胡杏兒宣佈陀B後首現身凸肚杏兒想三年抱兩
[img]http://static.apple.nextmedia.com/images/apple-photos/apple/20170526/large/26ec2p1e.jpg[/img]胡杏兒、陳瀅及王陽明昨日在葵湧出席佛羅倫斯小鎮開幕活動，宣佈有B的杏兒首次現身，她一身桃紅連身裙示人，上圍明顯豐滿，肚子也微凸，不過她仍然腳踏兩吋高踭鞋。杏兒接受訪問時，問她是否已經懷孕4個月、預產期是否聖誕？她表示：「都係差唔多，不過想保持神秘感。」再問她是否知道BB性別時，她表示：「𠵱家諗緊去照超聲波時睇，定係生嗰時留番驚喜畀自己，暫時都未知。」
[b]「老公鍾意女」[/b]
問到第一胎想順產還是開刀，杏兒表示想順產，因想爭取時間再生，記者笑她想三年抱兩，她表示：「都想，唔知自己搞唔搞得掂，handle到就生多個。」提到老爺奶奶會否想抱男孫，她說：「老公鍾意女，我就冇乜所謂，終於感受到人哋話BB健康最緊要，老爺奶奶都冇所謂，冇話催要知仔定女。」
問到懷孕後是否放縱飲食，杏兒表示：「唔係呀，不過放假時感受到肚真係大咗、脹咗好多，個人又腫咗，個肚都實咗好多，係越嚟越硬，休息夠長胎。」她自言胃口不太好：「以前愛食嘅酸味食物同飲湯都唔鍾意，會三更半夜叫老公買魚蛋粉畀我食。」
[img]http://static.apple.nextmedia.com/images/apple-photos/apple/20170526/large/26ec2p3e.jpg[/img]
大會送嬰兒用品給杏兒，十分貼心。
[img]http://static.apple.nextmedia.com/images/apple-photos/apple/20170526/large/26ec2p2e.jpg[/img]
準媽媽杏兒在活動上開心祝酒。
[b]收Bosco短訊[/b]
講到體重，杏兒表示重了5磅，體形有腫脹，但笑言未谷奶，亦未有需要換大碼內衣：「醫生話BB size比正常大咗少少，自己都驚佢大得滯好難生。」杏兒更提到現在工作要與老公商量：「拍劇走幾個月唔得，去活動坐飛機都OK，自己都鍾意做嘢。」談及舊愛黃宗澤（Bosco）傳短訊恭喜，她表示：「有呀，你哋一問佢，我就收到喇，好多朋友、一啲好耐冇聯絡嘅朋友都有。」
採訪：盧妹
攝影：陳俊強
[img]http://static.apple.nextmedia.com/images/apple-photos/apple/20170526/large/26ec2p99e.jpg[/img]
杏兒坦言老公喜歡生女，自己則冇所謂。資料圖片
[img]http://static.apple.nextmedia.com/images/apple-photos/apple/20170526/large/26ec2p4e.jpg[/img]
陳瀅恨做媽媽想生3個，但表示要先拍拖後結婚生B。
from:[url]http://hk.apple.nextmedia.com/entertainment/art/20170526/20033599[/url]
追B兩年得米，胡杏兒：我日日作嘔
成為人妻差不多兩年的胡杏兒，一結婚就已經講明恨生仔，在母親節當日，終於宣佈懷孕好消息！她稱最初佗B時十分辛苦，經常發冷兼日日作悶想嘔，連胃口都無晒，加上首度佗B心情受影響更瘦了幾磅，老公都表示心痛。現已懷孕四個月的胡杏兒，情況穩定又開始習慣荷爾蒙變化，終於可以出街行，日前就由至尊愛妻號老公李乘德（Philip）陪伴，到利園shopping，穿平底鞋由老公拖實，幸福滿溢。
[img]http://img.eastweek.com.hk/resources/66352/1.jpg[/img]
[b]胡杏兒公布懷孕喜訊，丈夫親吻孕肚，對小生命的降臨充滿期待。[/b]
[img]http://img.eastweek.com.hk/resources/66352/2.jpg[/img]
[b]時興晒BB超聲波相，孩子未出世已經被胡杏兒公開「樣貌」。[/b]
幸福喜悅胡杏兒結婚後，即時就已講明恨生仔，所以一有時間就同老公四圍歎世，界享受無壓力生活，度蜜月都玩半年，期間開心造人，早前終於有好消息。胡杏兒首先發布一張托肚相，之後再發一張BB超聲波照宣佈有喜，繼而再上載一輯與老公海邊合照錫肚的幸福照，胡杏兒更留言：「感恩上天送給我們的禮物，Baby Lee已在我肚子裏做起仰臥起坐，爸爸及媽媽好期待同你見面呢！」完全讓人感受到那份充滿期待的喜悅。
[img]http://img.eastweek.com.hk/resources/66352/3.jpg[/img]
[b]皇后出巡睇鞋，老公當然要拖到實，身穿平底鞋的胡杏兒亦行得頗慢，事事小心。[/b]
[img]http://img.eastweek.com.hk/resources/66352/4.jpg[/img]
[b]可能是閉關幾個月，十分渴望shopping，胡杏兒於名店內落力四圍行、樣樣睇。[/b]
[img]http://img.eastweek.com.hk/resources/66352/5.jpg[/img]
[b]行了短短時間，已經覺得攰的她，即要坐下休息，不過雙眼從未離開靚袋、靚鞋。[/b]
杏兒老公IG勁貼老婆相晒恩愛智雯感情好低調
喺大台有唔少周邊組織，就好似以前嘅「至八會」、「Cry Runner」、「處女黨(官方名為Amazing Esther)」等等嘅團體，不過講到現今最大影響力嘅就有「胡說八道會」，佢哋嘅成員包括胡杏兒、胡定欣、胡蓓蔚、黃智雯、姚子羚、李施嬅等等。佢哋個個喺事業上都有番咁上下，喺感情上胡蓓蔚同胡杏兒都已經成為人妻，胡蓓蔚就唔使講啦！豹嫂、豹哥不嬲都係恩愛嘅代名詞。而胡杏兒喺前年同李乘德（Philip）結婚，佢哋真係非常之咁恩愛，一睇Philip個instagram就知，事關做咗人夫之後，Philip嘅IG十張有九張都係佢老婆杏兒嘅靚相。
而黃智雯、姚子羚呢，雖然都係未婚，不過各自都有個穩定男友，其中姚子羚就有綽號「的士邦」嘅鄭子邦，仲有指佢哋同居咁話；至於黃智雯，佢嘅緋聞少之又少，查實佢男友詹文天（Anthony）都幾犀利，係謝瑞麟珠寶集團高層。
最後，就有胡定欣同李施嬅，雖然佢哋都未有另一半，但佢哋美貌與智慧並重。
from:[url]http://hk.apple.nextmedia.com/entertainment/art/20170708/20082907[/url]
胡杏兒連環激嬲老公
[img]http://static.apple.nextmedia.com/images/apple-photos/apple/20170715/large/15ec3p30.jpg[/img]胡杏兒早前接受奇妙電視節目訪問，自爆和老公李乘德的趣事：「有次佢問我會唔會做《色，戒》入面湯唯個角色，我儍更更諗都唔諗就答佢會，佢聽完唔開心咗好耐！」
杏兒指老公雖在外國長大，但思想傳統，她笑說：「佢知我成日去荒山野嶺拍戲，特登買塊玉畀我護身，有次見我冇戴，佢又嬲嬲豬咗！」為顧慮老公感受，杏兒直言性感或接吻戲一概免問。
撰文：葉綠悠
from:[url]http://hk.apple.nextmedia.com/entertainment/art/20170715/20089871[/url]
杏兒大肚照蒲吧
[img]http://static.apple.nextmedia.com/images/apple-photos/apple/20170730/large/30ec1p51.jpg[/img]懷孕6個多月的杏兒指諮詢過醫生，搭飛機是完全沒問題。
胡杏兒、胡定欣、李施嬅、姚子羚及胡蓓蔚，昨日出發到澳洲拍攝旅遊節目《胡說八道去旅行》，現已懷孕6個多月的杏兒說：「問過醫生，懷孕36周以上至唔可以坐飛機，我𠵱家坐飛機去旅行係冇問題嘅，唔使擔心，呢個trip冇危險動作，只係飲飲食食，班姊妹都會好好照顧我。」她還大爆此行最危險的動作是到酒吧結識異性，指定欣非常期待有艷遇。
[img]http://static.apple.nextmedia.com/images/apple-photos/apple/20170730/large/1501339231_d13f.jpg[/img]
（左起）姚子羚、胡蓓蔚、胡杏兒、李施嬅及胡定欣昨日出發到澳洲拍攝旅遊節目。
提到此行獨欠黃智雯，她們解釋是對方沒檔期，並笑說：「可以講佢壞話，冇得反擊，聽講佢要結婚、生仔嘛。」李施嬅則笑謂：「佢哋點燈要求同我一齊瞓，感覺好開心。」
撰文：葉綠悠
from:[url]http://hk.apple.nextmedia.com/entertainment/art/20170730/20105898[/url]
胡杏兒陀B夏日look穿J.Crew長裙遮肚
結婚後成為幸福人妻胡杏兒，目前為老公李乘德陀B六個幾月，雖然最近亦甚少現身活動專心安胎，不過都會時不時影下相updated大家。杏兒日前趁好天氣外出，穿上J.Crew的藍白條子連身長裙，鬆身設計舒適之餘，仲可以遮到肚，搭配淺藍色牛仔恤衫，加上涼鞋和黑超，一身悠閒造型，充滿夏日氣息。杏兒為搭配了一個Lonhchamp的Le Pliage Heritage手袋，設計簡約又實用，白色設計與造型非常perfect match。
from:[url]http://hk.apple.nextmedia.com/entertainment/art/20170730/20106241[/url]
大肚神隱法胡杏兒笠OC衞衣掩眼成功
現已懷孕6個多月的胡杏兒，日前同胡說八道會一班姊妹現身機場，出發去澳洲拍攝旅遊節目。杏兒大住肚的機場造型竟然發揮大肚神隱效果，正面看起來全不覺肚凸凸。全黑上陣的她，穿了一件美牌Opening Ceremony的新款窩釘衞衣，超鬆身設計遮掩成功大肚。黑色窄身褲都令她看來依然苗條，再加一雙Balenciaga充滿punk味的黑色短靴，混搭出街頭型味，誰說準媽媽造型不可以這樣潮。
from:[url]http://hk.apple.nextmedia.com/entertainment/art/20170801/20108073[/url]
胡杏兒餵袋鼠B當練習
[img]http://static.apple.nextmedia.com/images/apple-photos/apple/20170807/large/07ec5p18a.jpg[/img]大肚人妻胡杏兒同胡說八道閨蜜去咗澳洲旅行，噚日杏兒上載兩張同袋鼠BB嘅相片，一張係佢抱住袋鼠BB，一張係佢攞住奶樽餵奶，成個畫面都充滿母愛，杏兒寫道：「袋鼠寶寶太可愛了，我先練習一下！」原來佢用袋鼠寶寶練習抱BB同餵奶，完全流露出佢快為人母嘅喜悅同期待心情，網友都留言祝福：「再過幾個月就給Baby Lee餵奶啦！」
撰文：馮仁昭
from:[url]http://hk.apple.nextmedia.com/entertainment/art/20170807/20113562[/url]
胡杏兒陀B遊澳洲花碌碌大肚look勁搶眼
胡杏兒早前同胡說八道會一班好姊妹包括胡定欣、李施嬅、姚子羚及胡蓓蔚出發去澳洲拍攝旅遊節目，杏兒都密密在instagram放寓工作於旅行的靚相開心share。見杏兒在沙灘留倩影，穿上一條好有民族風的花刺繡吊帶裙，腹部明顯隆起，充滿幸福孕味，她還襯上個可愛皮納塔公仔造型的手袋，同幾個好姊妹日落前狂影靚相。前日她又有新相，造型更花碌碌，穿了一件辣椒圖案背心連身褲，反而起了掩眼效果，令大肚神穩。杏兒的兩個造型都是美牌Kate Spade的春夏系列，以名畫家Frida Kahlo的畫作為靈感，將墨西哥熱情風格注入服飾。
from:[url]http://hk.apple.nextmedia.com/entertainment/art/20170811/20118451[/url]
胡杏兒粉紅孕婦style貼身晚裝肚凸凸
胡杏兒同胡說八道會一班好姊妹去澳洲拍攝旅遊節目，連日都好勤力post相，繼之前她穿了一系列花碌碌大肚裝，最近的一批IG相就走粉紅style。見杏兒其中一個look身穿Max Mara的經典粉紅長褸遮晒大肚，手拿Kate Spade的蛋糕形手袋，造型相當sweet。之後杏兒又同胡蓓蔚合照，二人齊齊以vintage look打扮上鏡，似乎是在當地的古著店拍攝環節，杏兒身穿一件粉紅花print長裙，夠晒吸睛。前日她post了新相，則穿了一襲貼身粉紅色晚裝，展現肚凸凸的曲線美，晚裝出自澳洲設計師Jason Grech之手，他擅於設計訂製婚紗。
from:[url]http://hk.apple.nextmedia.com/entertainment/art/20170816/20123260[/url]
杏兒孖孫儷爭何潤東
[img]http://static.apple.nextmedia.com/images/apple-photos/apple/20170822/large/22ec2p14e.jpg[/img]杏兒前日到廣州宣傳新劇，獲不少粉絲支持。
懷孕7個月的胡杏兒，依然非常勤力，密密出動搵奶粉錢，前日她到廣州出席劇集《那年花開月正圓》發佈會，台上的杏兒狀態甚弗，她表示之前拍《那》劇大半年，由秋天拍到冬天，經常香港、無錫兩邊飛，她說：「我本身好欣賞孫儷，佢一日拍十幾二十場戲，但好敬業，唔會NG，佢係好有準備、做足功課。」
杏兒表示今次接拍以女性為題材的內地劇集，還是跟知名大導演丁黑合作，她在劇中演「胡詠梅」是秦商大家閨秀，外表溫文爾雅，但因對感情太執着而影響命運，結果無緣嫁給演青梅竹馬「吳聘」的何潤東，與孫儷演變成情敵。
撰文：非非
from:[url]http://hk.apple.nextmedia.com/entertainment/art/20170822/20128558[/url]
杏兒陀B孫儷想再生
[img]http://static.apple.nextmedia.com/images/apple-photos/apple/20170829/large/29ec3p13.jpg[/img]胡杏兒懷胎七個月，穿上孕裝仍然明艷照人。
胡杏兒、孫儷、陳曉、何潤東及謝君豪等，前日在北京出席內地劇《那年花開月正圓》宣傳活動，懷胎七個月的杏兒一身孕裝亮相，她是於拍攝此劇時發現懷孕，杏兒表示劇組中第一個獲告知喜訊的是導演，第二個是孫儷，她笑說：「我們當時要拍一場對打戲，要說清楚，希望能夠手下留情，當然她也很替我高興。」
杏兒更大爆孫儷得知她懷孕後的第一個反應是「也想再生一個」，她又大讚孫儷是一個特別認真和敬業的演員，拍戲很投入，情感真摯。除了孫儷，她在劇中與何潤東飾演青梅竹馬的玩伴，也是心目中的白馬王子，她說：「何潤東也非常符合這個角色定位。」
撰文：葉綠悠
from:[url]http://hk.apple.nextmedia.com/entertainment/art/20170829/20135480[/url]
囝囝下月出世趕住追多兩個杏兒順產怕痛「唔知捱唔捱到」
[img]http://static.apple.nextmedia.com/images/apple-photos/apple/20170930/large/30ec1p1.jpg[/img]美麗準媽媽胡杏兒懷胎八個月，提到下月底囝囝出世，難掩一臉幸福。
【我的美麗孕記】現年37歲的胡杏兒，今年初成功懷孕，為沙頭角圍村老公李乘德（Philip）陀着慈姑椗，奶奶錫到燶不停煲靚湯，杏兒陀得開心，有意追多兩個，湊夠三個才收工。下月底預產期的杏兒打算順產，但卻擔心會痛到發癲，坦言：「唔知自己捱唔捱到。」
胡杏兒與圍村老公李乘德前年結婚，今年5月母親節宣佈懷孕四個月，預產期為下月底。正當大家都心急想知杏兒腹中塊肉性別時，Philip日前就自爆太太一索得男，杏兒未生已計劃40歲前追多兩個，生夠三個。
陀B已八個多月的杏兒，體重增加了二十多磅，她日前接受訪問時說：「好多人都話我個鼻大咗，個樣有啲唔同咗。」臨盆在即的她開始心情緊張：「都開始有啲驚，因為我想順產，啲人話順產復原得快啲，但我未試過，一生人都未經歷過嗰種痛，唔知自己捱唔捱到，因為朋友都話會痛到發癲、痛到會暈，所以都有啲驚。」
[img]http://static.apple.nextmedia.com/images/apple-photos/apple/20170930/large/30ec1p2.jpg[/img]
胡杏兒陀仔期間特別注意飲食，戒吃肥膩食物。
[img]http://static.apple.nextmedia.com/images/apple-photos/apple/20170930/large/30ec1p20.jpg[/img]
胡杏兒昨在Ig貼出大肚泳衣照，力谷節目《胡說八道真情假期》。互聯網圖片
[img]http://static.apple.nextmedia.com/images/apple-photos/apple/20170930/large/30ec1p5.jpg[/img]
胡杏兒夫婦早前舉行baby shower，開心迎接兒子出世。資料圖片
[b]囝囝似打觔斗[/b]
囝囝在肚中非常活躍，杏兒說：「有時個肚會摸到一嚿嘢，唔知手定腳，爸爸有時會摸吓佢。BB成日郁，係咁踢我，直情好似喺入面打觔斗咁，郁到我要問醫生：『佢郁得咁緊要，係咪有問題？』醫生先話BB郁得多係好事。」杏兒表示陀B不算辛苦，一直有繼續工作，早前還與「胡說八道」好姊妹到澳洲拍攝無綫節目《胡說八道真情假期》。
杏兒分享美麗孕記，她說：「其實頭三、四個月係最辛苦，我喺無錫拍緊劇，成日發冷，成日想嘔，冇乜胃口。到四、五個月就穩定咗，想食吓嘢，嗰段時間係最舒服。到咗𠵱家第三個階段，又開始辛苦，因為BB重，我就瞓得唔係好好，同埋唔會暴飲暴食，唔想畀佢太大隻，因為生出嚟好難生。」Philip是沙頭角禾坑村客家原居民、三代單傳，這次杏兒成功為夫家陀慈姑椗，囝囝將來會有丁權。
[img]http://static.apple.nextmedia.com/images/apple-photos/apple/20170930/large/30ec1p6.jpg[/img]
李乘德是圍村原居民，將來兒子也有丁權。資料圖片
[img]http://static.apple.nextmedia.com/images/apple-photos/apple/20170930/large/30ec1p3.jpg[/img]
胡杏兒於06年拍攝《肥田囍事》時，刻意兩個月內增肥逾四十磅。劇照
[b]收身全靠毅力[/b]
很多人都擔心產後收身問題，不過杏兒曾於06年拍攝無綫劇集《肥田囍事》時為「肥田」一角，刻意在兩個月內增肥超過四十磅，拍完後兩個月又火速減肥，所以她並不擔心：「我都試過增肥、減肥拍劇，只要付出努力，肯去做運動就一定得，呢樣嘢係毅力。」
孕婦情緒波動大，杏兒表示幸好得到老公諒解：「老公有留意我情緒，我都發覺有時會突然好down，佢都有提醒我，叫我：『喂，你唔好諗埋一邊，自己走咗入個窿喎！』」她希望至少生兩個，但三個都沒所謂，她說：「我希望唔係好痛，唔好有陰影，一個好悶，如果冇嚇親，會生三個。」
採訪：林妙萍
攝影：郭賢興
from:[url]http://hk.apple.nextmedia.com/entertainment/art/20170930/20168277[/url]
頁:
[1]
