吳若希上月宣佈暫別娛圈擬美國生B終報喜懷孕3個月
[img]http://static.apple.nextmedia.com/images/apple-photos/apple/20161119/large/19ec1p1.jpg[/img]一直盛傳大肚的吳若希，昨日向前經理人親口承認懷孕3個月。資料圖片
吳若希今年9月跟澳門闊少男友Alex分手後一個月即火速翻撻，她更於社交網暗示暫別娛圈，隨即惹來大肚傳聞。連月來吳若希一直未肯承認大肚，直至昨日她終在Instagram宣佈喜訊：「幸福的事要發生了！」她的前經理人Simon昨轉述吳若希親口承認有喜：「我有咗3個月喇！」據悉明年5月便25歲生日的吳若希，將於同一個月份在美國迎接小生命來臨。
連月來盛傳懷孕的吳若希，昨日終於承認懷孕3個月，可喜可賀！現年24歲的吳若希，今年9月宣佈與拍拖半年的澳門闊少男友何兆鴻（Alex）分手，一個月後火速復合。由於吳若希上月10日在社交網留言暗示暫別娛樂圈：「有時在一個環境呆到累了，就要給自己一個新的挑戰，親愛的豬們，我想休息一段時間，發展自己另外的工作，你們會支持我？你們會等我嗎？」因而惹來大肚傳聞。
[b]傳獲贈900萬新樓[/b]
早前有傳吳若希懷孕3個月兼獲Alex送贈900多萬何文田新樓，但她未肯多講，僅在Ig留言表示：「有咗3個月會通知大家，結婚通知大家，應承你！」本月初有傳媒拍得吳若希肚凸凸現身澳門，她也未肯承認懷孕。
直至昨日下午，吳若希忽然於Ig上載一張半身相，並留言道：「幸福的事要發生了！」雖然她未有透露何事，但本報收到消息，吳若希已跟唱片公司老闆何哲圖承認大肚，而她前經理人Simon昨日亦得到吳若希親口承認懷孕3個月。Simon昨午向本報記者透露剛與吳若希電話聯絡，他說：「一路以嚟我同Jinny（吳若希）都有聯絡，見好耐冇聯絡，打畀佢問嚇佢最近點，佢就好不經意咁話有咗3個月，我都好愕然，但好高興嘅，佢同我講：『有好消息呀，我有咗3個月喇，遲啲再講啦，好忙呀！』咁就end咗件事囉。」
[img]http://static.apple.nextmedia.com/images/apple-photos/apple/20161119/large/19ec2p1.jpg[/img]
【昨日】
吳若希昨日於Ig貼新相併宣佈有幸福的事發生。
[img]http://static.apple.nextmedia.com/images/apple-photos/apple/20161119/large/19ec2p2.jpg[/img]
[img]http://static.apple.nextmedia.com/images/apple-photos/apple/20161119/large/19ec2p3.jpg[/img]
【上週】
吳若希上週在Ig上載全身相，懷孕3個月的她身材未見有異樣。
[b]分手後始知有咗[/b]
據估計，吳若希今年9月19日在社交網宣佈與Alex分手時，仍未知道自己懷孕，直至上月10日她在社交網暗示暫別娛圈時，估計已知道懷孕，並火速跟Alex復合。據悉吳若希一直在澳門安胎，但日前她已與Alex前往外地旅遊。據知情人士透露，Alex一直希望與吳若希到美國結婚生仔，預產期為明年5月的吳若希，將會隨男友意願到美國生B，由於5月23日是吳若希生日，換言之BB將跟她同一月份出生。不過，吳若希一直深信風水，玄學家陳定幫曾為她與Alex夾八字，指出她於2018年才適合結婚，估計她會待生B後再於2018年與Alex拉埋天窗。記者昨日曾致電吳若希，但未獲回覆。
另外，玄學家陳定幫昨表示未接獲吳若希通知懷孕，他說：「佢未通知我大肚，亦冇搵我擇日子結婚，本身好早之前話過佢哋最好2018年結婚，今年好似太快，不過佢今年有喜慶星，代表生仔結婚，如果今年結婚都冇問題，只係2018年更加好。」
採訪：皓騫
[img]http://static.apple.nextmedia.com/images/apple-photos/apple/20161119/large/19ec1p2.jpg[/img]
吳若希跟男友Alex分手後，上月發現懷孕，更火速跟對方復合。資料圖片
[img]http://static.apple.nextmedia.com/images/apple-photos/apple/20161119/large/19ec2p5.jpg[/img]
獲唱片公司老闆何哲圖力捧的吳若希，因懷孕而暫別娛圈一年。資料圖片
From:[url]http://hk.apple.nextmedia.com/entertainment/art/20161119/19838488[/url]
KellyJackie勸吳若希食多啲嘢
[img]http://static.apple.nextmedia.com/images/apple-photos/apple/20161119/large/19ec1p3.jpg[/img]KellyJackie（左）早前見過好友吳若希，直指她太瘦。資料圖片
吳若希閨蜜好友KellyJackie對於好姊妹承認懷孕，她昨日以短訊回覆說：「幸福嘅事可以有好多嘅，我知道佢飛咗去旅行，可能係呢一個開心事啦！我唔清楚，亦冇八卦，不過如果係任何開心事，我相信佢自然會同大家分享的。」她非常維護好友，相當口密。
KellyJackie日前曾在港與吳若希食飯見面，問到吳若希近況、是否計劃結婚及找她當伴娘？KellyJackie說：「佢OK呀，冇講到呢個topic。我哋一齊食飯，佢講番上次嚟睇我舞台劇演出後嘅感覺，我有叫佢食多啲嘢，因為同之前一樣咁瘦。上次見佢，我唔覺得佢有唔同，所以冇問過。不過無論係任何開心事，我相信佢想講時，自然會同我呢個『老婆』分享，如果唔係我就同佢『離婚』啦！」
採訪：皓騫
from:[url]http://hk.apple.nextmedia.com/entertainment/art/20161119/19838489[/url]
吳若希陀女照玩笨豬跳
[img]http://static.apple.nextmedia.com/images/apple-photos/apple/20161122/large/22ec1p11.jpg[/img]吳若希表示與Alan有共識，生完BB才會結婚。資料圖片
[img]http://static.apple.nextmedia.com/images/apple-photos/apple/20161122/large/22ec1p10.jpg[/img]
吳若希昨接受無綫訪問，承認陀B女。
24歲的吳若希為澳門闊少Alan未婚懷孕，她昨接受無綫訪問時承認：「我就嚟做媽媽啦！上星期先知係女，BB爸爸同我都冇話特別鍾意男定女，只要佢健康就夠，啱啱3個月多啲，預產期應該係5月頭。」問BB爸爸是否好緊張？吳若希笑說：「佢𠵱家成日唔畀我出街，我原本休息諗住開舖。冇諗過生完唔做嘢，keep番弗出嚟唱歌拍嘢。」問到幾時結婚？她說：「我哋有共識，生完小朋友嘅事。」是否到美國生B？她說：「未定，因為美國係BB爸爸讀書嘅地方，但自己較鍾意喺香港。」
傳未來奶奶唔鍾意吳若希，她似有意無意爆料：「喺澳門auntie成日煲湯我飲，𠵱家間中有嘔，容易啲攰同眼瞓。」提到未知懷孕前仍玩高危玩意，她說：「去咗潛水、笨豬跳，基本上所有高危都做，醫生話暫時係健康小朋友。」她獲老闆何哲圖表示支持，同公司的歌手鄭俊弘昨亦恭喜吳若希。
採訪：王連連
from:[url]http://hk.apple.nextmedia.com/entertainment/art/20161122/19841228[/url]
吳若希男友ig晒幸福：將會添加一位成員
24歲嘅吳若希(Jinny)昨日親證懷孕，仲話自己o依家陀咗三個月多啲，係個B女。Jinny又話BB爸爸都好鍾意，最緊要係小朋友健健康康。Jinny仲喺ig多謝老闆同埋同事，話會照顧好自己。吳若希嘅澳門有米男友Alex Ho都有喺ig晒幸福，佢話自己唔係公眾人物，都唔係要交代咩嘢，只係想將呢份喜悅話埋屋企人同朋友知。Alex話：「在我們生命中，將會添加一位成員，而這位成員是女孩來的，我們會盡自己最大的努力去愛錫她和照顧她。I Love You Both！」
from:[url]http://hk.apple.nextmedia.com/entertainment/art/20161122/19841960[/url]
吳若希獲男友錫錫放閃
[img]http://static.apple.nextmedia.com/images/apple-photos/apple/20161123/large/23ec2p5.jpg[/img]吳若希懷孕，其男友Alex最開心。互聯網圖片
24歲吳若希（Jinny）被爆與澳門闊少Alex Ho分手後又復合，而且為對方懷有B女，未婚懷孕3個多月的Jinny，於訪問中親證陀B喜訊，並在Instagram感謝同事、粉絲的支持，承諾會把自己照顧好。Jinny大方承認懷孕後，男友Alex前晚亦緊隨於Ig分享喜悅，並向Jinny和未出世的B女說愛。
準爸爸Alex自言不是公眾人物，亦不是要交代甚麼事，只想和家人朋友一起分享這份喜悅，Alex留言：「在我們生命中，將會添加一位成員，而這位成員是女孩來的，我們會盡自己最大的努力去愛錫她和照顧她。I Love You Both！」
撰文：葉綠悠
from:[url]http://hk.apple.nextmedia.com/entertainment/art/20161123/19842267[/url]
吳若希講明生完先結婚康堤兩歲阿徐先嫁Eason
未婚懷孕嘅例子喺娛圈屢見不鮮，而佢哋睇嚟都好sweet，由最近嘅吳若希去到Eason嫂徐濠縈都係好好嘅例子。吳若希
24歲嘅吳若希（Jinny)年7月喺fb公開認同澳門闊少Alex Ho拍拖，又喺9月宣佈分手，喺10月突然暫別娛圈。其後多次傳出Jinny有喜，當時人未有回應，直至11月18日，佢喺ig宣佈有喜，及後佢亦回港接受訪問，承認有喜3個月，而佢同男友亦有共識生完B後先再結婚。
Jessica C.
安志杰2014年同Jessica C.拍拖，喺去年10月拍拖近一年嘅安志杰宣佈女友懷孕三個多月，而佢仲成功喺馬爾地夫旅遊嗰陣求婚成功。而JC喺今年3月於美國芝加哥誕下寶貝女Tessa，至於婚事方面，JC接受訪問時曾透露希望明年年中前成婚，而預計婚禮會喺LA舉行。
徐濠縈
徐濠縈同陳奕迅Eason拍拖多年，佢哋仲喺2004年誕下愛情結晶品陳康堤。不過當時有指當時Eason要為復出樂壇做準備，所以將婚事延遲，最後喺2006年3月Eason同徐濠縈結束十年愛情長跑喺水灣鄉村俱樂部結婚。
趙哲妤
今年9月趙哲妤出席活動，突然肚凸凸現身，自稱係單身嘅佢自爆懷孕6個月，講到BB嘅爸爸佢仲一度哽咽。事件報道後1個月，趙哲妤再次出席活動即刻笑晒，仲話BB爸爸會負責o添！
from:[url]http://hk.apple.nextmedia.com/entertainment/art/20161214/19864661[/url]
懷孕後升Cup吸金吳若希計劃生多個
[img]http://static.apple.nextmedia.com/images/apple-photos/apple/20161217/large/17ec5p9.jpg[/img]吳若希宣佈陀B後首現身活動，笑言上圍升cup。
現年24歲的吳若希和澳門闊少男友何兆鴻（Alex）相戀後，上月承認懷B三個月，昨日首度在港公開現身，出席旺角蛋糕店活動。腳踏4吋高踭鞋的她，面部明顯肥了不少，但手腳纖瘦。
提到預產期，吳若希透露是明年5月，還未決定香港定美國生，她說：「美國嗰度有親戚，但未決定到，醫生話我身體狀況比較年輕同好瘦，會有機會早產，所以預計會4月尾。」問到身形變化，她笑言：「𠵱家有32吋腰，以前係24吋，升cup都有，內衣換過晒，覺得好大負擔。」
[b]笑男友唔好樣[/b]
問到老公見到升cup會否好開心？吳若希表示：「冇乜特別，我有問佢我40吋腰會點，佢就話唔使擔心，40吋腰我都喺度，唔會唔要你。」吳若希透露預計會生兩個BB，亦有計劃拍大肚寫真，但笑言Alex唔好樣沒有預他。再問婚期會否定在生B後？她表示待雙方家長決定會通知，亦未知是否於2018年之前。
[img]http://static.apple.nextmedia.com/images/apple-photos/apple/20161217/large/17ec5p10.jpg[/img]
吳若希計劃為男友Alex（右二）生兩個，不過婚期未定。互聯網圖片
此外，吳若希已向公司表明不會出席年底的音樂頒獎典禮，若公司好需要她才會去。提到缺席的話，會否失落金曲金獎？她笑言：「今年唔係我去㗎嘛，都有好多歌手鍾意，JW、林奕匡同陳柏宇都好鍾意，唔關親唔親生仔事。」
採訪：曹家誠
攝影：陳順禎
from:[url]http://hk.apple.nextmedia.com/entertainment/art/20161217/19867813[/url]
頁:
[1]
