錢國偉任熱褲女搭膊
[img]http://static.apple.nextmedia.com/images/apple-photos/apple/20161027/large/27ec1p21.jpg[/img]錢國偉日前與一名熱褲美女在又一城行街，起初還以為是他的老婆陳宛蔚，但看真一點，原來另有其人。當日下午6時許，錢國偉與熱褲美女一齊行商場，其間他跣手將電話跌在地上，即時面色一沉，熱褲美女即時𠱁錢國偉開心，主動搭膊頭。之後兩人行入Apple Store，錢國偉自顧自看電腦和手錶，看完才取車離開。
[img]http://static.apple.nextmedia.com/images/apple-photos/apple/20161027/large/27ec1p22.jpg[/img]
陳宛蔚（右）直言妹妹性格男仔頭。微博圖片
得知老公與熱褲女行街，陳宛蔚氣定神閒在電話中說：「嗰個係我妹妹，我同我妹妹好似，當日我哋三個一齊食飯，食完之後我有嘢做走先。」她直言妹妹性格男仔頭，不擔心越軌，還笑言多謝傳媒贒實老公。
採訪、攝影：吳耀輝、徐錦池、嵐山
from:[url]http://hk.apple.nextmedia.com/entertainment/art/20161027/19813075[/url]
共過患難陳宛蔚打動錢國偉之路
俗語有云「一物治一物」，放喺錢國偉同老婆陳宛蔚身上就最適合不過。參加2007年港姐嘅陳宛蔚，只能入到24強，即係根本連上台嘅機會都冇，但就被無綫睇中咗，召去擔任錢國偉揸旗嘅綜藝節目《味分高下》其中一位「味之天使」雜果賓治。自此，令陳宛蔚同錢國偉結下緣份……
錢國偉話晒係金牌監製，做親啲節目同電影又收得，佢本身又喜愛夜蒲，自然多女埋身。不過自從陳宛蔚埋身之後，錢國偉都開始收心養性。
話說2012年錢國偉開拍電影《喜愛夜蒲2》，更屬意樣子甜美又好身材嘅苟芸慧擔正，點知有傳陳宛蔚疑不滿苟姑娘成日黐住錢國偉，陳宛蔚向男友大發雷霆，更有人見到佢哋兩個喺餐廳為此吵大鑊，錢國偉為安撫女友、平息其怒火，所以就算套戲已經開拍咗，但錢國偉都仍然嗌易角，換上連詩雅。唯當時錢國偉同陳宛蔚都否認「拖友」關係，但有傳陳宛蔚開始做「跟得女友」，出出入入都跟到實。
另一次係大台節目《五覺大戰》特別篇，錢國偉拉大隊去新加坡拍外景，點知錢國偉被拍到獲36E身材嘅白雲餵食雪糕，令陳宛蔚醋意大爆發，不單止將男友錢國偉同牽涉其中嘅白雲鬧爆，更連幫拖解釋嘅白雲男友都被爆埋一份。
明明錢國偉有咁多「選擇」，點解要忍讓陳宛蔚呢個特級野蠻女友呢？好簡單，因為佢哋共過患難。回少少帶，錢國偉喺2010中捲入陳志雲涉貪案（新聞連結：http://bit.ly/2dSqCkV），當年錢國偉辭職兼落難，但陳宛蔚對佢不離不棄，錢國偉一直記喺心，所以就算陳宛蔚點野蠻都好，佢都好忍讓。
from:[url]http://hk.apple.nextmedia.com/entertainment/art/20161027/19813397[/url]
做監製有着數？錢國偉捧起唔少女老婆都娶埋
錢國偉係大台節目監製出身，負責過唔少綜藝節目，好似《美女廚房》同《味分天下》等等，共通點係女女女......唔係《巨輪II》個隻，而真係好多女藝人參與啲花瓶助手角色。後來錢國偉轉行做導演，最出名嘅一定係《喜愛夜蒲》系列，簡單啲講，佢真係培養咗好多女藝人出道：賈曉晨（JJ）：
《美女廚房》嘅「美少女廚神」冠軍，之後參加埋錢國偉另一套《味分天下》，做助手「梳打」，因為佢有對長腿，加上性格單純，大台啲遊戲節目都必定預佢一份。
何佩瑜（Jeana）：
同JJ一樣，都參加過《美女廚房》嘅「美少女廚神」比賽，亦拍過《夜蒲》系列。一直以性感女神作招徠，錢國偉新戲《辣警霸王花》當然唔少得佢個份。
陳靜（DaDa）：
《夜蒲》女陳靜原本叫「百香園E神」，佢嘅E cup巨乳就得到錢國偉賞識，拍咗第一集《喜愛夜蒲》。不過13年佢突然神隱，三個月後又宣佈復出，打亂咗《喜愛夜蒲3》嘅部署，錢國偉仲明言永不錄用。
連詩雅（Shiga）：
連詩雅除咗係位歌手，其實都係第一代《夜蒲》女，佢仲憑呢套戲獲提名第31屆金像獎最佳新演員。
陳宛蔚：
曾經係《味分天下》擔任助手嘅「雜果賓治」陳宛蔚，待遇絕對係最特別嗰個，因為佢同錢國偉傳緋聞足足傳咗6年咁耐，直到12年先認拍拖，上年仲拉埋天窗。
from:[url]http://hk.apple.nextmedia.com/entertainment/art/20161027/19813393[/url]
頁:
[1]
