譚芷昀挑機《全美一叮》訓練兩年9歲Celine歌藝震撼點擊逾2千萬
[img]http://static.apple.nextmedia.com/images/apple-photos/apple/20170618/large/18ec2p5.jpg[/img]蕭定一旗下年僅9歲藝人、「香港小巨肺」譚芷昀（Celine）前年曾出戰英國音樂節目《全英一叮》（Britain's Got Talent），最近再下一城挑機美國才藝節目《全美一叮》（America's Got Talent），該節目的預告片前晚上載facebook及YouTube，截稿前已累積逾2000萬瀏覽。片中所見，Celine獻唱《My Heart Will Go On》歌藝技驚四座，全場觀眾喝采，評判Simon Cowell、Heidi Klum和Mel B也拍掌，Celine媽咪更感動到喊，英美媒體大讚Celine歌聲震撼。
[img]http://static.apple.nextmedia.com/images/apple-photos/apple/20170618/large/18ec2p6.jpg[/img]
Celine近日參加美國才藝節目《全美一叮》，預告片在網上熱播。
[img]http://static.apple.nextmedia.com/images/apple-photos/apple/20170618/large/18ec2p7.jpg[/img]
《全美一叮》評判團對Celine表現一致好評。
[img]http://static.apple.nextmedia.com/images/apple-photos/apple/20170618/large/18ec2p8.jpg[/img]
Celine爸媽及妹妹都親到現場打氣，媽咪更看到感動流淚。
[b]養聲戒薯條[/b]
據知節目於美國時間本週二播出，Celine將順利晉級。蕭定一昨關賣子：「我哋簽咗保密協議，唔講得，不過係件開心事。」揚威海外的Celine有個歌唱老師爸爸譚順生，由她3歲開始栽培，譚爸爸昨日在電話說：「Celine參加咗《全英一叮》後，接到《全美一叮》邀請出賽，為咗呢次比賽，訓練咗足足兩年，Celine享受唱歌，初學三年打好基礎，每星期至少練習20小時，我逢週日唔教學生，淨係同囡囡練習。」譚爸爸強調唱歌有助囡囡快樂成長。
小小年紀的Celine明白養聲的重要，自覺性戒吃煎炸食物，譚爸爸爆料：「Celine冇食薯條三年，有時佢表現好，我會獎勵買一包畀佢，Celine食兩條就唔食，養聲一定要身體好。」Celine每天用課餘時間練琴和練聲，譚爸爸續說：「佢唔睇電視，晚上9點瞓，瞓前有一小時上YouTube揀歌聽。」
[b]心意卡冧父[/b]
Celine日前與妹妹Dion提早跟爸爸慶祝父親節，兩姊妹又唱又跳，還畫心意卡及不停向爸爸講「我愛你」，冧暈爹哋。譚爸爸講到近日Celine剛應付一個聲樂考試：「佢一take就考咗8級，成件事只不過係兩個月，佢好勝，壓力大，我同佢講做唔到當一個經驗，攞到咪當bonus。」
採訪：劉敏、黃曉妍
from:[url]http://hk.apple.nextmedia.com/entertainment/art/20170618/20059509[/url]
被數臭史發聲明指家長搵上門Celine爸捐8萬學費向家燕姐道歉
[img]http://static.apple.nextmedia.com/images/apple-photos/apple/20170621/large/21ec1p1new.jpg[/img]家燕姐前日力數Celine爸搶學生不道義，昨日現身電視城時封嘴不再談論。
九歲小巨肺譚芷昀（Celine）日前在美國參加《全美一叮》名揚國際，因女之名的譚順生卻被連環爆臭史，入行近60年的薛家燕都爆seed，狠批Celine爸為人不道義撬學生，昨Celine爸發聲明辯稱在盛情難卻下答允家長要求，願以家燕姐名義將八萬元學費捐保良局，跪低認衰：「本人深感抱歉！」
年僅九歲的香港女孩譚芷昀自小已停不了參加歌唱比賽，多年前曾經是「家燕媽媽藝術中心」的學生，其父譚順生更向家燕姐自薦擔任歌唱導師，日前Celine在《全美一叮》（America's Got Talent）節目唱《My Heart Will Go On》一鳴驚人，父憑女貴的Celine爸為人卻惹非議，現年67歲的前輩藝人薛家燕都要爆seed，前日接受訪問怒轟Celine爸：「做我哋呢行，尊重行規，咁你自薦上嚟教，就算學生要補課或點樣上堂，都係要同我商量，唔係嗌學生去佢個工作室上堂嘅。」
[img]http://static.apple.nextmedia.com/images/apple-photos/apple/20170621/large/21ec1p2.jpg[/img]
Celine父女日前現身機場離港，據知目的地是美國，似乎是繼續參加《全美一叮》比賽。
[img]http://static.apple.nextmedia.com/images/apple-photos/apple/20170621/large/21ec1p3.jpg[/img]
Celine爸昨發聲明辯稱是盛情難卻教學生。
[b]自稱有渠道[/b]
佛都有火的家燕姐說：「逐個逐個學生去咗佢度上堂，啲學生話學費好貴，我收二千幾，佢成萬幾蚊，走返嚟問我哋。佢喺我度教咗半年左右啦，咁我覺得『咦，呢個人道義上有啲問題喎，咁我決定唔用佢。』」Celine於2014年參加內地《中國新聲代》節目，其實是家燕姐幫忙搭路，但Celine爸卻在網頁宣傳有渠道安排學生參賽，家燕姐沒好氣說：「係啲學生話番畀我聽，我就得啖笑，不過呢啲嘢過咗去，我都好開心佢個女喺《全美一叮》攞到個名譽，係一件好事。」
對於被家燕姐指控硬撬學生不道義，跟女兒身在美國的Celine爸昨發聲明，辯稱自己是盛情難卻：「當時有三位學生在家燕媽媽藝術中心報名參加群體歌唱課程，中途該三名學生的家長，曾多次誠意邀請本人擔任他們的私人歌唱老師，盛情難卻下，本人亦確有答允該三位學生之家長要求。」
[img]http://static.apple.nextmedia.com/images/apple-photos/apple/20170621/large/21ec1p4.jpg[/img]
Celine日前在《全美一叮》參賽，表現一鳴驚人。資料圖片
[img]http://static.apple.nextmedia.com/images/apple-photos/apple/20170621/large/21ec1p5.jpg[/img]
Celine父母和妹妹當日都有撐場，媽媽更感動到哭了。資料圖片
[img]http://static.apple.nextmedia.com/images/apple-photos/apple/20170621/large/21ec1p6.jpg[/img]
家燕姐表示是由她搭路，Celine才可以參加內地《中國新聲代》節目。
[b]捐贈保良局[/b]
不過，Celine爸最終亦跪低道歉及捐出八萬元學費：「上述事件若令家燕姐帶來不便及麻煩，本人深感抱歉；而本人會以家燕姐名義，將該三名學生之學費，全數捐贈保良局。一直以來本人及小女Celine對家燕姐非常尊重，並且感謝家燕姐對Celine的賞識及眷顧。」對於Celine爸爸的聲明，家燕姐昨現身電視城時封嘴：「佢嘅嘢我唔回應嘞。」此外，昨日本報亦收到多名讀者投訴Celine爸，一名自稱是其開設獵頭公司前員工表示，Celine爸經常強迫員工一人做幾個人工作，自己試過被迫開OT學寫網頁；另一名曾在歌唱中心做實習的前員工，則稱被指工作質素不佳而要扣薪。
採訪：嵐山
from:[url]http://hk.apple.nextmedia.com/entertainment/art/20170621/20062809[/url]
Kelly驚嘆Celine爸教得好
[img]http://static.apple.nextmedia.com/images/apple-photos/apple/20170621/large/21ec1p8.jpg[/img]Kelly（右）和千嬅兩位潮媽都穿上露肩裝，Kelly更是泳衣潮襯透視褲，身形弗爆。
陳慧琳（Kelly）昨日與楊千嬅在尖沙嘴出席護膚品牌揭幕禮，為護苗基金籌得一百萬善款。談到九歲的譚芷昀參加美國的《全美一叮》迴響好大，Kelly說：「我都想搵佢爹哋學，唱到好勁，點教㗎，教吓我好過。」對於有負評指Celine失去童真，Kelly說：「冇辦法，只係一段時間啫。」問可希望囝囝一樣叻？她笑指沒有可能，又說暫未知囝囝哪方面有天份。
千嬅透露暑假打算送囝囝Torres去其他家庭過夜，希望他學守規矩及自理能力，千嬅說：「我想搵Kelly㗎，因為佢嗰個係哥哥，等哥哥教佢學啲好嘅嘢。」
採訪：羅慧敏
攝影：陳俊強箒
from:[url]http://hk.apple.nextmedia.com/entertainment/art/20170621/20062816[/url]
Celine《全美一叮》晉級
[img]http://static.apple.nextmedia.com/images/apple-photos/apple/20170622/large/22ec2p6e.jpg[/img]Celine（右二）在《全美一叮》指自己有教妹妹Dion唱歌。互聯網圖片
9歲香港小巨肺譚芷昀（Celine）最近參加美國才藝節目《全美一叮》（America's Got Talent），演繹Celine Dion名曲《My Heart Will Go On》一鳴驚人，評判紛紛站立拍掌，昨Celine在facebook宣佈：「我成功晉級啦，多謝大家支持！」
評判之一的Howie Mandel於社交網留言讚：「我真是不能停下地微笑，神奇的演出。」Celine回應：「很開心評判鍾意我的表演，我等不及要再上節目表演。」
[img]http://static.apple.nextmedia.com/images/apple-photos/apple/20170622/large/22ec2p7e.jpg[/img]
《全美一叮》評判Howie（左）讚嘆Celine的歌喉，指是神奇的演出。
《全》的官方fb昨上載Celine的參賽片段並以英文寫道：「Celine年紀雖小，但她的聲音卻很震撼。」短短5小時已有4,818萬人次瀏覽。
撰文：皓騫
from:[url]http://hk.apple.nextmedia.com/entertainment/art/20170622/20064005[/url]
《全美一叮》晉級頻撲回港Celine爸暴走避是非「揀咗20幾隻歌出戰」
[img]http://static.apple.nextmedia.com/images/apple-photos/apple/20170624/large/24ec1p1.jpg[/img]【行色匆匆】
《全美一叮》Celine爸爸譚順生昨早拖着女兒回港，對所有是非一律拒作回應。
現年9歲的小巨肺譚芷昀（Celine）因參加《全美一叮》（America's Got Talent）而爆紅，但其父譚順生是非亦因而浪接浪，繼被薛家燕炮轟暗撬學生及被網民質疑他虛報資歷後，前日又有聲稱曾為譚順生打工的讀者爆他欠糧。是非纏身的譚順生昨日拖Celine由美國返港，對所有是非避而不談，只表示女兒準備了20多首歌參加《全美一叮》下一輪賽事。
香港小巨肺譚芷昀早前在《全美一叮》演唱Celine Dion主唱的電影《鐵達尼號》（Titanic）主題曲《My Heart Will Go On》爆紅，大前日更順利晉級比賽，連原唱者Celine Dion也在自己網頁轉發Celine片段讚她可愛。不過，Celine爆紅後，一手栽培女兒成才的譚順生亦隨即被人連環翻舊賬狂插，是非可謂一籮籮。昨日譚順生與Celine由美國洛杉磯返港時，刻意迴避傳媒，據悉他留待明天自己新唱片簽名會再作交代。
[img]http://static.apple.nextmedia.com/images/apple-photos/apple/20170624/large/24ec1p2.jpg[/img]
【扯住走人】
落機後一見記者，譚順生即表示要趕帶Celine返學。
[img]http://static.apple.nextmedia.com/images/apple-photos/apple/20170624/large/24ec1p3.jpg[/img]
【上車攰爆】
譚順生指Celine揀了20多首歌應付下一輪《全美一叮》比賽，Celine樣子看來攰爆。
[b]「個女要趕返學」[/b]
自稱Dr.Steve的譚順生過去一星期是非不絕，其中最受注目的是被薛家燕公然力斥他當年自薦到「家燕媽媽藝術中心」任教，卻偷偷撬學生到自己的音樂教室學唱歌。譚順生昨日早上6時半拖囡囡Celine由洛杉磯返港，原本他該於機場A閘出閘，但未知是否為避傳媒追訪，而刻意兜大圈於另一邊的B閘離開。行色匆匆的譚順生見到記者時即大耍太極，對於種種提問包括有否致電向家燕姐道歉，及是否如聲明中承諾捐出約8萬元學費作善事等全不回應，他只謂：「個女要趕返學呀！唔講住喇！我個女好鍾意返學㗎！」原來Celine一落機便要趕返學，如此匆忙認真陰功。
[img]http://static.apple.nextmedia.com/images/apple-photos/apple/20170624/large/24ec1p4.jpg[/img]
Celine早前參加《全美一叮》唱《My Heart Will Go On》爆紅。資料圖片
[img]http://static.apple.nextmedia.com/images/apple-photos/apple/20170624/large/24ec1p5.jpg[/img]
譚順生與太太及細女現身《全美一叮》為Celine打氣。資料圖片
[b]明辦簽名會回應[/b]
記者再問Celine稍後於《全美一叮》選唱甚麼歌曲時，譚順生即代女搶答說：「呢啲唔可以講㗎，簽咗保密協議。總之揀咗20幾隻歌啦！」譚順生跟女兒一起簽約蕭定一公司旗下，而近日譚順生更推出一張翻唱其他歌手歌曲的唱片《想到舊年》，明日下午1時假銅鑼灣舉行簽名會，有指屆時他才會一次過回應傳媒。對於譚順生連日爆是非，蕭定一昨回應說：「我諗佢嘅嘢我唔係好了解，等佢回應好啲，希望佢星期日出嚟嘅時候，可以一次過回應！」
張智霖與Celine妹妹同屬蕭定一公司，張太袁詠儀（靚靚）昨晚在中環四季酒店出席活動時，提到有留意Celine的新聞：「有留意，好矛盾，自己覺得小朋友應該以學業為重，知道佢同老公同公司，知佢通常都係禮拜六日出活動。好矛盾天賜有呢啲才能，唔好埋沒咗，但要學業為先。」對於家燕姐表示Celine爸爸要以身作則，靚靚表示：「唔知佢哋有乜瓜葛，自己諗小朋友出嚟表演，父母喺身邊最安全，要用呢個角度睇呢件事，最緊要喺小朋友身上做出發點，大人要話畀小朋友聽世界係點。」
採訪：梁繼光、羅慧敏
攝影：黃曉程、沈健程
[img]http://static.apple.nextmedia.com/images/apple-photos/apple/20170624/large/24ec1p15new.jpg[/img]
袁詠儀認為不應埋沒小朋友的才能，但要以學業為重。
[img]http://static.apple.nextmedia.com/images/apple-photos/apple/20170624/large/24ec1p7.jpg[/img]
薛家燕日前炮轟譚順生暗撬學生。 資料圖片
From:[url]http://hk.apple.nextmedia.com/entertainment/art/20170624/20066684[/url]
【全美一叮】任何人都可報名參賽
[img]http://static.apple.nextmedia.com/images/apple-photos/apple/20170624/large/24ec1p9.jpg[/img]美國真人騷《全美一叮》（America's Got Talent），源自英國製作的真人騷，於06年首播，它不限參賽者年齡及表演項目，任何人報名便能參加，最終更可獲百萬美元大獎，現已播至第11季，結果由觀眾票決。
遴選時約有四名評審（圖），如評審不想繼續看，可按制叫停，如全部評審都按制，表演者便被淘汰。參賽者需得過半數評審投票滿意，才可進入下一輪比賽，節目於第9季更新增「金色按制」，參賽者可直接進入準決賽。另外，過往曾有華人參與外國真人騷彈出，如參加《美國偶像》（American Idol）的孔慶翔。
from:[url]http://hk.apple.nextmedia.com/entertainment/art/20170624/20066690[/url]
【一叮風波】Celine爸是非爆不停
[img]http://static.apple.nextmedia.com/images/apple-photos/apple/20170624/large/24ec1p8.jpg[/img]【利用張翊龍】
譚順生在囡囡Celine參加美國《全美一叮》消息曝光後，不足一周已成全城焦點，連帶是非不絕。
[b]上周六【當女搖錢樹】[/b]
Celine參加《全美一叮》宣傳片曝光，譚順生被網民狂轟利用女兒做搖錢樹及利用女兒滿足自己虛榮心。
[b]本周一【家燕姐爆Seed】[/b]
薛家燕鬧爆譚順生早年自薦在其「家燕媽媽」藝術中心教唱歌時，不道義暗撬學生，並收取貴超過5倍學費。另家燕姐於14年為Celine搭路參加湖南衛視歌唱節目《中國新聲代》，譚不但隻字不提，更聲稱自己可介紹學生參加相關節目，被家燕姐指他居心叵測及道義有問題。
[b]本周二【利用張翊龍】[/b]
第二季《中國新歌聲》香港賽區冠軍張翊龍爆料，指譚順生表示送兩堂試堂給他學唱歌，結果上了半小時課堂後，被譚要求做訪問，並拍了一段片聲稱自己是對方學生，並要多謝譚為自己揀歌。
[b]大前日【疑虛報資料】[/b]
網民發現譚順生在網上介紹自己的教唱歌資歷，自稱贏過許多歌唱比賽冠軍，但他聲稱唱過的歌包括《妳的名字我的姓氏》和《愛比我重要》等，歌手還未出歌他已經於比賽中唱過，被質疑虛報資料。
[b]前日【員工轟刻薄】[/b]
連日來先後被前員工轟刻薄，前日又有讀者陳先生爆料指曾在譚順生學校任職，一星期返三日，每日工作8小時，人工約2000元，但做了一個月後，陳先生指譚沒有出糧意思，故一個月後便離職。
from:[url]http://hk.apple.nextmedia.com/entertainment/art/20170624/20066686[/url]
Celine爸爸想收Artist級學生「一哥」布偉傑學唱歌有折扣
曾經係大台「御用老外」嘅「阿一」布偉傑（Brian Burrell）日前同拍拖3年嘅化妝師女友Celia拉埋天窗，原來佢都曾經跟Celine爸爸譚順生(DR.Steve)學過唱歌。而譚順生嘅facebook都曾經以一哥作招倈話曾經跟過佢學唱歌。前日布偉傑接受《蘋果》電話訪問，佢話去年初經朋友介紹下跟譚順生學唱歌，佢話﹕「係TVB一位排舞老師介紹，佢話Steve想搵一啲artist級嘅學生，所以就去咗。(有冇收平啲？)都算係有big discount嘅。(知唔知facebook用你嚟宣傳，介唔介意？)冇問題，我哋係朋友。」對於薛家燕對譚順生嘅批評，一哥就話唔太清楚。
不過，阿一上咗幾個月就跟咗其他老師學唱歌，佢解釋﹕「佢都教得好好，不過因為我有其他原因，所以轉咗老師。」問到跟譚順生學唱歌最大得着係乜？佢話﹕「最得着係震音，佢好鍾意集中喺震音。」
from:[url]http://hk.apple.nextmedia.com/entertainment/art/20170624/20066978[/url]
張堅庭籲Celine爸道歉
[img]http://static.apple.nextmedia.com/images/apple-photos/apple/20170625/large/25ec1p6.jpg[/img]張堅庭昨出席《表姐，你好嘢！》分享會，大談當年跟鄭裕玲的合作點滴。
同樣為人父親的張堅庭昨日在奥海城出席《表姐，你好嘢！》分享會，提到Celine妹妹事件，他覺得一位9歲小女孩唱歌好是難能可貴，亦可以看得到Celine愛唱歌兼跟父親關係不錯，但他擔心當傳媒追問父親新聞時，Celine未必懂得處理，他說：「我覺得佢父親應該獨自處理，佢都算係公眾人物，如果個女想喺歌唱事業發展，佢可以出來回應問題，有錯咪道歉，公關步驟一二三，將個女唱歌同自己切割出嚟。」又謂事件繼續拖下去，情況會很尷尬。
在分享會上，張堅庭大談當年和鄭裕玲合作點滴，當年他以鄭裕玲既獨立又毒辣的形象，作為角色藍本設計，沒想到28年後，劇情近似現時社會討論話題。
採訪：馬建華
攝影：沈健程
from:[url]http://hk.apple.nextmedia.com/entertainment/art/20170625/20067630[/url]
家燕姐收捐款單據惟冇道歉Celine爸硬Sell自己搵女兒開工要預埋佢
[img]http://static.apple.nextmedia.com/images/apple-photos/apple/20170625/large/25ec1p2.jpg[/img]Celine上周在《全美一叮》亮相爆紅，連帶爸爸譚順生近日亦被翻出不少是非。資料圖片
小巨肺譚芷昀（Celine）近日因《全美一叮》（America's Got Talent）衝出國際，但Celine爸譚順生的是非就接踵而來，當中薛家燕日前炮轟他不道義暗撬學生，並收取貴五倍學費，家燕姐昨日出活動時透露已收到Celine爸以她名義捐出8萬元予保良局的收據，但對方仍未道歉。據知，Celine爸除想捧紅囡囡，亦想父憑女貴，由簽經理人蕭定一到公開活動，以綑綁式父女檔打孖上。
現年9歲小巨肺譚芷昀上周亮相美國節目《全美一叮》唱《My Heart Will Go On》而爆紅，連原唱者Celine Dion也在twitter轉載其片段，囡囡衝出國際兼晉級，但身為唱歌導師兼歌手、自稱「Dr.Steve」的Celine爸譚順生在香港被翻出不少舊賬，他前日拖Celine由美國返港全程避談是非。
[img]http://static.apple.nextmedia.com/images/apple-photos/apple/20170625/large/25ec1p3.jpg[/img]
有指Celine爸借囡囡Sell自己，以綑綁式父女檔簽約蕭定一公司。資料圖片
[img]http://static.apple.nextmedia.com/images/apple-photos/apple/20170625/large/25ec1p4.jpg[/img]
Celine爸在其音樂教室fb專頁以囡囡Celine作生招牌。
[img]http://static.apple.nextmedia.com/images/apple-photos/apple/20170625/large/25ec1p1.jpg[/img]
薛家燕日前踢爆Celine爸爸在她的音樂中心任教時暗撬學生，她昨日出席活動時則謂「唔鍾意提起任何嘢。」攝影：陳俊強
[b]「我大人有大量」[/b]
日前薛家燕率先踢爆Celine爸早年破壞行規，在她的音樂學校任教時暗撬學生過檔，並收取高五倍的學費，Celine爸即發聲明「拆彈」，表示會以家燕姐名義捐出8萬元給保良局做善事。家燕姐昨日現身馬鞍山出席成人奶粉活動，在台上大跳十字步，問到Celine爸有否兌現捐款承諾，她表示：「噚日我個女收到message，就係用譚順生博士嘅錢、但係以薛家燕名義捐咗8萬蚊畀保良局嘅收據，我相信嗰啲錢都係我啲學生嘅學費，捐咗去都係好事。」問到對方有否向她道歉，她表示：「呢個就未有，不過唔使畀電話我，我都唔鍾意提起任何嘢。」
爆出暗撬學生事件後，Celine爸被網友發現他在官網疑虛報教唱歌資歷及唱歌比賽成績等，家燕姐表示未有留意報道，故不作回應。提到Celine爸聲稱教出《中國好聲音》第二季香港賽區冠軍張翊龍，事後被對方踢爆只是去試堂，她表示：「其實我同佢真係好少接觸，件事都告一段落，我淨係知佢上堂時會派卡片。不過Celine真係唱得好好，希望佢都唔好忘記學業，努力讀書。」問會否覺得Celine被當成搖錢樹，家燕姐即皺眉，再補充指要完成學業為先。再問對方欠她一句道歉，她表示：「唔使喇，我哋大人有大量。」
[b]綑綁式簽蕭定一[/b]
據知，Celine爸除栽培Celine的歌唱事業，他本人亦非常渴望父憑女貴，故由簽蕭定一經理人合約到公開活動，以綑綁式父女檔打孖上，實行硬sell自己。本報昨聯絡蕭定一，問Celine父女合約是否綑綁簽，他回覆：「唔好咁講，係簽咗兩父女。」兩父女合約條件是否一樣？他表示：「唔一樣，佢爸爸想喺呢行發展，如果有啱兩父女，咪合作一齊做。」
另外，Celine爸日前被指在fb指自己於08年在菲律賓馬尼拉一大學擁有博士銜頭，但本報昨日發現他已刪走fb戶口，他的個人官網亦已關閉。今日Celine爸會現身銅鑼灣出席新碟簽名會，不過其經理人公司已表明不設傳媒訪問，本報昨日曾聯絡Celine爸，惟他於截稿前未有回覆。
採訪：盧妹、鍾國仁
from:[url]http://hk.apple.nextmedia.com/entertainment/art/20170625/20067628[/url]
Celine姊妹跳街舞
[img]http://static.apple.nextmedia.com/images/apple-photos/apple/20170704/large/04ec3p4.jpg[/img]9歲小巨肺譚芷昀（Celine左）參加美國節目《全美一叮》一鳴驚人，官方喺facebook同YouTube上載佢演唱片段兩星期，截至噚日已衝破八千萬點擊。
Celine唱得之餘，跳舞都掂，佢fb上載咗一條片，又唱又跳表演美國黑人組合Zay Hilfigerrr同Zayion McCall嘅街舞歌《Juju On That Beat》，連妹妹Dion都跳埋一份，七情上面，真係演藝世家。
撰文：馮仁昭
from:[url]http://hk.apple.nextmedia.com/entertainment/art/20170704/20077698[/url]
Celine妹妹明日再戰《一叮》
[img]http://static.apple.nextmedia.com/images/apple-photos/apple/20170801/large/01ec3p161.jpg[/img]Celine妹妹每日放學都有練歌、跳舞，準備新一集AGT賽事。
九歲小巨肺譚芷昀（Celine），早前在美國才藝節目《全美一叮》獻唱Celine Dion名曲《My Heart Will Go On》成功晉級，成為首位晉身AGT香港人，於香港時間明天早上，美國會播出新一集賽事，Celine妹妹將會再次出場。
[img]http://static.apple.nextmedia.com/images/apple-photos/apple/20170801/large/01ec3p141.jpg[/img]
Celine和妹妹Dion感情好好，經常一齊玩。
據知，Celine妹妹為了今次演出做足功課，每日放學都有練歌、跳舞、彈鋼琴，同時亦有抽時間和3歲妹妹Dion玩，老闆蕭定一更送了長腳鷸毛公仔給小姊妹，Dion以為毛公仔是真雀仔，不時跟公仔傾偈，Celine妹妹都覺得好笑。
撰文：小米
from:[url]http://hk.apple.nextmedia.com/entertainment/art/20170801/20107686[/url]
【伯樂評判】變性演員Laverne冧爆
[img]http://static.apple.nextmedia.com/images/apple-photos/apple/20170803/large/03ec1p6.jpg[/img]Laverne憑《勁爆女子監獄》成功彈起。劇照
小巨肺Celine受盡觀眾及評判讚賞，尤其擔任客席評判的美國跨性別演員Laverne Cox更對她讚不絕口。Laverne大讚Celine既可愛又有才華，歌聲更驚為天人，結果由她親手按下Golden Buzzer令Celine成功晉級，還走上台抱抱Celine，之後在facebook向網民推介Celine的完美歌喉。
Laverne是目前甚有地位的變性演員，近年憑大熱劇《勁爆女子監獄》（Orange Is the New Black）成功彈起，是首位獲艾美獎提名的變性人，更曾登上《時代》雜誌封面。
from:[url]http://hk.apple.nextmedia.com/entertainment/art/20170803/20109807[/url]
【同齡勁敵】Angelica獲封小雲妮
[img]http://static.apple.nextmedia.com/images/apple-photos/apple/20170803/large/03ec1p10.jpg[/img]Angelica Hale
Celine獲得Golden Buzzer直入半準決賽，將在下一輪跟前36名參加者再決高下，其中同樣是9歲的美國女孩Angelica Hale，可說是Celine的勁敵，因她同樣獲Golden Buzzer榮譽，更被封為小雲妮侯斯頓（Whitney Houston）。
Angelica曾跟病魔搏鬥，4歲時患上嚴重的細菌性肺炎，幾乎失去性命，更患上腎衰竭，幸最後接受媽媽移植腎臟才康復。熱愛唱歌的她，病癒後開始讀聲樂課程。Celine其餘對手有跳舞的Junior and Emily、小丑Puddles Pity Party等，勝出者可獲100萬美元（約780萬港元）獎金。
from:[url]http://hk.apple.nextmedia.com/entertainment/art/20170803/20109809[/url]
頁:
[1]
2
