內地拍3D版鹹蛋超人《再見奧特曼》被日方指侵權
由樂視影業與藍弧動畫合作嘅3D電影《鋼鐵飛龍之再見奧特曼》，將於10月喺內地嘅國慶黃金檔期上映，電影日前仲舉行咗一場大型記者會。奧特曼即係鹹蛋超人，今次奧特曼造型有肌肉線條好細緻，同日本版好唔同，而呢日嘅記者會上，為隆重其事奧特曼都有現身，呢個真人版奧特曼身上畫咗人體彩畫就上台，真係連戰衣都慳番。日本網民見到即時質疑內地有冇買版權，仲話抄都抄得質素太差。
《鋼鐵飛龍之再見奧特曼》方面話自己係攞正牌拍攝，佢哋指自己係從UM Corporation Co.Ltd.取得版權，UM係從一名泰國人辛波特桑登猜手中獲得奧特曼海外永久版權。但係翻查資料，當時辛波特桑登猜指自己係圓谷創始人圓谷英二密友，因而獲得版權，不過後來文件已經被裁定為偽造，佢多年前亦已被判監。
日本方面亦有傳媒向擁有鹹蛋超人版權嘅圓谷製作公司求證，負責人話佢哋冇授權拍攝《鋼鐵飛龍之再見奧特曼》，呢部戲關於鹹蛋超人嘅肖像運用，佢哋一切並唔知情，佢哋指暫時仍要查詢法律意見，現時仍未能作詳細回應。
from:[url]http://hk.apple.nextmedia.com/entertainment/art/20170717/20092457[/url]
內地拍鹹蛋超人涉侵權
[img]http://static.apple.nextmedia.com/images/apple-photos/apple/20170717/large/17ee15p50a.jpg[/img]日本著名動畫鹹蛋超人在亞洲各地都大受歡迎，於內地被稱為奧特曼，內地近日製作了一部鹹蛋超人3D電影《鋼鐵飛龍之再見奧特曼》（圖），片商強調從UM Corporation Co.Ltd.取得版權進行拍攝，不過UM就由泰國人辛波特桑登猜中購得海外永久版權，但辛波特的版權文件早已被裁定為偽造。日本傳媒向擁有鹹蛋超人版權的圓谷製作公司求證時，負責人指他們未有授權拍攝該片。
from:[url]http://hk.apple.nextmedia.com/entertainment/art/20170717/20091726[/url]
頁:
[1]
