陳柏宇婚後計劃造人，俾老婆管錢
陳柏宇、草蜢、太極等歌手昨日出席「2017 華語金曲獎」記者會，快成為人夫的陳柏宇指婚後會開始計劃造人，又指自己的錢就是老婆的錢。陳柏宇在活動上表示婚期將至，發現婚禮有很多瑣碎事要處理，就算有婚禮策劃人幫手也要親自參與細節。他又指和未婚妻已有共識，婚後會開始計劃造人，而被問到財政大權是否會交給老婆時，他笑言自己的錢就是老婆的錢，全部交給老婆也沒關係，但用完他的錢就要開始用老婆的錢。
[attach]243019[/attach]
[b]陳柏宇之前與未婚妻赴英拍攝婚紗照。[/b]
[attach]243020[/attach]
[b]兩人婚期將至，陳柏宇指很多瑣碎事要處理。[/b]
[attach]243021[/attach]
[b]兩人又不時在社交網站上放閃，sweet到不得了！[/b]
陳柏宇床上影婚照
[img]http://static.apple.nextmedia.com/images/apple-photos/apple/20170604/large/04ec2p6.jpg[/img]陳柏宇與拍拖5年多的模特兒女友Leanne將於下月2日拉埋天窗，早前二人在倫敦影婚照，一對準新人玩生活化的甜蜜，如攬住行超市、搭地鐵、行公園、瞓大床等。
出發前曾因機票問題，令Leanne憂心，而陳柏宇表示：「要兼顧工作同準備工夫，忙得好開心，好期待婚後生活，我哋都希望生小朋友，所以婚後會立即嘗試。」
撰文：唐如
from:[url]http://hk.apple.nextmedia.com/entertainment/art/20170604/20043645[/url]
陳柏宇倫敦影婚照戥慘
[img]http://static.apple.nextmedia.com/images/apple-photos/apple/20170605/large/05ec1p11.jpg[/img]陳柏宇大鬧恐襲策劃者。資料圖片
陳柏宇將於下月娶未婚妻符曉薇，早前兩人到倫敦拍攝Pre-wedding相片，怎知當地卻連環遇恐襲，陳柏宇昨在電話說：「好慘喎大佬！有冇搞錯呀！睇到呢啲咁唔開心新聞，好無助，身為途人或者被襲擊嘅人，根本都唔知發生乜嘢事，老實講一定唔會係嗰啲人做咗啲嘢受襲擊，純粹恐怖襲擊就係要傷及無辜，我覺得呢啲事，真係好黑暗、好慘。」
因為沒去過倫敦，所以陳柏宇選擇在當地影婚照，他說：「我好鍾意嗰度嘅街景、fashion。」問到有否到倫敦橋取景？他坦言：「其實我唔知有冇去過倫敦橋，我知有見到倫敦橋，但我哋就好似冇行到上去。」
採訪：皓騫
from:[url]http://hk.apple.nextmedia.com/entertainment/art/20170605/20044446[/url]
陳柏宇度蜜月縮皮
[img]http://static.apple.nextmedia.com/images/apple-photos/apple/20170606/large/06ec3p12e.jpg[/img]陳柏宇下月的婚禮已籌備得七七八八，已花近6位數字。
陳柏宇和女友符曉薇將於下月2日舉行婚宴，他連日在網上晒甜蜜婚照放閃。陳柏宇昨到紅磡置富都會宣傳「香港國際飛鏢節」，他表示婚禮籌備埋尾中，已發出邀請卡給賓客及安排座位，大部份透過網上發出，實體帖則發了百幾張。
陳柏宇透露當日在九龍灣筵開40席，婚後會放假去度蜜月，不過地點還未確定，他說：「原本諗住去夏威夷，點知坐商務要3萬幾蚊，認為慳得就慳，搵啲地方可能係5千幾蚊機票搞掂。」他計過婚禮現時已花費6位數字，預計日後生小朋友及搬屋開支好大。
採訪、攝影：卓寶花
from:[url]http://hk.apple.nextmedia.com/entertainment/art/20170606/20045472[/url]
陳柏宇愛細路恨生B
[img]http://static.apple.nextmedia.com/images/apple-photos/apple/20170622/large/22ec4p11a.jpg[/img]陳柏宇（Jason）同師妹黃浩琳噚日喺黃埔一間小學出席職安健活動，其間兩人與小學生一齊做體操。Jason話自己一向好喜歡接觸小朋友，亦曾修讀相關科目，未婚妻同佢一樣都咁鍾意。
Jason直言同未婚妻有計劃「造人」，但仲未開始，至於會唔會替將來小朋友成立教育基金，佢話：「個教育基金係教育我點教育下一代，所以其實即係畀我。」
撰文：馮仁昭
from:[url]http://hk.apple.nextmedia.com/entertainment/art/20170622/20063932[/url]
陳柏宇扮喪屍忍痕
[img]http://static.apple.nextmedia.com/images/apple-photos/apple/20170623/large/23ec5p16.jpg[/img]陳柏宇（Jason）嘅新歌《行屍走肉》MV，早前就去到一間被評為亞洲十大猛鬼勝地之一嘅荒廢學校取景，但Jason完全冇有怕，更趁氣氛恐怖索性扮埋喪屍，配合佢一身不修邊幅嘅造型，演得入型入格。
身處猛鬼勝地有女工作人員顯得戰戰兢兢，反而Jason最怕係俾蚊咬：「拍攝時手、腳同大髀內側都俾蚊咬，好痕，要忍住唔搞佢先最高難度。」
撰文：馮仁昭
馮仁昭
from:[url]http://hk.apple.nextmedia.com/entertainment/art/20170623/20065473[/url]
8888開門利是娶妻冇難度陳柏宇結婚生仔一盤計劃
[img]http://static.apple.nextmedia.com/images/apple-photos/apple/20170703/large/03ec2p1.jpg[/img]陳柏宇昨日與模特兒女友符曉薇結婚，一對新人晚上在九展筵開40圍。
現年33歲的隱世歌手陳柏宇昨日小登科，在拍拖6周年紀念日娶模特兒符曉薇（Leanne），中午接新娘後離開尖沙嘴美麗華酒店，柏宇拖着穿露肩玫瑰紅裙的老婆現身，Leanne戴鑽石鏈襯5對龍鳳𠼦喜氣洋洋，柏宇反傳統做柴可夫，親載老婆到九龍灣舉行婚禮。
[b]激咀十幾秒[/b]
昨午鍾舒漫、林奕匡與未婚妻李靄璣、Super Girls成員Yanny及Jessica及森美等現身觀禮。換上吊帶婚紗的Leanne在爸爸陪同下踏入會場，柏宇講完「我願意」後讀出誓詞，Leanne感動到眼紅紅，兩人交換結婚戒指時，柏宇在現場歡呼聲下激咀老婆十幾秒。簽紙儀式完成後柏宇再連咀老婆三啖，兩人正式成為合法夫妻。
[img]http://static.apple.nextmedia.com/images/apple-photos/apple/20170703/large/03ec2p2.jpg[/img]
一對新人在婚禮上化身接吻魚咀不停，甜蜜滿瀉。
[img]http://static.apple.nextmedia.com/images/apple-photos/apple/20170703/large/03ec2p4.jpg[/img]
Leanne拋花球時，台下姊妹爭相搶位。
[img]http://static.apple.nextmedia.com/images/apple-photos/apple/20170703/large/03ec2p6.jpg[/img]
陳柏宇以8,888元開門利是，跪地娶得美人歸。
新娘Leanne致辭時感動說：「好開心，終於嚟到呢刻，其實呢段時間自己成日發脾氣，多謝身邊人包容，好難搵得到……」柏宇插嘴得戚說：「一個比我更好，可以就得你。」Leanne撒嬌說：「係我可以咁就得你。」
柏宇用了8,888元開門利是娶得美人歸，問到接新娘是否過五關斬六將？Leanne投訴：「好失望，仲諗住可以難到佢，點知佢完全冇感覺，好似用wasabi溝香口膠，佢食完竟然話好味。」明天兩人即飛夏威夷度蜜月，問到會否趁機造人？柏宇坦言：「梗係會，而且仲有一盤計劃。」Leanne在旁聽到尷尬笑。
[img]http://static.apple.nextmedia.com/images/apple-photos/apple/20170703/large/03ec2p7.jpg[/img]
江若琳昨晚拖男友Oscar到賀。
[b]江若琳取經[/b]
陳柏宇夫婦晚上在九龍灣筵開40圍，陳太換了低胸性感晚裝迎賓，小肥、關楚耀及應昌佑等現身飲喜酒，而江若琳則與男友蕭潤邦（Oscar）拖手到場，問到是否來取經，Oscar笑說：「係呀，今日嚟視察場地，9月我有音樂會喺度搞，我想睇吓有乜通道，可以運啲包畀大家食。我今年36，38歲前有啲嘢都要計劃吓。」問江若琳是否準備好兩年後結婚，Oscar即撫摸女友的頭，江若琳甜笑說：「我都OK嘅！」
採訪：馬健華
攝影：沈健程
from:[url]http://hk.apple.nextmedia.com/entertainment/art/20170703/20076704[/url]
陳柏宇爆關楚耀冇畀人情
[img]http://static.apple.nextmedia.com/images/apple-photos/apple/20170704/large/04ec1p10.jpg[/img]陳柏宇笑言在婚禮上好忙，散席後還再到酒吧舉行after party。
陳柏宇和符曉薇前晚在九龍灣舉行婚宴，接近凌晨12時才散席，新娘換了deep V裙送客，一臉倦容的柏宇表示：「自己全晚掛住喺台上影相，忙到連一滴酒都冇飲，不過原來飲醉酒同唔夠瞓嘅反應係一樣，小寶寶撐唔住啦！」跟着撒嬌挨落老婆的膊頭，十分搞笑。
[img]http://static.apple.nextmedia.com/images/apple-photos/apple/20170704/large/04ec1p9.jpg[/img]
關楚耀（左）被新郎踢爆沒有給人情利是及飲醉酒。
問有否賓客飲醉酒？柏宇玩踢爆：「阿關（關楚耀）啦！」記者則指關楚耀到場受訪時指自己沒有帶利是封，所以會將人情直接塞錢入柏宇的袋入面，怎知柏宇再爆料：「吓！冇喎，如果佢發現啲錢仲喺佢個袋入面，聽日應該會請我食飯。」
採訪：馬建華
攝影：陳順禎
from:[url]http://hk.apple.nextmedia.com/entertainment/art/20170704/20077751[/url]
陳柏宇計排卵期造人
[img]http://static.apple.nextmedia.com/images/apple-photos/apple/20170717/large/17ec2p50.jpg[/img]陳柏宇表示度蜜月期間有計排卵期嘗試造人，但暫未成功。
陳柏宇、組合Super Girls（SG）前晚在九展出席「飛鏢節音樂會」，陳柏宇剛和太太去完夏威夷度蜜月返港，他坦言有計排卵期嘗試造人，但暫時未成功，他說：「都有上網睇方法點提高成功率。」提到太太將性感三點式相放上網，陳柏宇笑說：「三點式好難唔性感，其實冇所謂，唔會睇蝕。」
此外，SG成員大爆Cheronna和Jessica各自在facebook做直播，但Cheronna男友黃奕晨卻先和Jessica打招呼，Cheronna呷醋謂：「佢今晚就死梗。」至於Heidi就否認有新男友的傳聞。
採訪：王連連
攝影：陳俊強
from:[url]http://hk.apple.nextmedia.com/entertainment/art/20170717/20091818[/url]
陳柏宇為造人食多啲
[img]http://static.apple.nextmedia.com/images/apple-photos/apple/20170728/large/28ec3p14e.jpg[/img]陳柏宇及太太符曉薇十指緊扣，大晒恩愛。
鄭欣宜（Joyce）、陳柏宇及太太符曉薇（Leanne）昨日到銅鑼灣為Facesss開幕禮擔任嘉賓，婚後首次出席公開活動吸金的陳氏伉儷，於台上幾乎全程拖手，大晒甜蜜。Leanne指婚後最不習慣被叫「陳太」：「同埋我喺朋友面前都叫慣佢男朋友，平時佢又唔會叫我老婆，都係叫英文名或者BB。」陳柏宇已經開始努力造人：「佢有食葉酸，我就食多啲紅肉同做運動，激活啲『小朋友』嘅游水同生存能力。」
鄭欣宜為新專輯轉形象，她笑說因30歲每日敷2次面膜護膚：「我以前真係清水洗面㗎咋，𠵱家每日最少20分鐘按摩塊面，人肥嘛，都要keep住尖面。」
採訪、攝影：盧妹
from:[url]http://hk.apple.nextmedia.com/entertainment/art/20170728/20103621[/url]
陳柏宇發火後知錯
[img]http://static.apple.nextmedia.com/images/apple-photos/apple/20170804/large/04ec2p40e.jpg[/img]陳柏宇（中）昨日接受訪問時分享回答問題的技巧。
陳柏宇昨日在港台出席太陽計劃活動，分享接受訪問時回答問題的技巧。他笑言以前受訪時試過發火，連發問者也生氣，現在心態已改，會從別人角度出發，他否認因為太太或曾遇上事業低潮而改變：「佢（太太）邊有咁大智慧，係我悟出來嘅，出活動冇人訪問，自己諗乜嘢原因令人哋覺得我錯。」
新婚的陳柏宇表示都想造人成功，問他會否趁今次機會與年輕人分享？他說：「唔會喇，太尷尬，由佢哋父母講，講呢啲要睇對方年紀同自己係乜嘢身份，等佢哋大個啲再講都唔遲，唯一講就係唔好咁快生。」
採訪、攝影：王連連
from:[url]http://hk.apple.nextmedia.com/entertainment/art/20170804/20110699[/url]
陳柏宇情歌冧Fans
[img]http://static.apple.nextmedia.com/images/apple-photos/apple/20170814/large/14ec2p8a.jpg[/img]陳柏宇噚日喺尖沙嘴文化中心露天地方舉行首個四面台音樂會，亦係佢年尾紅館首個處男個唱嘅預演，佢喺原地自轉扮用升降機上台唱歌，又落台同歌迷握手，捉住女歌迷手唱情歌冧fans。佢笑住話唔習慣四面台演出，最想有自轉升降台解決問題：「個台可以細啲，又多啲座位賣飛。」佢仲話開兩場都心足，但一切睇外間反應決定場數。
撰文：馮仁昭
from:[url]http://hk.apple.nextmedia.com/entertainment/art/20170814/20120481[/url]
陳柏宇爆老婆經期長
[img]http://static.apple.nextmedia.com/images/apple-photos/apple/20170815/large/15ec5p13.jpg[/img]陳柏宇同葉巧琳噚日喺商台宣傳，準備開紅館騷嘅陳柏宇為生BB要搬屋，佢話：「生BB冇得一早知，所以搬定先，諗好咗想BB跟自己瞓，唔跟工人，間房就要諗過，張床用埋窗台位。」
陳柏宇佢話自己心態已準備做爸爸，至於係咪努力造人，佢笑話：「盡力啦，唔想大壓力，但太太就成日話M到，一個月更加嚟幾個禮拜，平時唔講真係唔知。」
撰文：馮仁昭
from:[url]http://hk.apple.nextmedia.com/entertainment/art/20170815/20121402[/url]
陳柏宇踩屎賀開紅館騷
[img]http://static.apple.nextmedia.com/images/apple-photos/apple/20170822/large/22ec2p16e.jpg[/img]着上畢業袍的陳柏宇，宣佈12月在紅館舉行處男個唱。
在樂壇唱足十一年的陳柏宇，昨日在九龍灣開記者會，並宣佈於12月2日在紅館舉行處男個唱。記者會似畢業禮，演唱會海報中的他，身上扣滿之前得過的獎項勳章，當中他最喜歡寫上「陳廣偉」的勳章，因是他的真名：「係一個代表，陳柏宇等於陳廣偉，就如Bruce Wayne代表蝙蝠俠。」
早前陳柏宇結婚，可是旺事業？他笑說：「唔知，今朝喺屋企樓下踩屎，去到髮型屋有屎味。其實係咪金有好意頭？但我洗晒。」首次開四面台騷，他指未懂緊張，其他歌手入紙多次才成功申請場地，他指自己聽說一次便成功。至於會否加場，他指要看門票反應，但期數最盡只能開兩場。
採訪、攝影：王連連
from:[url]http://hk.apple.nextmedia.com/entertainment/art/20170822/20128560[/url]
頁:
[1]
2
