09年長駐內地36F波神變盛女45歲彭丹：我想結婚生仔
[img]http://static.apple.nextmedia.com/images/apple-photos/apple/20170810/large/10ec1p1.jpg[/img]45歲的彭丹日前在北京接受本報專訪，直言恨結婚生仔！記者陶然婷北京傳真
【《蘋果》北京專訪】36F「波神」彭丹從香港返內地生活，移居北京約8年，由一位演員變身為製片人及導演，有自己的影視公司，更出任甘肅省政協，近年在內地發展做得有聲有色，惟彭丹在感情路上卻一直交白卷，年屆45歲的彭丹自稱還未找到對象，但她相信緣份，不排除閃婚：「我想結婚生仔！」
彭丹20年前由美國來香港發展，因擁36F上圍而有「波神」之稱，其半鹹半淡廣東話更是特色之一，彭丹施展絕招芭蕾舞、一字馬及拱橋而最為人津津樂道。但後來香港影壇低迷，09年後她已返回內地，後來在北京定居，並拍攝好多主旋律電影與劇集，13年還當了甘肅省政協。
[img]http://static.apple.nextmedia.com/images/apple-photos/apple/20170810/large/10ec1p3.jpg[/img]
彭丹於北京定居，她旗下有6、70人團隊的製作公司。
[img]http://static.apple.nextmedia.com/images/apple-photos/apple/20170810/large/10ec1p2.jpg[/img]
08年彭丹與李雲迪飯敍而傳緋聞，之後李雲迪解釋當晚是應譚盾老師邀請食消夜。資料圖片
[b]忙工作冇人追[/b]
出道多年的彭丹一直鮮有緋聞或公開有交往對象，身在北京的她日前接受本報專訪，被問到現時感情生活，是否已結婚生子？還是有親密男友？彭丹哈哈大笑說：「梗係未啦！唔好話結婚，連男朋友都未有！你話我咁多年係零緋聞就啱喇，因為我大部份時間都擺晒喺工作，邊有時間拍拖？」
今年彭丹已經45歲，難道父母沒有向她催婚？她說：「父母催咗咁多年，見到一啲反應都冇，𠵱家都懶得催啦，最慘係過年，親朋好友成日問我點解唔派利是，我話都未結婚。我當然想結婚生仔，但都要有人追先得㗎！」問擔不擔心變老姑婆？她滿自信說：「𠵱家冇啫！但我覺得自己總會搵到，將來結咗婚有咗家庭，我就真係會相夫教子，唔再出嚟做嘢。」
[img]http://static.apple.nextmedia.com/images/apple-photos/apple/20170810/large/10ec1p4.jpg[/img]
當年彭丹表演一字馬功架易如反掌，她說現在也難不倒她。資料圖片
[img]http://static.apple.nextmedia.com/images/apple-photos/apple/20170810/large/10ec1p6.jpg[/img]
彭丹初出道時，一度與史提芬史葛傳緋聞。資料圖片
[img]http://static.apple.nextmedia.com/images/apple-photos/apple/20170810/large/10ec1p5.jpg[/img]
雖然母親曾經催婚，但彭丹一直無回音，媽咪也放棄了。資料圖片
[img]http://static.apple.nextmedia.com/images/apple-photos/apple/20170810/large/10ec1p7.jpg[/img]
彭丹自稱沒有整容，只是年紀大了，樣子有少許變化！
[b]「可能我會閃婚」[/b]
彭丹指這幾年她獨自在內地打拼事業，問會否感到生活苦悶？她說：「我生活好充實，喺北京我嘅工作團隊有6、70人，日日同咁大班工作夥伴一齊點會悶，不過女人始終係要有自己家庭，我好信命中注定，搵啱對象，可能我會突然閃婚。」問對男友有甚麼要求？彭丹表示：「第一係健康，仲有係心地善良，人品要好，唔一定要有錢，有才華同能力就OK！」
採訪、攝影：陶然婷
from:[url]http://hk.apple.nextmedia.com/entertainment/art/20170810/20116605[/url]
下巴變尖雙眼皮彭丹：年紀大咗，個樣都會唔同
[img]http://static.apple.nextmedia.com/images/apple-photos/apple/20170810/large/10ec1p13new.jpg[/img]【92年 美國贏選美】
雖然香港觀眾已經好少見彭丹的新聞，惟她的面容經常成為爭議話題，有指彭丹變臉，她說：「我個下巴冇尖喎，香港媒體十年八年冇見過我，年紀大咗個樣都會唔同啦！」
以前彭丹經常公開示範一字馬與拱橋動作，但近年就好少見到她表演，彭丹笑說：「𠵱家識啲新朋友，佢哋都有試問我可唔可以即場表演一字馬或拱橋，我會答『你先做一個給我看看，如果比我做得好，我就做給你看。』當然，至今都冇人應戰。」
[img]http://static.apple.nextmedia.com/images/apple-photos/apple/20170810/large/10ec1p10.jpg[/img]
【96年 拱橋晒軟功】
[img]http://static.apple.nextmedia.com/images/apple-photos/apple/20170810/large/10ec1p12.jpg[/img]
【97年 黃任中知己】
[img]http://static.apple.nextmedia.com/images/apple-photos/apple/20170810/large/10ec1p99.jpg[/img]
【04年 一字馬吹氣】
[img]http://static.apple.nextmedia.com/images/apple-photos/apple/20170810/large/10ec1p11new.jpg[/img]
【07年 裸演同性戀】
from:[url]http://hk.apple.nextmedia.com/entertainment/art/20170810/20116606[/url]
拍幽默片化解中港矛盾
[img]http://static.apple.nextmedia.com/images/apple-photos/apple/20170810/large/10ec1p8.jpg[/img]彭丹13年曾自編自導自演《南泥灣》。資料圖片
彭丹視香港為第二個家，她對香港亦十分關心。近年中港兩地越來越多矛盾，問彭丹有何看法？她稱：「都係因為內地人對香港人唔理解，香港人回歸前係接受西方教育，回歸祖國已經有20年，應該將文化都回歸，唔只喺經濟上回歸祖國。我覺得內地人對香港人好有感情，香港人對內地人一樣有感情。一國兩制，最主要還是一國，然後才兩制，但過去我們過份強調兩制，忘記了一國就會出現問題。」
13年彭丹曾自編自導自演電影《南泥灣》，她將再擔任導演及編劇，籌拍以中港兩地人為題材的電影和劇集，擔當一個橋樑：「呢類片種實在太少，所以一定要有人搞，我相信用文化角度，用幽默手法將問題拍出嚟，等兩方面嘅人少咗代溝係一件好事。」
採訪：陶然婷
from:[url]http://hk.apple.nextmedia.com/entertainment/art/20170810/20116607[/url]
自稱識李鵬江澤民彭丹三奪選美冠軍
一講到彭丹，大家好易就會諗起佢係政協、一字馬、身材等等，但其實彭丹細細個已經好厲害，八歲嘅時候，彭丹就被大陸選去北京學芭蕾舞，喺北京舞蹈學校畢業，又係中央芭蕾舞團嘅成員，仲成為咗舞蹈團最後生嘅一位，而佢最拿手就係跳《紅樓舞》入面薜寶釵嘅獨舞。91年彭丹獲得世界聞名嘅紐約茱麗亞學院頒予全費獎學金，去到美國深造芭蕾舞，後來佢參加咗三次選美，三次都攞咗冠軍。
舞技咁強勁，除咗令彭丹得到咁多成就，仲令佢識咗好多人，彭丹講過，因為以前有國家元首或者外國來訪嘅貴賓，其中一個餘慶節目，就係睇中央芭蕾舞團嘅表演，即係彭丹，所以當時佢就識咗李鵬、江澤民，不過佢就未見過鄧小平。
彭丹曾經喺訪問入面講過，嘉禾嘅鄒定歐搵過佢，想做佢嘅經理人，又仲話想佢學功夫，走打女路線，話因為佢有舞蹈底子，學功夫應該會手到拿來，佢自己仲話如果佢走呢條路線，一定可以做到第二個楊紫瓊，不過最後因為彭丹想陪多啲父母，最後都冇成為打女。
from:[url]http://hk.apple.nextmedia.com/entertainment/art/20170810/20117371[/url]
頁:
[1]
