馮德倫《俠盜》票房破億
[img]http://static.apple.nextmedia.com/images/apple-photos/apple/20170816/large/16ec1p12.jpg[/img]馮德倫近日與楊祐寧在內地為《俠》片謝票。
馮德倫執導的《俠盜聯盟》在內地上映4日票房收逾億，面對票房破紀錄的《戰狼2》，馮德倫自言《俠》片依然有破億成績，實在可喜可賀。近日他和楊祐寧等到各處謝票，不少觀眾都關心戲中男主角劉德華的身體狀況，馮德倫代華仔謂：「其實華哥嘅狀態好好，只係需要時間復原，所以大家唔使擔心。」
馮德倫表示觀眾最愛戲中的搞笑場口，特別是楊祐寧被舒淇掌摑：「觀眾問係咪我呷醋，強加上去喎。」當中有觀眾希望馮德倫再做幕前，不過他直言享受導演工作。
撰文：葉綠悠
from:[url]http://hk.apple.nextmedia.com/entertainment/art/20170816/20122579[/url]
《俠盜》演技切磋華仔頂住尚連奴
[img]http://static.apple.nextmedia.com/images/apple-photos/apple/20170821/large/21ec4p1a.jpg[/img]（左起）劉德華、尚連奴、張靜初同馮德倫之前喺歐洲拍《俠盜聯盟》外景。
劉德華監製兼主演、馮德倫（Stephen）執導嘅新片《俠盜聯盟》，今個周四喺香港上映，賣點之一落喺飾演俠盜之首嘅華仔身上，同擔任警探嘅國際影星尚連奴（Jean Reno）連番鬥戲。
[img]http://static.apple.nextmedia.com/images/apple-photos/apple/20170821/large/21ec4p2a.jpg[/img]
劉德華同尚連奴（左）對戲笑笑口好輕鬆。
[b]擦出新火花[/b]
華仔日前接受訪問，講到同尚連奴首次合作嘅感受，佢話：「尚連奴係一位出色而真誠嘅演員，合作過程非常舒服自然，仲可以透過今次嘅機會，了解到其他國家演員嘅表演文化。」而尚連奴就形容今次同華仔合作係「一場棋逢敵手的網球對決」，華仔大表認同：「我哋嘅演技交流，就好似網球賽球來球往，希望可以擦出新火花。」
戲中二人身份對立，華仔話當中喺練靶場嘅鏡頭最難忘：「因為嗰場戲需要一個鏡頭到尾，無論對白節奏同對鏡頭嘅掌控都要絲毫不差，所以同尚連奴不停咁排練，而每次大家嘅即興發揮又可以有新嘅衝擊。」《俠盜聯盟》其中一個拍攝外景地方係布拉格，舊地重遊嘅華仔話：「今次開工冇乜時間去玩，只係借啲私人時間出去偷閒咗一陣，好感謝認出我嘅途人畀我私人空間，可以放鬆一下。」
撰文：馮仁昭
from:[url]http://hk.apple.nextmedia.com/entertainment/art/20170821/20127533[/url]
馮德倫拍靚華仔
[img]http://static.apple.nextmedia.com/images/apple-photos/apple/20170823/large/23ec1p5new.jpg[/img]馮德倫和舒淇現場表現甜蜜。
舒淇昨晚與老公馮德倫出席《俠盜聯盟》在又一城的首映禮，現場擠滿華仔的粉絲，馮德倫在台上表示：「今次拍呢部戲，自己一直諗住要將華仔有咁靚仔拍到咁靚仔。」在旁的華仔聽了，立刻笑說：「演技可以練，靚仔冇得練出嚟，我都開心部戲拍得我咁靚仔。」現場立刻大喝采，馮德倫又表示一直想拍一部盜寶戲，今次可以拍到真是好開心。
[b]舒淇爆料[/b]
舒淇在台上爆料，指老公原本安排了一場要跟華仔坐直升機逃亡場面，因受追蹤，直升機在空中好危險，華仔都勸她不要上機拍這場戲，結果她與導演商量，劇情改由曾志偉坐在直升機上面，舒淇不用上機。
之後問舒淇會否夫妻檔拍廣告，她說：「冇咁嘅需要，就算一齊幕前拍戲都盡量唔好，今日好開心可以企喺兩條仔身邊。」問到兩男誰較靚仔？她笑說：「梗係華仔靚啲！」旁邊的馮德倫即表認同，完全沒呷醋。
採訪：張俊銘
攝影：沈健程
from:[url]http://hk.apple.nextmedia.com/entertainment/art/20170823/20129573[/url]
頁:
[1]
