何傲兒風騷召「兵」接駕
之前，何傲兒（Lily）同林建名嘅「爺孫戀」傳得甚囂塵上；不過，傳還傳，佢哋認曬只係契父女關係，Lily仲聲稱單身好耐，暫時未有心儀對象咁話。其實，以佢咁高質素，樣靚身材正，平時仲嗲聲嗲氣，撒嬌女人最攞命，絕對冇可能係沒女，裙下之臣隨時由灣仔排到落旺角啦！東姑早排就喺銅鑼灣撞見Lily，著住條超短迷你裙，露出一雙白滑美腿，離遠都勁吸睛。難怪，就算離開咗無線，冇喺電視螢幕亮相咁耐，大家對佢都仲咁熱情。佢喺街上一出現，就即刻畀幾個途人認出，仲截停佢猛「集郵」，而Lily都好nice，任影唔嬲。
滿足曬fans嘅要求之後，見Lily左望右望似係搵的士，但咁唔好彩撞啱繁忙時間，佢愈行愈遠，一直都截唔到車，見佢後來終於攞咗個電話出嚟，冧滋滋咁講咗幾句，估計係召喚「觀音兵」揸車嚟接佢。相信「娘娘」只要一個電話，啲「兵」馬上就到，隨傳隨到，實快過Uber啦！
[attach]243011[/attach]
[b]Lily嗰日著住條超短迷你裙，露出一條白滑嘅美腿，相當吸睛。[/b]
[attach]243012[/attach]
[b]Lily發現東姑，sweet爆笑容同東姑say hi，咁sweet嘅佢，一定唔少裙下之臣。[/b]
[attach]243013[/attach]
[b]佢對住電話冧滋滋咁，可能係向「觀音兵」撒嬌，召喚對方嚟接載。[/b]
[attach]243014[/attach]
[b]Lily行行下路，忽然女神上身，擺出一個蘭花手托香腮嘅迷人甫士。[/b]
[attach]243015[/attach]
[b]雖然Lily冇喺無線亮相咁耐，但行喺街度，依然畀途人認得。[/b]
何傲芝盼傲兒出嫁
[img]http://static.apple.nextmedia.com/images/apple-photos/apple/20170802/large/02ec2p10.jpg[/img]何傲芝買完卸妝油，會合經理人一齊離開。
何傲芝於14年跟蕭正楠分手，之後與富二代新人張明偉傳緋聞，也爆出她暗交年約40歲隱形富豪，但都無疾而終。何傲芝近年專注事業，日前她獨自到銅鑼灣時代廣場LOG-ON，約15分鐘後，便前往會合經理人，何傲芝駕駛其Mini Cooper一齊離開。
昨日何傲芝在電話回應：「嗰日我剛做完嘢，就去LOG-ON買支史上最強嘅卸妝油，跟住會合經理人去傾嘢。」Dry足三年的她可恨拍拖？她說：「隨緣啦，𠵱家想做好事業，感情嘢唔抗拒。」可怕被妹妹何傲兒爬頭？她即說：「唔怕，最好快啲多個人錫佢。」
採訪：陳杰
攝影：梁繼光、羅德光
from:[url]http://hk.apple.nextmedia.com/entertainment/art/20170802/20108611[/url]
何傲兒焗蟹蓋獻畀老公
[img]http://static.apple.nextmedia.com/images/apple-photos/apple/20170820/large/20ec4p1.jpg[/img]何傲兒笑言會煮這款芝士焗釀蟹蓋給另一半食。
【我一個人煮】曾被封「地獄廚神」的何傲兒再接再厲，接受本報新欄目《我一個人煮》挑戰，炮製芝士焗釀蟹蓋，菜式最有難度是拆蟹肉，亦是最花時間心機，她說：「第一次整以為成功，原來失敗，人哋食到啲蟹肉裏面有殼。」
何傲兒切蘑菇、洋葱等材料有點功架，不過刀功略帶危險，更將刀背調轉，她笑言：「放心，我有gel甲，其實我唔太鍾意睇食譜，鍾意一路整一路試味隨心所欲，只要手乾淨、食物熟就OK，失敗唔緊要，女仔唔一定煮餸叻先加分。」
[img]http://static.apple.nextmedia.com/images/apple-photos/apple/20170820/large/20ec4p2.jpg[/img]
何傲兒（左）認為剝蟹殼拆蟹肉最花時間。
[b]契爺林建名未食過[/b]
問到這款菜式最想煮給誰吃？何傲兒直言：「最花時間係剝蟹殼，所以唔會輕易煮畀人食，等有一日百日宴時，我就會煮畀另一半食。」老闆兼契爺林建名是否無緣試到？她說：「公司聚會party時會見到面，煮嘢佢食唔好喇，我廚藝唔得住。」
採訪：卓寶花
攝影：沈健程
場地提供：Kohler Kitchen
[b]【芝士焗釀蟹蓋製作步驟】[/b]
1. 洋葱、蘑菇切粒後，加入麵粉炒香，邊注入白酒邊攪拌，再加蟹肉、忌廉、雞蛋和帶子粒。
2. 攪拌至餡料濃縮一半，加入芝士粉、黑椒、海鹽調味。
3. 將餡料釀入蟹蓋，面層鋪車打芝士，焗爐調200度焗10分鐘。
from:[url]http://hk.apple.nextmedia.com/entertainment/art/20170820/20126703[/url]
頁:
[1]
