羅霖掃貨買少女衫
[img]http://static.apple.nextmedia.com/images/apple-photos/apple/20170528/large/28ec2p6.jpg[/img]年過半百美魔女羅霖最近忙拍無線古裝劇，日前抽空去又一城購物，更被本報讀者黃小姐透過「爆相爆片」直擊她在一間專賣美式少女風格的Juicy Couture時裝店掃貨。羅霖當時身穿白色短褲騷長腿，黃小姐表示：「當時晏晝4點，見佢一個人入咗去呢間舖頭，見佢都有化妝，佢著住條短褲騷長腿，非常性感，好快已揀咗一批衫，仲喺間舖試衫，佢應該係熟客，啲sales同佢好好傾，試咗一輪買咗5、6件衫。」
之後，本報致電羅霖，她說：「過兩日出發內地橫店拍劇，所以買啲T恤、牛仔褲，呢個品牌主要係比較簡便旅行裝，都唔係特別打扮年輕。」
採訪：唐如
from:[url]http://hk.apple.nextmedia.com/entertainment/art/20170528/20035882[/url]
羅霖同男友計劃人生大事
[img]http://static.apple.nextmedia.com/images/apple-photos/apple/20170703/large/03ec1p11.jpg[/img]羅霖獲法國型男教踢腿擺甫士。
[img]http://static.apple.nextmedia.com/images/apple-photos/apple/20170703/large/03ec1p12.jpg[/img]
羅霖直言與男友J君（小圖）正計劃人生大事。
羅霖昨日於尖沙嘴出席醫學美容中心Qualia開幕禮，同場與法國型男踢腿大擺性感甫士。剛於橫店拍畢處女古裝劇《深宮計》返港，羅霖大感開心說：「拍咗4個月，已經冇嘢難到我，今次有好多個第一次，第一次拍古裝，離開個仔咁耐，返嚟見到3個仔黑眼圈、長頭髮又瘦晒，即刻同佢哋剪頭髮，要谷肥佢哋。二仔搵到暑期工，開心係佢哋獨立咗好多，阿仔仲話搵到錢畀一半我，係應該嘅，我都好安慰。」
談到首次於內地拍劇，羅霖帶了4篋行李出發，還買齊家具，十足置家。回港後，她會忙籌備紅酒生意開新店，並透露開始跟男友J君計劃人生大事。
採訪、攝影：羅慧敏
from:[url]http://hk.apple.nextmedia.com/entertainment/art/20170703/20076688[/url]
羅霖樂做熟女偶像
[img]http://static.apple.nextmedia.com/images/apple-photos/apple/20170716/large/16ec1p51.jpg[/img]羅霖（左）昨日親教佳麗做運動纖腰。
羅霖昨日在中環與「環亞美神大賽2017」十二位候選佳麗見面，傳授收身秘訣，親自教如何練纖腰和拉筋。她希望年輕女性有追隨夢想的勇氣，為將來留下美好回憶，不過她回想起當年24歲時，最想做的事是結婚嫁人，因苦無對象才去參選亞姐。
早年推出寫真引起極大迴響的羅霖，笑言很高興今年書展可以做旁觀者：「我要求好高，如果再出一定要超越之前成績，但會出教大家扮靚，唔會再出寫真。」提到有熟女出寫真，她認為不應計較年紀：「每年到書展都有人提起我出寫真，多謝大家以我為偶像。」
採訪、攝影：卓寶花
from:[url]http://hk.apple.nextmedia.com/entertainment/art/20170716/20090985[/url]
爆乳羅霖抗拒同性婚姻
[img]http://static.apple.nextmedia.com/images/apple-photos/apple/20170725/large/25ec3p1.jpg[/img]雖然羅霖帶病上陣，但仍谷胸大騷身材。
羅霖、鄭明明同張文慈噚日喺粉嶺為美容院開幕擔任剪綵嘉賓，爆乳上陣嘅羅霖話因為拍劇，所以消瘦唔少：「我第一次拍古裝，真係拍到七勞八傷，因為古裝要戴假髮，搞到甩頭髮，加埋我病咗食啲好勁嘅消炎藥頂住，𠵱家變咗慢性喉炎，不過都拍得好開心，台前幕後做晒好朋友。」
之後羅霖又主動提到近日有關同性婚姻嘅報道，佢話：「我係基督徒，其實我身邊都有好多同性戀朋友，但講到同性結婚，我唔會反對不過唔會接受，如果好多國家都通過，我覺得係顛倒咗個傳統。」佢話有好多國家甚至由「父母」改成「雙親」：「我比較傳統會覺得好亂，不過如果你問我啲仔係同性戀會點，我都要體諒，冇辦法啦。但我兩個仔都比較傳統，覺得（同性婚姻）好奇怪，反而大仔喺美國，就會知道世界有好多種唔同嘅愛。」
[img]http://static.apple.nextmedia.com/images/apple-photos/apple/20170725/large/25ec3p2.jpg[/img]
鄭明明（左）同張文慈噚日為美容院開幕擔任嘉賓。
[b]張文慈演家姐[/b]
另外，露背又露腿嘅張文慈早前喺橫店拍古裝劇，之後又再接到新劇：「新劇我會做馬德鐘家姐，以前拍戲，做過黃浩然阿媽㖭，今次算年輕咗，我哋演員嚟㗎嘛，都冇所謂。」
撰文：馮仁昭
from:[url]http://hk.apple.nextmedia.com/entertainment/art/20170725/20100294[/url]
羅霖母子玩香蕉船降溫
[img]http://static.apple.nextmedia.com/images/apple-photos/apple/20170801/large/01ec2p60e.jpg[/img]剛拍完劇的羅霖，帶囝囝劉子晉到華欣喪玩。
星級家長都趁暑假帶子女出遊泰國與陽光玩遊戲，羅霖日前攜幼子劉子晉（Jonathan）到華欣度假，更陪囝囝玩香蕉船，齊齊濕身降溫。羅霖剛拍完無綫劇集《宮心計2深宮計》即外遊叉電，她昨在Instagram貼出在池邊曬太陽的相，不經意晒胸前事業線，她昨日在電話中說：「啱啱拍完劇，可以去輕鬆吓，今次仲可以放縱咁食好多嘢，呢次Jonathan好開心，我哋約埋朋友一齊住villa。」
[img]http://static.apple.nextmedia.com/images/apple-photos/apple/20170801/large/01ec2p61e.jpg[/img]
蔡一智拖着囝囝出海，享受親子樂。
同樣在泰國享天倫的蔡一智，前晚貼出一家人在碼頭的背影照，赤膊的阿智穿了花綠綠三角泳褲拖着囝囝，父子背影溫馨，阿智的背部還曬到紅卜卜。
採訪：陳杰
from:[url]http://hk.apple.nextmedia.com/entertainment/art/20170801/20107634[/url]
頁:
[1]
