洪欣轟莫少聰：兒子傷透心
[img]http://static.apple.nextmedia.com/images/apple-photos/apple/20161025/large/25ec5p32.jpg[/img]莫少聰日前貼相翻舊賬，否認當年棄子傳聞。資料圖片
[img]http://static.apple.nextmedia.com/images/apple-photos/apple/20161025/large/25ec5p31.jpg[/img]
洪欣老公張丹峰喺微博貼出一家三口相兼留言，大曬家庭溫暖。微博圖片
洪欣同莫少聰分手多年各行各路，惟莫少聰日前忽然喺微博翻舊賬，否認自己棄子嘅傳聞，又指常被幫洪欣出頭嘅「寫手」喺微博罵。沉默多日嘅洪欣，噚日終於喺微博反駁莫少聰，叫佢唔好再傷害其家人：「莫先生！說實話我沒有留意你的新聞，怎樣可能找水軍去攻擊一個我已經遺忘了的人呢？」
洪欣強調自己從來冇喺孩子面前講過一句傷害莫少聰嘅壞話：「所以當你在微博上私訊孩子，孩子才會回應你！基於禮貌的回應卻換來你這次的做法，令他傷透心，他沒想過你會如此這般利用他，希望你不要再傷害我的家人！」
[b]老公打氣[/b]
洪欣老公張丹峰貼一家三口相，力撐老婆：「謝謝老婆帶著女兒來陪我拍戲，讓我收工之後還能感受家庭的溫暖，最可惜的是兒子要上學，不能來……有沒有想粑粑呢！」洪欣同莫少聰所生嘅兒子張鎬濂回覆：「根本是要我吃醋，我比較想妹妹，哈哈！妹妹離開我一個月了，快點回到我的懷抱……爸爸媽媽快點回來，一家四口開開心心，倖幸福福就好了！」
撰文：馮仁昭
from:[url]http://hk.apple.nextmedia.com/entertainment/art/20161025/19811086[/url]
洪欣擁7千萬物業
[img]http://static.apple.nextmedia.com/images/apple-photos/apple/20161102/large/02ec4p1.jpg[/img]資料圖片
當年莫少聰冇理洪欣兩母子，𠵱家佢同內地妻孫雪玲離婚要獨力照顧囡囡，佢同洪欣嘅陳年舊事再被翻炒，有指洪欣搵網上「水軍」攻擊莫少聰，莫少聰貼相證自己非負心漢。噚日有報道指2012年洪欣被追債，同囝囝避走上海，四年後，認識現任老公張丹峰拍住喺內地搵銀，理財有道嘅洪欣，𠵱家有四個港島物業喺手，價值合共7,000萬元，當中有三個單位仲係冇按揭，絕對稱得上係圈中隱形富婆。
撰文：馮仁昭
from:[url]http://hk.apple.nextmedia.com/entertainment/art/20161102/19819466[/url]
莫少聰再寸洪欣捱轟
[img]http://static.apple.nextmedia.com/images/apple-photos/apple/20161107/large/07ec5p3a.jpg[/img]資料圖片
莫少聰噚日喺微博再發功，撰文暗寸舊愛洪欣：「不知道是不是世事總荒唐，事實真相抵不過一個『偽』字，原來人們只相信自己所相信的而非真正的是非黑白！這一次怪我太執着。謝謝一些秉着私心說『正義』的人讓我覺醒甚麼是『人性』和『社會』。」
之後，有網民留言怒插：「別再說話了，以前很喜歡你，現在覺得你很惡心！」莫少聰抵死回覆：「美女！祝你一生幸福！」
撰文：馮仁昭
from:[url]http://hk.apple.nextmedia.com/entertainment/art/20161107/19824826[/url]
頁:
[1]
