《致命復活》陳庭欣「一秒被姦殺」網民：不如唔好做
大台台慶劇《致命復活》星期日晚首播，淨係睇trailer都覺得套劇有啲奇怪，郭晉安嘅角色俾人困喺山洞十年，變到成個野人咁，又生食蛇又生食田雞，齋睇字都覺得嘔心。萬綺雯喺劇中仲要俾人強姦，黃德斌又揸槍，王浩信又俾人打到豬頭，到底套劇係講咩㗎呢？今次連播兩個鐘，都係講啲背景嘢囉，做「公司醫生」嘅郭晉安同王浩信10年前去越南做嘢，點知俾人綁架，最後王浩信走得甩，郭晉安就被困喺一個荒島嘅山洞入面。
而大台今次又用返個條橋，冇錯，又係用強姦做綽頭，本身喺trailer已經見到萬綺雯會俾人強姦。到首播，就有陳庭欣畀人「一秒強姦」，先姦後殺，仲要棄屍荒野；唔止咁，萬綺雯俾綁匪捉咗，個綁匪仲要叫蚊蚊自己除衫，唔係直接強姦佢，咁樣就造就咗個英雄救美嘅機會俾黃德斌喇。
為咗搵到郭晉安喺邊，萬綺雯仲要著到身光頸靚上擂台做沙包俾人打一round，點知俾人打完一身都係冇料到……跟住上演幾次「啱啱遇著剛剛」，萬綺雯同郭晉安就咁就要分開十年，最後又無啦啦重逢。
有網民話今次套劇係《老表》復活，又話係《與敵同行3》，仲有網民話係香港《原罪犯》，唔通大台今次又「參考」其他劇本？又有網民預測劇情：「第一集又槍戰，又追車，又爆炸，又打到七彩；第二集開始三角戀……」亦有網民話：「全部都係一秒強姦，不如唔好做。」
from:[url]http://hk.apple.nextmedia.com/entertainment/art/20161122/19841969[/url]
陳庭欣拍姦戲嫌死得快
[img]http://static.apple.nextmedia.com/images/apple-photos/apple/20161122/large/22ec2p60.jpg[/img]無綫劇集不時出現強姦畫面，前晚首播嘅台慶劇《致命復活》就出現陳庭欣（Toby）俾人「一秒強姦」，先姦後殺，仲要棄屍荒野。劇情講述郭晉安同王浩信十年前去越南做嘢時被綁架，同行嘅安仔下屬Toby慘俾「一秒強姦」。Toby噚日話：「我噚晚有睇，好緊張，我覺得自己比想像中死得快，拍呢場戲好辛苦，手腳都要塗血漿，化妝好耐。」
撰文：馮仁昭
from:[url]http://hk.apple.nextmedia.com/entertainment/art/20161122/19841254[/url]
《致命復活》終極大佬係邊個？蚊蚊黃德斌最大嫌疑
《致命復活》播咗一個禮拜，網民已經係咁估究竟邊個係big boss——即係，究竟邊個策劃郭晉安呢宗綁架案？又係邊個同越南黑警勾結，令民間搜救同警方呢十年嚟都搵唔到安仔下落。其實故事一開始已經有鋪排，劇中第一個犧牲者，可算係安仔被囚嘅關鍵人物——即係陳庭欣。已為人夫嘅安仔，背妻萬綺雯偷食同事陳庭欣。陳庭欣出場未幾即遭「一秒輪姦」致死，但稍後會有倒敘式回帶講番佢同安仔嘅姦情，陳庭欣仲影埋相，向萬綺雯挑機！
咦，如果真係咁樣樣，咁今次綁架案，係咪萬綺雯………係喇，網民又拎番萬綺雯披頭散髮成個野人咁樣嗰張劇照——嗰part喺星期三出咗，係安仔嘅夢境。
咁萬綺雯係咪奸？
以下含劇透…
萬綺雯係今次綁架案關鍵，而佢背後，仲有另一個big boss——黃德斌。
黃德斌同萬綺雯喺越南青梅竹馬，男方一早有意，但萬綺雯當時愛上安仔。一直妒忌安仔嘅黃德斌，為求奪回所愛不惜做錯事；但同時，黃德斌亦係深愛萬綺雯，甚至可以為對方做所有事。睇番第一集黃德斌救萬綺雯嗰場，黃德斌將綁匪全部滅口，用意不言而喻。
咁黃德斌係咪final big boss？唔好忘記，仲有一個面善心惡嘅張國強——最終Big Boss相信暫時都需賣個關子。
萬綺雯前日接受傳媒訪問時，亦都唔肯講Big Boss係邊個，佢話﹕「老實講保險金就唔係呀喬呃嘅！到底係邊個好快就會揭曉。(黃德斌係咪終極big boss？)慢慢追落去咪知囉。」
萬綺雯話同安仔已經係第三次合作，所以好有火花，佢話﹕「好多時唔需要講已經feel到大家想法，好有默契！咁當然同每位對手都好有火花，包括阿仔、德斌、奶奶、大哥、大嫂.....一埋位大家已經入晒戲。」
from:[url]http://hk.apple.nextmedia.com/entertainment/art/20161126/19845940[/url]
平衡被睇全相嘅心理陳庭欣斐濟大解放
大台劇《踩過界》跑出咗個盲俠律師王浩信，但不得不提演跨性別人士嘅陳庭欣（Toby），話晒人哋都係港姐冠軍出身，要咁樣「全裸」俾觀眾睇，有CG都好啦，係要勇氣嘅。劇已播，觀眾反應有眼睇，唔知係咪因為要平衡番個心理，呢兩日Toby去斐濟拍外景，就喺Instagram狂晒水着相。真正套套比堅尼上陣，噚日朝嗰幅就係晒費爆身形同晒長腿，令炎夏更加熱。
from:[url]http://hk.apple.nextmedia.com/entertainment/art/20170802/20108709[/url]
頁:
[1]
