蔡慧敏神隱校園生活曝光
自稱曾經喺台灣畀人凌辱、禁錮嘅艷星蔡慧敏，向來緋聞多多；當中男主角包括：香港漫畫教父黃玉郎、已故台灣富豪黃任中等等，個個既有名又有錢。此外，佢以前隔幾年就會有一單勁爆全城嘅娛聞流出，譬如：喺〇五年就有同小雪老公「開房」嘅事件。喺一〇年，佢又同楊紫瓊嘅細佬楊南日喺公園摸黑親熱；事後，雖然流出咗好多情慾短訊，內容仲非常露骨，之但係蔡慧敏繼續強調自己同楊南日：「冇關係！」至於喺公園攬啜，佢就承認係醉酒亂性，所以佢都有公開向楊太道歉！
近年，蔡慧敏喺香港嘅娛樂圈好似銷聲匿跡咗，究竟佢去咗邊呢？其實，佢一直都有同東姑聯絡，呢幾年佢就去咗美國加州讀書，生活得好好，好開心，得閒shopping 、high吓tea。
至於大家最關心嘅，當然就係呢位「一代咪神」嘅身材有冇走樣？最近，佢就傳咗一啲火辣辣嘅新相畀東姑，依圖片所見，即使佢已經養尊處優咗咁多年，但身形一啲都冇變，仍然咁fit，各位宅男係咪好想佢復出呢？
[img]http://img.eastweek.com.hk/resources/72889/1.jpg[/img]
[b]身在美國加州嘅蔡慧敏，最鍾意同陽光玩遊戲，隔日就會去沙灘曬日光浴。[/b]
[img]http://img.eastweek.com.hk/resources/72889/2.jpg[/img]
[b]向來以激凸身材成為話題嘅蔡慧敏，雖然喺美國好食好住，但係身形依然keep得好fit。[/b]
[img]http://img.eastweek.com.hk/resources/72889/3.jpg[/img]
[b]蔡慧敏喺娛樂圈消失咗多年，原來走咗去讀書。[/b]
[img]http://img.eastweek.com.hk/resources/72889/4.jpg[/img]
[b]蔡慧敏同東姑講，佢喺美國加州生活得好開心，不過都好掛住香港；可惜，佢暫時都唔打算返嚟住。[/b]
[img]http://img.eastweek.com.hk/resources/72889/5.jpg[/img]
[b]從來都唔缺仔嘅蔡慧敏，一直都好多富貴人士埋身，喺一一年，佢就被發現，同一個內地富商喺上海影甜蜜自拍。[/b]
頁:
[1]
