拒談秘婚傳聞泳兒孖男友出巡似小夫妻
33歲的泳兒與髮型師男友Ziv Yeung拍拖6年，今年中突傳出二人秘婚消息。事後泳兒不但沒有否認且表示自己並非單身，以及可以接受即興。難怪大師姐容祖兒早前踢爆她應該是英皇小花中，最早出嫁的一個。其實，泳兒於去年被業主迫遷時，便順理成章搬到跑馬地與男友同居試婚。二人試婚一年多，感情更勝從前。早前他們現身銅鑼灣歎魚生飯，之後在街上漫步談心一小時，然後再搭小巴返愛巢，平凡貼地生活儼如老夫老妻咁恩愛。泳兒前年接受電台訪問時，表示已認定男友Ziv為結婚對象，她憶述一個傾心事的晚上和一個報平安的電話，就開始了這段戀情。她稱認識到男友對自己的事業、生活和音樂創作都有好大幫助。早前在泳兒媽媽中風入院期間，有男友的支持更是窩心，她曾表示：「有朝一日結婚，婚禮唔會喺香港舉行，會去一個寧靜嘅小島，簡簡單單請屋企人同朋友觀禮。」所以泳兒不排除會閃婚：「以前想30歲前結婚生仔，但O依家覺得唔Plan仲好，有一刻突然想做就去做。（接受閃婚？）接受到，嗰刻feel到就OK！」
[img]http://img.eastweek.com.hk/resources/73176/1.jpg[/img]
[b]泳兒和髮型師男友今年中傳出秘婚消息。[/b]
[img]http://img.eastweek.com.hk/resources/73176/2.jpg[/img]
[b][/b]
[img]http://img.eastweek.com.hk/resources/73176/3.jpg[/img]
[b]二人試婚一年多，感情更勝從前。早前他們現身銅鑼灣歎魚生飯。[/b]
早前傳出泳兒與男友Ziv秘婚，她出席活動時說：「答唔到你，就算係（秘婚）都係秘密。」再追問她現時是已婚還是單身？她又含糊地說︰「總之我唔係單身。（已婚？）唔好講呢啲。」其實自去年5月，原本獨自住在北角半山的泳兒，因被業主迫遷，便索性搬去跑馬地與男友同居，順便睇吓大家夾唔夾。沒想到同居一年多，兩人依然好甜蜜，關係更儼如老夫老妻。
早前呢對「小夫妻」工作過後到銅鑼灣用餐，原本各點了一個魚生飯，但細食的泳兒自動自覺分啲畀「老公仔」。吃飽後，兩人仲傾得好開心，泳兒一時甜笑，一時又扁嘴嗲Ziv。埋單時，男方負責畀錢，但泳兒攞定銀包出嚟怕「老公仔」唔夠現金，十分體貼。離開後二人仲唔捨得返屋企，就沿住駱克道行去景隆街，再兜入謝斐道步入波斯富街，行咗一個圈再去利園商場附近搭Van仔返跑馬地愛巢。
[img]http://img.eastweek.com.hk/resources/73176/4.jpg[/img]
[b]泳兒於去年被業主迫遷時，便順理成章搬到跑馬地與男友同居試婚。[/b]
[img]http://img.eastweek.com.hk/resources/73176/5.jpg[/img]
[b]泳兒和髮型師男友今年中傳出秘婚消息，她事後沒有否認且指自己並非單身，更表示可以接受即興。[/b]
頁:
[1]
