儲定老婆本深井買愛巢，鄧健泓自爆年尾娶硬石詠莉
鄧健泓（Patrick）四年前因合作舞台劇而與前女子組合Freeze成員石詠莉（Sukie）撻著，去年三月鄧健泓終於肯擺脫浪子，當眾向Sukie求婚，29+1嘅Sukie梗係即刻飯應！但係已經過了一年多時間，他們仍未有所行動，等到鄧健泓買埋樓，又簽約新經理人，他終於實踐承諾，自爆年尾會註冊正式拉埋天窗！求婚一年都未行動
自從同石詠莉拍拖後，從前女友名單厚過本電話簿的鄧健泓終於肯修心養性，拍拖初期已經公開認定對方俾曬名分，謝絕其他飛來蜢埋身！為了圓女友歌手夢，鄧健泓更不惜傾家蕩產自資為Sukie出碟同搞演唱會，簡直出心又出力！去年夾啱女友獲得IFPI十大銷量廣東碟，鄧健泓更同主辦單位夾計，當眾跪地嚟個驚喜求婚，Sukie當堂感動到喊曬，鄧健泓成功抱得美人歸。
雖然落實結婚，但鄧健泓都希望事業上有點成績，而且希望可以俾老婆Sukie一個安樂窩，所以他早前豪擲五百七十萬，買入深井豪景花園做婚後愛巢，為儲多啲老婆本，鄧健泓狂接幕後工作同頻頻到內地登台搵真銀，離開無線有一段日子的他，近日更泊到碼頭，正式簽約俾蕭定一旗下出碟做歌手重新出發。
[attach]242596[/attach]
鄧健泓去年向石詠莉求婚成功，早前二人到加拿大影婚紗相。[attach]242597[/attach]
鄧健泓同準老婆石詠莉現身銅鑼灣拍拖行街，其間鄧健泓電話響唔停，石詠莉扁曬嘴抗議。[attach]242598[/attach]
見女友扁曬嘴，鄧健泓當眾挨落石詠莉氹番佢。行街攬到實
一切都準備就緒，他們落實今年年尾拉埋天窗，二人最近除咗忙著籌備婚禮，都不忘偷閒拍拖享受二人時光，早前鄧健泓就同準老婆現身銅鑼灣一間餐廳醫肚，一向身形fit爆嘅石詠莉似乎並冇特別為婚禮節食，在男友面前將漢堡包大啖大啖咁咬，實行醫飽個肚最重要！叉足電之後，二人隨即轉戰商場行街。
其間鄧健泓電話不停響，Sukie見男友掛住講電話唔多理佢，終於忍唔住扁曬嘴抗議，一向錫女友錫到燶嘅鄧健泓立即收線，並當眾成個身挨落Sukie度氹番佢，真係寃氣！二人又再轉戰其他商場，Sukie睇女裝時，鄧健泓好識做咁企喺門口幫眼，又笑曬俾足意見，超級廿四孝男友囉！
後來記者上前問到鄧健泓婚事籌備嘅進度時，鄧健泓笑住回應：「我哋年尾會註冊，詳情遲啲我哋會公佈，食飯擺酒嗰啲就再遲啲先算。（同對方家長見面傾大禮未？）我哋拍咗四年幾拖喇，你覺得見過未啊？過大禮嗰啲就好易話為啫，擺酒對我來講係請大家食餐飯啫！（會大搞？）唔會喇！我個人不嬲都低調。」
[attach]242599[/attach]
去年鄧健泓當眾跪地求婚，石詠莉感動到喊曬。[attach]242600[/attach]
為咗俾老婆一個安樂窩，鄧健泓去年豪擲570萬買入深井豪景花園做愛巢。[attach]242601[/attach]
石詠莉入鋪頭試鞋，鄧健泓好有耐性企喺門口幫眼俾意見。[attach]242602[/attach]
石詠莉喺男友面前將漢堡包大啖大啖咬，似乎佢並無特別為婚禮節食。
撰文：娛樂組
攝影、攝錄：陳亦龍、蕭敬漁、楊紫
石詠莉唔退燒要轉院
[img]http://static.apple.nextmedia.com/images/apple-photos/apple/20170715/large/15ec4p20.jpg[/img]鄧健泓（小圖）的未婚妻石詠莉近日在facebook透露持續發燒，鄧健泓亦貼文表示憂心，昨日凌晨再留言：「又再惡化，我一定要轉院。」鄧健泓昨日受訪時指未婚妻本月11日發燒至39.4度，找了很久才有醫院有床位。
據知石詠莉已抽血9次，仍未找到病因，鄧健泓說：「有驗血驗尿，應該唔係好驚嗰啲流感，可以係好細問題，但始終未搵到病毒。」
from:[url]http://hk.apple.nextmedia.com/entertainment/art/20170715/20089897[/url]
石詠莉出院瘦9磅
[img]http://static.apple.nextmedia.com/images/apple-photos/apple/20170721/large/21ec3p13e.jpg[/img]石詠莉因持續發燒入院，現已出院休養。資料圖片
鄧健泓未婚妻石詠莉（Sukie）日前因持續發燒，最高燒到40度要入院留醫，曾先後抽血九次都找不到原因，有網友懷疑可能是器官發炎，甚至擔心是血癌先兆，幸Sukie大前日在社交網透露出院了，她前晚以短訊回覆：「醫生說病毒令我不斷重複發高燒，幸好病毒不是立即致命性，病毒加上有病菌引致氣管炎。比較嚴重，唞唔到氣，講兩個字就狂咳。」
問到現時情況？Sukie表示：「現在聲帶和身體還需要休養一段時間，感覺就是虛弱和擔心。」她因這場病激瘦9磅：「醫生話我呢隻唔係致命性的嚴重病毒，冇藥醫，要依靠自己身體啲抵抗力去打仗。」
採訪：皓騫
from:[url]http://hk.apple.nextmedia.com/entertainment/art/20170721/20096169[/url]
石詠莉病癒感謝鄧健泓
[img]http://static.apple.nextmedia.com/images/apple-photos/apple/20170803/large/03ec3p14e.jpg[/img]石詠莉自言現在體力還未恢復。
石詠莉（Sukie）昨日去到商台宣傳即將推出的新專輯，早前因發高燒要留院多日的Sukie雖已康復，但仍然一臉倦容，她說：「雖然好番，但係個人仍然好攰體力好唔夠，日前仲拍完MV，過程真係好攰。」
講到養病過程，她表示：「曾經試過燒到40度，好彩𠵱家好番，但工作嘅進度就推遲咗。」講到男友鄧健泓在她卧病在床期間寸步不離，Sukie說：「佢好擔心我，多謝佢為我做咗好多嘢。」新碟《The Hat Trick》將於9日推出，她說：「喺12號就會有新碟發佈會，希望呢幾日唞足精神，到時精神奕奕咁出嚟見大家。」
採訪、攝影：曹家誠
from:[url]http://hk.apple.nextmedia.com/entertainment/art/20170803/20109774[/url]
石詠莉自認鈍抵鬧
[img]http://static.apple.nextmedia.com/images/apple-photos/apple/20170808/large/08ec4p21.jpg[/img]石詠莉（Sukie）噚日到新城電台宣傳新歌《以前》，Sukie話首歌係講男女朋友，如果能夠退後一步，好多嘢都可以解決。同鄧健泓（Patrick）拍拖嘅Sukie，笑笑口話：「鬧交時我都係唔出聲，因為都係我錯，我喺佢心目中係有啲鈍。」Sukie又話喺男友面前唔需要扮蠢，因為Patrick好乖，令佢好放心。
撰文：馮仁昭
from:[url]http://hk.apple.nextmedia.com/entertainment/art/20170808/20114539[/url]
石詠莉轉會男友放鬆
[img]http://static.apple.nextmedia.com/images/apple-photos/apple/20170813/large/13ec2p12e.jpg[/img]石詠莉讚演唱會設計師對女仔的曲線好執着，所以會請對方幫手設計婚紗。
石詠莉昨日在灣仔會展出席新專輯宣傳，同時宣佈加盟星娛樂公司，她表示首批印製四千隻，數天已售出半數，並收到樂迷意見。她指未婚夫鄧健泓比她還緊張，不過現有新公司同事幫手處理大小事務，鄧健泓可放鬆一下，而她希望未來有代表作。
問到目標是否在紅館開演唱會？石詠莉說：「呢個係每個歌手嘅夢想，我會向呢個夢想出發，但都會腳踏實地去追夢。」至於年底的婚禮籌備進度？她說：「會搵演唱會設計師幫我設計婚紗，佢對女仔嘅曲線好執着，婚紗相之前喺加拿大影咗，場地亦有心水，但未book，搞完唱片宣傳先諗。」
採訪：黃曉妍
攝影：陳俊強
from:[url]http://hk.apple.nextmedia.com/entertainment/art/20170813/20119708[/url]
石詠莉恨鄧健泓食軟飯
[img]http://static.apple.nextmedia.com/images/apple-photos/apple/20170819/large/19ec4p15.jpg[/img]石詠莉新碟《The Hat Trick》本月9日推出，更已經準備加印，昨日她到商台宣傳時笑說：「我想鼓勵幕後同事先，請大家齊食餐飯。」記者笑指幕後人員是否包括未婚夫鄧健泓？石詠莉說：「佢當然有份，我嘅目標係可以餵鄧健泓食軟飯。」提到兩人婚禮，她表示已籌備場地及婚紗：「都未有時間搞婚禮，不過唔急，希望下年成事。」
from:[url]http://hk.apple.nextmedia.com/entertainment/art/20170819/20125769[/url]
頁:
[1]
