伍詠薇為超雲割席6年機緣破冰陳山聰伍姑娘一吻解千怨
[img]http://static.apple.nextmedia.com/images/apple-photos/apple/20170604/large/04ec1p1.jpg[/img]有緣千里能相會，現年48歲的伍詠薇與40歲陳山聰，因山聰11年搭上賭王千金何超雲，他為愛情疏遠友儕，跟伍姑娘絕交，契姊弟斷交6年，前晚在東京相約世紀破冰飯局，兩人咀嘴牽手冰釋前嫌，山聰更感觸說：「一吻解千怨！」
伍詠薇與陳山聰曾幾何時是糠黐豆契姊弟，可是山聰自11年成功追到賭王何鴻燊三房千金何超雲，有指同年10月，伍姑娘向當年35歲牛一的契細佬山聰講生日快樂，對方忽變臉叫伍姑娘以後不要再聯絡他，辣㷫伍姑娘在微博宣佈要跟「一個人」割席，外間即估到那個人就是山聰。伍姑娘與山聰斷交6年，前晚卻在東京相約世紀破冰飯局，姊弟握手和好。
伍姑娘和山聰其實早於前年曾在胡杏兒婚宴遇上，兩人有打招呼，但關係仍冰封，伍姑娘曾謂：「有仇唔會記一世。」天時地利人和，上週她與山聰巧合地於同日在港出發去東京，於機場遇上，大家就相約在東京見面。這餐世紀破冰飯局前晚成事，伍姑娘和山聰席間興奮牽手，更拍下「復交照」貼Ig，伍姑娘留言：「今晚我終於拉返他上我的巴士，跟我一齊坐呢一程列車，一直到永遠……」山聰則留言：「等咗咁多年，今日終於可以牽著你的手，感恩。」之後山聰再貼兩人作狀咀嘴合照後說：「一吻解千怨！盡在不言中！I love you！」
[img]http://static.apple.nextmedia.com/images/apple-photos/apple/20170604/large/04ec1p2.jpg[/img]
【影全家福】
陳山聰帶女友Apple（左一）與契家姐伍姑娘及老公練海棠（右二）一晚食足三場，席上還有山聰胞兄（右一）。
[img]http://static.apple.nextmedia.com/images/apple-photos/apple/20170604/large/04ec1p3.jpg[/img]
陳山聰於11年戀上何超雲，有指他當時沉迷拍拖，疏遠朋友。資料圖片
[b]一晚食足三場[/b]
記者前晚聯絡正與山聰食飯的伍姑娘，她high爆說：「我哋飲緊嘢，未醉，好開心。」問到山聰如何𠱁回她？伍姑娘繼續爆：「佢冇𠱁番我，根本就冇事，只係timing好準確，所以緣份拉埋我哋同一班機飛嚟日本，緣份拉我哋喺番埋一齊，盡在不言中。天時地利人和，我愛陳山聰！」陳山聰前晚也以短訊回覆傳媒：「估唔到喺日本重遇，真係緣份，感恩！」
前晚世紀破冰飯局，席上還有伍姑娘老公練海棠、山聰女友Apple及山聰胞兄陳山海，伍姑娘形容這是「全家福」，五人笑容一致，日本通山聰更帶大家夜蒲食好西，一晚轉三場，伍姑娘表示會珍惜兩人間未了緣，她昨日再在電話中說：「我會珍惜，噚晚由山聰帶我哋喺澀谷食咗三個地方，食物唔重要，大家唔喺香港，旅行心情，放開心情相處番，我同佢都好感動。大家喺歡樂氣氛傾偈，好盡興、好滿足。我哋稍後仲會一齊拍新劇《飛虎極戰》。」
[img]http://static.apple.nextmedia.com/images/apple-photos/apple/20170604/large/04ec1p4.jpg[/img]
【世紀拖手】
伍姑娘和陳山聰前晚牽手復交。
[img]http://static.apple.nextmedia.com/images/apple-photos/apple/20170604/large/04ec1p5.jpg[/img]
陳敏之（左）期待跟伍姑娘和陳山聰相約飯敍。資料圖片
[b]「今年最好禮物」[/b]
伍姑娘玩到昨日凌晨1時許，心情大靚離開，山聰同樣難掩興奮，他昨日回覆傳媒：「好多朋友WhatsApp恭喜，搞到好似結婚咁，開心嘅，係緣份到。」他形容與伍姑娘冰釋前嫌是今年最大收穫：「感恩上天今年給我一份最好的禮物。」又承諾會更珍惜這段曾經失去的友情：「經歷過一啲嘢，對我嚟講，呢份情更加珍惜，我得嚟不易。」山聰與女友Apple感情穩定，可有結婚計劃？他說：「搵嚇錢先。」伍姑娘夫婦昨先回港，山聰則於當地多留一天。此外，契妹陳敏之也戥伍姑娘和山聰開心，她昨說：「家姐開心就OK，大家成年人嚟，好多嘢要放下，等佢哋返嚟一齊食飯敍嚇。」
採訪：嵐山、楊定
from:[url]http://hk.apple.nextmedia.com/entertainment/art/20170604/20043530[/url]
伍姑娘約山聰敏之團圓
[img]http://static.apple.nextmedia.com/images/apple-photos/apple/20170621/large/21ec2p4e.jpg[/img]陳敏之（中）在facebook貼與伍姑娘和陳山聰的三人飯敍合照。
伍詠薇和「契細佬」陳山聰曾因何家千金何超雲，導致關係破裂，最近終於重修舊好。上月初，伍姑娘和老公練海棠跟陳山聰及女友Apple東京相遇，陳山聰形容：「一吻解千怨！盡在不言中！I love you！」
前晚兩人契妹陳敏之在facebook貼相分享，他們各自帶家人出席，包括伍姑娘夫婦、陳敏之夫婦、陳山聰和女友、以及陳山聰胞兄同嫂嫂等，非常熱鬧。伍姑娘前晚回覆本報說：「喺日本山聰同哥哥請食飯，食咗三餐，返嚟香港我約番餐屋企人食飯，錢唔係問題，食餐便飯，最緊要家庭聚會，reunion。」
採訪：陳杰
from:[url]http://hk.apple.nextmedia.com/entertainment/art/20170621/20062952[/url]
「沒血緣關係有幾多個18年」伍詠薇結婚紀念日激咀練海棠
[img]http://static.apple.nextmedia.com/images/apple-photos/apple/20170702/large/02ec3p1a.jpg[/img]伍姑娘前晚跟老公練海棠提早慶祝結婚18周年，兩人浪漫十指緊扣遊蘇豪。
【上環→中環】每年7.1慶回歸，就是伍詠薇和老公練海棠的結婚紀念日，今年已是18周年，雖然周刊去年撞破練海棠背妻車廂密會D奶長髮女，不過，對於老公被指出軌，現年48歲的伍姑娘不但大方為老公護航，還輕鬆拆彈，平息小風波。兩人前晚就開始慶祝，拍拖到上環一間餐廳撐枱腳食燭光晚餐，伍姑娘前晚先在facebook放閃，並留言答謝老公為她做的一切。伍姑娘仲抵死hashtag了「#沒血緣關係有幾多個18年」和「#野馬miss5」，她用野馬比喻自己，果然是烈女。
[img]http://static.apple.nextmedia.com/images/apple-photos/apple/20170702/large/02ec3p2a.jpg[/img]
伍姑娘（右）和契妹在酒吧外吹水，表現興奮。
[img]http://static.apple.nextmedia.com/images/apple-photos/apple/20170702/large/02ec3p3a.jpg[/img]
伍姑娘夫婦約契妹夜蒲，兩公婆當街嘴對嘴。
[img]http://static.apple.nextmedia.com/images/apple-photos/apple/20170702/large/02ec3p4a.jpg[/img]
烈女伍姑娘對老公練海棠非常包容，轉眼兩人結婚18周年。
[b]撐枱腳後夜蒲[/b]
相中所見，兩公婆臉紅紅兼high爆，她前晚接受記者訪問時說：「18周年唔感慨，而我冇諗過同一個無血緣關係嘅人可以一齊18周年，即使我爸爸喺我18歲時都離開，有血緣關係嘅爸爸都陪唔到我過，唔好話有冇血緣關係，同到人類過18周年，係要喝采嘅。」伍姑娘表示昨晚要出席樂易玲生日，所以提前慶祝。
伍姑娘和老公練海棠前晚晚餐後，又拍拖到中環蘇豪夜蒲，他們還會合伍姑娘契妹，三人站在酒吧外吹水，練海棠體貼為老婆拿飲品，風騷伍姑娘更連環派吻，錫完契妹，又同老公嘴對嘴。
採訪、攝影：黃曉程、羅德光、陳杰
from:[url]http://hk.apple.nextmedia.com/entertainment/art/20170702/20075633[/url]
為戀賭王千金斷交6年伍姑娘陳山聰錫錫破冰
伍詠薇（伍姑娘）不嬲大情大性，喺圈中好友眾多，好似草蜢嘅蔡一傑、契妹陳敏之咁，喺圈中可以同伍始娘攬頭攬頸、嘟嘴影相嘅，仲有陳山聰。點解要提陳山聰？因為佢哋兩個喺今年6月，於日本東京「世紀一吻」，錫一錫，冰封6年嘅姊弟情返番嚟。
曾經何時，伍姑娘同陳山聰係糖黐豆嘅契姊弟，但係自從陳山聰喺11年成功追到賭王何鴻燊三房超金何超雲之後，有指男方態度突變，喺同年10月，伍姑娘向當年35歲生日嘅契細佬陳山聰道賀時，男方忽然變臉，仲話：「你以後唔好再搵我！」一嘢就辣㷫咗伍姑娘！
伍姑娘其後喺微博宣佈要跟「一個人」割席，外界估計此人為陳山聰。如是者兩人斷交。直至前年胡杏兒結婚，伍姑娘同陳山聰喺婚宴上重逢，不過兩人亦未「破冰」，只係互有打招呼，但伍姑娘就話「有仇唔會記一世」。
真係撞啱天時地利人和，今年伍姑娘同陳山聰撞正同日喺香港出發去東京，仲喺機場遇到，於是就約埋喺東京見面，就喺呢餐飯，呢對契姊重新拖手，拍下「破冰照」貼喺社交網站，伍姑娘仲留言話：「今晚我終於拉番他上我的巴士，跟我一齊坐呢一程列車，一直到永遠……」
o氹番契家姐嘅陳山聰則留言：「等咗咁年，今日終於可以牽著妳的手，感恩。」之後山聰再貼兩人作狀咀嘴嘅合照，仲話：「一吻解千怨！盡在不言中！I love you！」
件事仲有下文，就伍姑娘、陳山聰約埋另一位「家人」陳敏之嚟食飯「團圓」，點都好過平日啲BBQ ending啦……
from:[url]http://hk.apple.nextmedia.com/entertainment/art/20170809/20116365[/url]
伍姑娘黃宗澤演母子
[img]http://static.apple.nextmedia.com/images/apple-photos/apple/20170814/large/14ec3p5.jpg[/img]伍姑娘與黃宗澤年齡差12歲，卻在網劇中演兩母子。
現年48歲的伍詠薇（伍姑娘）和36歲的黃宗澤（Bosco）最近在邵氏網劇《飛虎極戰》飾演「失散母子」。日前晚上7時許，兩人在深水埗拍外景，於欄杆吹水兼篤魚蛋。據知劇中吳岱融演Bosco生父，當年吳岱融入黑幫做卧底，搞大江湖大佬未成年女兒伍姑娘個肚，她產子後，兒子被家人送走，Bosco長大後做了警察，機緣巧合下母子重逢。
對於升呢做Bosco阿媽，伍姑娘昨說：「我聽咗個古仔，我演反派，好大挑戰，仲話我有個仔係Bosco，接咗就諗點處理角色，做演員係要投入角色，忠於角色。」
採訪、攝影：吳耀輝、畢紹基、孔志豪
from:[url]http://hk.apple.nextmedia.com/entertainment/art/20170814/20120431[/url]
頁:
[1]
