王晶揀女夠曬索邱淑貞舒淇都係晶女郎
曾經紅極一時嘅關秀媚，年過半百仍然大手筆買凍齡產品，證明「晶女郎」同所有女人一樣，都係貪靚。講起「晶女郎」，最先諗起啲咩？同各位男士講明先，呢個係gay test，如果諗起王晶就fail喇。「晶女郎」最緊要嘅唔係樣（雖然都好重要），而係誘人嘅身材同埋肯為藝術而犧牲嘅膽量，就好似佢哋咁：邱淑貞：
第一代晶女郎，外表清純，但被王晶落本打造成性感女神，經典性感演出多不勝數，好似有《香港奇案之強姦》、《慈禧秘密生活》、《不道德的禮物》等等，其中第一套《赤裸羔羊》更係經典中嘅經典。
舒淇：
未做演員之前，舒淇係一位模特兒，王晶睇雜誌覺得舒淇驚為天人，特登喺台灣邀請佢拍攝《玉蒲團II之玉女心經》結果一片爆紅，值得一提嘅，係李麗珍喺《玉女心經》入面有好多同舒淇嘅搵手戲。
林熙蕾：
又係台灣代表，幫王晶拍過《千王之王2000》同《賭俠大戰拉斯維加斯》，其中喺《賭俠大戰拉斯維加斯》入面夾硬加插咗一段同劉德華嘅床戰戲，夠曬「晶女郎」作風。
孟瑤：
一直都係演員嘅孟瑤，原本只係奀星，直至拍完《七擒七縱七色狼》就為人熟悉。佢比其他「晶女郎」唔同之處，在於佢有股儍勁，加上佢超級突出嘅上圍，算係最出眾嘅一位。
文凱玲：
「晶女郎」玩咗好多代，越做越失色，文凱玲參與過唔少王晶嘅電影，好似《唐伯虎衝上雲霄》、《鴨王2》同《賭城風雲2》咁，不過紅唔起，最多人知嘅，應該係今年6月主動姣媾馬國明。
袁嘉敏：
原先係09年港姐，約滿無線後拍過電影，14年喺《豪情3D》惜肉如金，到咗15年拍王晶嘅《鴨王》就大蛻變，喺鏡頭面前玩全裸。
from:[url]http://hk.apple.nextmedia.com/entertainment/art/20161003/19789561[/url]
舒淇貼孕婦襟章
[img]http://static.apple.nextmedia.com/images/apple-photos/apple/20161012/large/12ec2p4e.jpg[/img]舒淇因上傳「孕婦襟章」（下圖）相，惹起懷孕誤會。互聯網圖片
相識20年並於上月3日爆婚訊的馮德倫與舒淇，當時《蘋果》收到獨家消息指兩人已有造人計劃，舒淇將減產全力催谷。日前舒淇在Instagram貼愛貓扁嘴片段，並寫上「不能吃甜食、不能喝酒、不能吃禽類、不吃牛肉、不能吃海鮮……請問我出門旅遊的意義在哪裏。」
[img]http://static.apple.nextmedia.com/images/apple-photos/apple/20161012/large/12ec2p5e.jpg[/img]
昨日舒淇又在Ig貼出「孕婦襟章」背囊相，並寫上「好貼心嗯」，令人聯想莫非造人成功？但原來是她跟林心如及林熙蕾到日本玩，背囊是心如的。另一張三人合照中，懷孕的心如拎着一瓶花，而舒淇與林熙蕾則拎紅酒，證明未有BB。另外舒淇早前上謝霆鋒節目《十二道鋒味》時，霆鋒不時叫她忍口調理好身體，似是為懷孕作準備。
撰文：君喬
from:[url]http://hk.apple.nextmedia.com/entertainment/art/20161012/19797721[/url]
舒淇貼Burberry背囊誤傳有喜原來係林心如！
舒淇昨日在ig上載了一張backpack相，袋上掛了一個「孕婦襟章」，仲話「好貼心嗯」，不禁令人聯想她已經懷有愛情結晶，不過原來只是一個美麗誤會，因為舒淇上載的不是自己，而是她的好姊妹林心如。林心如所孭的這個粉紅色backpack來自Burberry，其實她早前都已經在facebook晒過，仲大讚粉粉的，好可愛。Backpack共分有三個不同size，林心如孭雖然屬於small size，不過實用性依然高，索價$9,100，相比孭手袋，陀B孭backpack，應該亦輕鬆得多。
from:[url]http://hk.apple.nextmedia.com/entertainment/art/20161012/19798040[/url]
舒淇跪低為心如揼骨
[img]http://static.apple.nextmedia.com/images/apple-photos/apple/20161014/large/14ec5p6.jpg[/img]新婚一個月嘅舒淇，撇甩老公馮德倫同幾個老友去日本度假，當中包括陀住BB嘅好友林心如同林熙蕾。
舒淇噚日凌晨喺Instagram貼P圖旅行相，佢哋着住日式浴袍，齊齊玩角色扮演，好似侍衛、婢女、皇后咁，舒淇仲跪低分別幫林心如同林熙蕾揼骨，畫面勁搞笑。不過，林心如依然好避忌，全程都拎住個攬枕放喺肚皮上，唔俾影到佢個肚。
撰文：馮仁昭
from:[url]http://hk.apple.nextmedia.com/entertainment/art/20161014/19799944[/url]
頁:
[1]
