蔡卓妍開心回應新戀事34歲阿Sa鍊贏連詩雅奪百億太子爺
[img]http://static.apple.nextmedia.com/images/apple-photos/apple/20170629/large/29ec1p1.jpg[/img]蔡卓妍（阿Sa）經歷過與鄭中基的失敗婚姻，以及與陳偉霆分手後，最近終於再墮愛河，新歡是鑽石筍盤「百億麻雀館太子爺」石恆聰（Anthony），據知兩人秘撻兩個月，有傳Anthony舊愛連詩雅力謀復合，惟喜愛夜蒲的連詩雅卻不獲石媽媽歡心，現年34歲的阿Sa鍊贏細5年的連詩雅，成功奪得太子爺，阿Sa昨甜蜜認愛：「𠵱家好開心！」
以女子組合Twins出道的蔡卓妍，入行16年累積逾億身家，惟感情路卻屢受挫折，10年跟鄭中基離婚，之後與師弟陳偉霆譜女尊男卑戀，惟5年後隨陳偉霆在內地彈起分手，感情空窗了兩年的阿Sa終覓得新歡，戀上連詩雅有米舊愛、「百億麻雀館太子爺」石恆聰。
個人擁逾億物業的Anthony是城中筍盤，與圈中小富婆阿Sa十分合襯，有消息指兩人由好友馬天佑和何超蓮牽紅線，拍拖短短兩個月，感情已一日千里，阿Sa更成功融入男友家中，日前有雜誌影到阿Sa收工後奔向男友家，連續兩晚到Anthony的3億豪宅度春宵，愛得癡纏，早上離去時獲男友派人護駕，Anthony更匿在門邊幫忙睇水，夠晒體貼。
[b]自認筍盤[/b]
不過，有傳Anthony的舊愛連詩雅不肯放手，一直死𧄌求復合，甚至向Anthony妹妹埋手，希望對方能幫自己講好說話，惟Anthony卻嫌連詩雅喜愛夜蒲，身邊不時有男性友人，加上石媽媽覺得阿Sa沒明星架子又不貪錢，全家都投阿Sa一票，現年34歲的阿Sa成功鍊贏細自己5年的連詩雅，身在佛山的阿Sa昨以短訊認愛：「𠵱家好開心，多謝大家關心！」
[img]http://static.apple.nextmedia.com/images/apple-photos/apple/20170629/large/29ec1p2.jpg[/img]
石恆聰家族坐擁百億資產，絕對是鑽石筍盤。資料圖片
[img]http://static.apple.nextmedia.com/images/apple-photos/apple/20170629/large/29ec1p3.jpg[/img]
連詩雅曾與石恆聰拍拖3年，今年2月分手，有指連詩雅不斷求復合。資料圖片
[img]http://static.apple.nextmedia.com/images/apple-photos/apple/20170629/large/29ec1p4.jpg[/img]
連詩雅昨晚被問到是否還愛石恆聰時，她停頓兩秒才回答大家是朋友。
至於輸家連詩雅今日踏入29歲，卻收到這份「禮物」贈興！昨晚她到中環出席手機發佈會，明顯有備而來說：「我哋都分開咁耐，佢同任何人一齊，都唔係好關我事。」問到分手多久？她說：「已經唔記得。」對於傳她求復合，連詩雅否認：「呢啲係虛構報道，得啖笑，呢刻自己好開心，公司同事仲話我係筍盤㖭。」
[img]http://static.apple.nextmedia.com/images/apple-photos/apple/20170629/large/29ec1p5.jpg[/img]
有指馬天佑做紅娘介紹阿Sa與石恆聰認識。資料圖片
[b]願望媾仔[/b]
對於舊愛跟阿Sa拍拖會否祝福？連詩雅說：「梗係祝福啦，大家都認識咗咁多年，將來佢做乜都祝福。」問到是否還愛Anthony？連詩雅停頓兩秒猶豫說：「點講呢？朋友囉，好少搵嘅朋友。」問覺得Anthony和阿Sa合襯嗎？她說：「靚仔靚女梗係襯。」有否酸溜溜感覺？她割席說：「關於佢嘅嘢都冇乜感覺。」至於生日願望，她笑說：「睇吓有冇艷遇。」另對於捲入經理人公司和舊唱片公司華納合約糾紛，她表示交經理人公司處理。
同場的馬天佑則否認是紅娘：「冇冇冇，呢個字咁娘，我冇特別做紅娘㗎，只係一齊食飯。我係一個好重友情嘅人，阿Sa開心我就開心，佢係好女仔，值得有幸福。」
採訪：羅慧敏
攝影：葉君海
from:[url]http://hk.apple.nextmedia.com/entertainment/art/20170629/20071859[/url]
阿Sa戀情曝光紅粉菲菲喱士背心襯底好性感
阿Sa蔡卓妍、楊愛瑾(Miki)、鄭伊健星期四晚於黃埔出席Pandora秋冬首飾發佈活動，阿Sa剛被爆料與連詩雅(Shiga)前男友「百億麻雀館太子爺」石恆聰拍拖，阿Sa出席活動回應戀情時，全程說了五次「我好開心」，認真sweet爆！有新戀情的阿Sa紅粉菲菲，雖然當日氣溫超過30度，卻她卻穿上Roberto Cavalli紅白直間blazer，看見也覺得熱，不過內襯法牌Zadig& Voltaire性感喱士綑邊小背心，密實中見sexy；而同場的楊愛瑾就剛生完BB，穿上David Koma黑色連身裙，她透露囝囝已3個月大，生完仔後Miki火速回復苗條，她透露由於餵人奶關係，故只會做運動減肥而不會節食。
from:[url]http://hk.apple.nextmedia.com/entertainment/art/20170702/20076339[/url]
阿Sa百億太子飛東京落地即攬
[img]http://static.apple.nextmedia.com/images/apple-photos/apple/20170704/large/04ec2p1e.jpg[/img]蔡卓妍日前公開認戀「百億麻雀館太子爺」石恆聰，更講足五次好開心形容新戀情。資料圖片
【爆相爆片】現年34歲的蔡卓妍（阿Sa）被爆撼贏細過自己五年的連詩雅（Shiga），跟Shiga舊愛「百億麻雀館太子爺」石恆聰（Anthony）撻着，日前阿Sa出席活動公開認愛，更講足五次「我好開心」，自言「一把年紀」的她叫大家給予空間。
[img]http://static.apple.nextmedia.com/images/apple-photos/apple/20170704/large/04ec2p2e.jpg[/img]
【輕搭膊頭】
阿Sa被爆前日與男友遊東京，Anthony落機後即忍不住攬女友。讀者提供圖片
[img]http://static.apple.nextmedia.com/images/apple-photos/apple/20170704/large/04ec2p3e.jpg[/img]
【體貼入微】
Anthony着阿Sa在旁邊休息，獨自等行李。讀者提供圖片
[b]食麵包等上機[/b]
有愛情滋潤的阿Sa果然坐言起行，馬上製造機會跟男友發展感情，兩人前日更拍拖出發遊東京，被讀者李先生透過「爆相爆片」分享。李先生受訪時表示，前日早上約8時45分在香港機場見到阿Sa和男友行蹤，他說：「佢哋坐CX548飛東京羽田，戴住cap帽同口罩嘅阿Sa未上機前，同男友坐喺近機艙門口嘅長凳，阿Sa喺度食麵包。到下晝約兩點抵達羽田機場，佢哋等過關時沿路都有講有笑，不過阿Sa見有人望佢，就會擰歪面有啲避忌。」
李先生續指，其後兩人取回行李，出閘後有一位男人負責接送，又幫阿Sa推行李上二樓便利店買食物，然後再行去停車場方向，其間Anthony終於放鬆戒備，親密攬實女友的腰，又搭女友膊頭，當發覺附近疑似有香港人即鬆手。
[img]http://static.apple.nextmedia.com/images/apple-photos/apple/20170704/large/04ec2p4e.jpg[/img]
【警覺性高】
戴上口罩遮樣的阿Sa，不時四處張望，惟她被繡有自己名字「SA」的背囊出賣。讀者提供圖片
[img]http://static.apple.nextmedia.com/images/apple-photos/apple/20170704/large/04ec2p5e.jpg[/img]
阿Sa被爆戀情後，旋即跟男友外遊拍拖。讀者提供圖片
[b]繡名背囊洩密[/b]
雖然阿Sa戴了口罩和cap帽遮樣，但卻百密一疏被背囊出賣了，事關她孭着繡有自己名字「SA」的Burberry背囊，就算大家認不出阿Sa的樣子，也能認到背囊上她的名字。正在東京跟男友享受二人世界的阿Sa，對於被讀者指她拖百億男友蜜遊東京，她昨日以短訊回覆：「呢啲唔講咁多喇，多謝關心。」
採訪：王梓嫚
from:[url]http://hk.apple.nextmedia.com/entertainment/art/20170704/20077761[/url]
新花名叫「尤物蔡」34歲阿Sa沙灘跳起晒A級
出道咗17年嘅阿Sa蔡卓妍，早排去咗加拿大開工，Sa爸亦專登飛過當地陪阿女，阿Sa唔使開工嘅日子，冇搵麻雀館太子爺男友Anthony陪，反而約埋老竇旅遊四處逛。阿Sa又不時喺IG晒靚相，前日佢就喺IG貼靚相，一向唔係sell豐滿性感嘅佢，仲罕有晒吓三點式。縱使30有4，不過難得阿Sa身材同個樣都仲keep到陣陣少女味，加埋呢吓跳躍動作，望落真係後生過唔少2字頭嘅女星，有網民仲搞笑留言阿Sa個新花名「尤物蔡」，啜核得嚟仲幾貼切。
from:[url]http://hk.apple.nextmedia.com/entertainment/art/20170821/20127739[/url]
頁:
[1]
