耍得就耍，有時候一兩個月都得唔到回覆！」翁靜晶又大鬧：「如果一間寺院起茅寮，俾出家人修行，我諗信徒都唔會出聲。但係我哋依家見到嘅係豪宅，裡面有按摩浴缸、健身室、全落地玻璃。男女出家人喺裡面相對而食，相對而住！」
荃灣南天竺寺有疑似僭建嘅豪華玻璃屋，其實地政總署早於一三年曾發出警告信，但又對《壹》仔講問題係屬屋宇署管核範疇。
玻璃屋裡面更有酒店專用按摩大浴缸，唔知作用係咩呢？
爭港獨人士提名陳振彬被問候娘親
上期《壹》仔簡介過港區人大代表選舉，其中幾名「被祝福」嘅惹火人物，提名期上星期五已經開始，有意競逐人士陸續拉票爭提名。
除咗上星期第一次選舉會議，短訊都係另一戰場，本身係觀塘區議會主席嘅陳振彬，有意競逐連任，發短訊向非建制選委拉票，包括手機app開發公司Innopage創辦人李勁華（Keith），同東九龍社區關注組陳澤滔。
佢哋都有cap低短訊，擺上Fb公諸同好，Keith就話陳振彬個洋名Bunny好cutie，至於陳澤滔就相當好火，直接問候人哋娘親！有網友留言「獻計」，建議陳澤滔提名陳振彬，令佢因為呢個提名而落選，唔知佢會唔會照做呢？
同樣備戰人大選舉嘅前港姐鄺美雲力撐國歌法，做過青年事務委員會主席嘅陳振彬，最近都講起噓國歌嘅問題，話明白年輕人有不滿，但每個人都要尊重自己同人哋國家，又話「奏起人哋國歌，你都唔會噓」云云。上屆港區人大選舉，佢第一次參選就已經得到「祝福」，今次走去爭取非建制選委提名，當中陳澤滔更喺舊年參選立法會嗰陣，公開支持港獨，Bunny兄係對自己太有信心，定係嫌命長？
佢哋都有cap低短訊，擺上Fb公諸同好，Keith就話陳振彬個洋名Bunny好cutie，至於陳澤滔就相當好火，直接問候人哋娘親！有網友留言「獻計」，建議陳澤滔提名陳振彬，令佢因為呢個提名而落選，唔知佢會唔會照做呢？
同樣備戰人大選舉嘅前港姐鄺美雲力撐國歌法，做過青年事務委員會主席嘅陳振彬，最近都講起噓國歌嘅問題，話明白年輕人有不滿，但每個人都要尊重自己同人哋國家，又話「奏起人哋國歌，你都唔會噓」云云。上屆港區人大選舉，佢第一次參選就已經得到「祝福」，今次走去爭取非建制選委提名，當中陳澤滔更喺舊年參選立法會嗰陣，公開支持港獨，Bunny兄係對自己太有信心，定係嫌命長？
陳振彬發短訊向人大選委拉票，連公開撐港獨嘅陳澤滔都收到。（陳澤滔Facebook圖片）
上屆參選人大已經得到「祝福」嘅陳振彬，今屆競逐連任，不過走去爭取非建制選委提名，會唔會出事㗎？
立會補選 傳泛民初選機制有定案
區諾軒受力邀出戰九龍西補選，不過佢似乎仲十五十六緊。
立法會被DQ議員嘅其中四席，下年三月會舉行補選，民主派一直未能夠就九西同新東嘅初選達成共識，不過有傳上週末泛民終於決定，初選將會以民調、實體票站（各佔四成五）同團體投票（佔一成）三部分組成，並簽署備忘錄作實，承諾如果喺補選落敗，唔會喺正式選舉參選。
不過就算初選機制明朗，都唔代表民主派已經決定好人選。九西除咗民主黨袁海文、民協馮檢基、七警案主角曾健超、社會主義行動之外，已經退出民主黨嘅南區區議員區諾軒，最近都被力邀參選。區諾軒上星期出席網台D100節目，喺「大班」鄭經翰追問下，承認準備參與九西補選，但之後話會喺十二月初前作最終決定。至於有傳會做游蕙禎「Plan B」嘅袁健恩，就喺Fb宣布唔參加補選，話九西目前需要一個堅決對抗威權政治，又願意同各派溝通嘅人選。
新東同樣都有多名民主派人士有意參加補選，包括新民主同盟范國威、中大學生會前會長張秀賢、民主黨區鎮樺同工黨新科主席郭永健，到時邊個會披甲力撼保皇黨，睇怕要先嚟一場大混戰先知啦。
「桶豪」戒甜瘦身搣甩花名
睇番舊相，譚文豪（中）當選立法會議員嗰陣，好似已經有少少肚腩。
身係飛機師嘅立法會議員譚文豪（Jeremy），形象算十分討好，但其實佢自從做議員之後，開始被人冠以「桶豪」呢個花名，皆因佢愈來愈發福。不過，男神終於歸位喇，最近佢自爆減肥成功，仲誇張到連西裝都要拎去改，成功搣甩桶豪稱號。
Jeremy喺立法會財委會話，花咗三個月時間減肥，少咗六、七磅肥肉、「條腰都幼咗兩吋」。至於減肥方法來自朋友建議，就係完全戒飲高糖飲品，唔飲紙包產品同可樂，飲凍檸茶都要走甜。佢話當選議員後，經常要同市民、團體會面，坐低就會叫杯嘢飲，唔經唔覺就愈吸愈多糖分，西裝都要拎去俾裁縫改番大。
佢仲透過自己呢個成功例子，建議政府立例要求標籤高糖飲品，因為依家市面上嘅飲品糖分真係過多，立法可以俾消費者按標籤做選擇。A
撰文:巫不言
八卦陣南天竺僭建翁靜晶大鬧政府部門卸責
頁:
[1]
