鄧一君香蕉仔進修升呢財務策劃師拒返娛圈「我唔鍾意應酬」
[img]http://static.apple.nextmedia.com/images/apple-photos/apple/20161001/large/01ec1p1.jpg[/img]39歲的鄧一君棄影后轉行做保險，現為分行經理及高級財務策劃師。攝影：林德雄
鎂光燈下的世界五光十色，不少人目眩神往，憧憬成為偶像大紅大紫，但卻有人體驗過後甘於平凡，寧願轉行重頭做起。《記得…香蕉成熟時》的香蕉仔鄧一君，如今是個快將40歲的中年，十一年前他為前途轉行，由保險從業員做到今日分行經理及高級財務策劃師。為保專業形象，一君揚言不會再演戲，並指自己不喜演藝圈應酬活動。說到中年發福，他笑謂：「肥咗畀人個感覺仲惇厚咗穩重咗，生意仲好咗！」
本月24日便踏入男人四十一支花之齡的鄧一君，9歲開始做童星做到成年，在娛樂圈打滾足足二十多年，香港電影業的輝煌、港產片的不景氣都見證過。不過，一君日前在觀塘接受專訪時，坦言自己不愛演戲，當年入行拍戲，也是為了方便看明星，一君說：「你哋睇明星好辛苦，又要喺出面等，我直頭喺佢隔籬幾方便呀！」
[b]毅然撇無線轉行[/b]
一君當年憑《記得…香蕉成熟時》「楊醒波」一角提名香港電影金像獎最佳新演員，演藝圈起步看來不錯，他說：「係呀，當時都覺得自己掂，有部戲紅咗，可能因為咁，自己冇咗危機感，當時紅咗有好多機會，但自己冇去好好把握，加上我外形太侷限，而且我唔鍾意應酬，又要去卡拉OK、飲嘢，成日唔見我，搵親我又唔出，又掃興，一係早走，可能會蝕底啲。」2005年，正為無線拍劇的一君考慮到電視台發展及前景不樂觀，甚至缺乏安全感，為了想擁有自己事業，一君經朋友介紹下轉投保險行業，十一年間，他已被擢升為分行經理及高級財務策劃師。
當年不愛讀書的一君，為了事業更報讀相關課程裝備好自己，他說：「我發覺我真係開咗竅，我𠵱家做管理，有啲管理嘅技巧唔夠，咁就自己去進修工商管理，讀咗個master，而最厲害係呢個『CFP認可財務策劃師』，全香港得三、四千個人有。」近年一君身形發福少少，對此他笑謂：「因為𠵱家唔使出鏡，所以我就冇keep，同埋𠵱家肥咗，畀人個感覺仲惇厚咗穩重咗，生意仲好咗，如果我瘦番，反而似個死𡃁仔咁，仲衰呀！」
[img]http://static.apple.nextmedia.com/images/apple-photos/apple/20161001/large/01ec1p2.jpg[/img]
【9歲入行】
鄧一君9歲便開始為香港電台拍教育電視。電視圖片
[img]http://static.apple.nextmedia.com/images/apple-photos/apple/20161001/large/01ec1p3.jpg[/img]
【成名電影】
《記得…香蕉成熟時》中飾演的楊醒波，是一君的演藝代表作。
[img]http://static.apple.nextmedia.com/images/apple-photos/apple/20161001/large/01ec1p4.jpg[/img]
【古仔細佬】
一君在劇集《烈火雄心》演古天樂（右）的智障弟弟，二人因合作而成好友。
[img]http://static.apple.nextmedia.com/images/apple-photos/apple/20161001/large/01ec1p6.jpg[/img]
一君熱愛現時工作，揚言不會重返演藝圈拍戲。
[b]「古仔好有義氣」[/b]
一直有傳古天樂是他首名顧客，對此一君不便多說，但表示現時仍有跟古仔聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」
離開演藝圈多年，一君雖然偶爾戲癮發作，但他從沒想過再走演員路。他解釋說：「拍戲始終時間好長好辛苦，同埋都唔想畀人感覺好唔專注、好唔專業。」一君表示當他戲癮發作時，就會跟幾個志同道合的朋友一同拍攝短片來「頂癮」，如六年前他自編自導了一齣約19分鐘微電影，於其社交平台上播放。
採訪：譚倩宜、黃曉妍
[b]【童星出身】曾獲提名最佳新演員[/b]
39歲的鄧一君，9歲便入行，最初替港台拍教育電視，一拍就五年，之後有機會轉到大銀幕發展，首部電影是《縱橫四海》演周潤發童年，當時連哥哥張國榮亦看好他。1993年擔正演《記得…香蕉成熟時》「楊醒波」一角，更令他獲提名94年香港電影金像獎最佳新演員，之後就再有機會拍《記得…香蕉成熟時II初戀情人》、《記得…香蕉成熟時III為你鍾情》等。
除了電影，鄧一君轉行前曾替無線拍劇，包括《美味天王》演歐陽震華徒弟、《烈火雄心》演古天樂的智障細佬及《刑事偵緝檔案》系列等。
[img]http://static.apple.nextmedia.com/images/apple-photos/apple/20161001/large/01gag169-02.jpg[/img]
昔日的香蕉仔鄧一君，現在已是一位財務策劃師。
[img]http://static.apple.nextmedia.com/images/apple-photos/apple/20161001/large/01gag169-03.jpg[/img]
一君指現時的工作，比以前於娛樂圈更有前景。
[img]http://static.apple.nextmedia.com/images/apple-photos/apple/20161001/large/01gag169-04.jpg[/img]
他有二十多名下屬。
[img]http://static.apple.nextmedia.com/images/apple-photos/apple/20161001/large/01gag169-05.jpg[/img]
以前不愛讀書的一君，轉行後再次重回校園，現在已有一個碩士學位。
[img]http://static.apple.nextmedia.com/images/apple-photos/apple/20161001/large/01gag169-06.jpg[/img]
一君跟盧愛倫現時還有KEEP住見面。
[img]http://static.apple.nextmedia.com/images/apple-photos/apple/20161001/large/01gag169-07.jpg[/img]
一君透露盧愛倫現時於投資銀行擔任後勤工作。
from:[url]http://hk.apple.nextmedia.com/entertainment/art/20161001/19787100[/url]
張國榮睇好鄧一君提攜過古仔基仔
哥哥張國榮重情重義，生前好提攜演藝圈嘅後輩，佢曾經講過睇好「雙古一鄧」…究竟「雙古一鄧」係乜水…就係古天樂、古巨基同鄧一君!鄧一君
曾經喺《縱橫四海》演童年版周潤發，於《記得香蕉成熟時》演波仔更為人所知，童星出身嘅鄧一君，9歲就開始拍香港電台嘅教育電視劇，拍《縱橫四海》時，張國榮好欣賞鄧一君，盡力提攜，不過鄧一君天生童顏，多數扮戲中主角嘅弟弟，再唔係就做主角「後生版」，戲路受限制，鄧一君在2005年淡出娛樂圈，轉行做保險。
古天樂
古仔出道時不被睇好，可是哥哥喺吳君如主持電台節目中，大讚古天樂外型喺影視方面有前途，有啲似華仔同城城嘅feel。
張國榮唔只喺節目讚古仔，更親自向導演引薦對方。當年哥哥拍《夜半歌聲》搵過古仔，不過當時無綫唔肯放人，最後個角色畀咗大陸演員黃磊主演「韋青」一角。古仔一直等到95年拍劇集《神鵰俠侶》而爆紅，00年後全身投入影圈大紅。
古巨基
基仔由記者轉行做新人，哥哥曾讚佢唱歌有啲似阿倫，推薦佢畀音樂人識，又教佢好多嘢。基仔喺張國榮逝世十周年紀念音樂會，唱出《由零開始》，講起自己初出碟，一直好感激哥哥對佢嘅鼓勵。
from:[url]http://hk.apple.nextmedia.com/entertainment/art/20161001/19787748[/url]
鄧一君戲裡戲外都係古天樂嘅好兄弟
童星出身嘅鄧一君，雖然係05年退出呢個五光十色嘅演藝圈，但每逢講起他，大家就會諗起：「哦！鄧一君，佢同古天樂好friend㗎嘛！」咁點解鄧一君會同古天樂會成為摯友呢？原因好簡單，亦係好老土嗰隻，就係合作拍劇而成好友囉！
9歲入行拍攝港台節目嘅鄧一君，96年轉投無綫，同剛出道不久嘅古天樂有唔少嘅合作機會。97年佢哋第一部合作嘅劇集係《美味天王》，翌年佢哋再合作《烈火雄心》，當時一君飾演劉海寶，而古仔就係做佢阿哥劉海柏，戲中古仔就悉心照顧智障嘅細佬阿寶，就係咁，佢哋戲裡戲外就成為咗好兄弟喇！
之後佢哋都有好多合作機會，好似《刑事偵緝檔案IV》同《尋秦記》咁！但之後一君就覺得喺娛圈發展唔大，佢曾經接受雜誌專訪講過，唔甘心成世只做人阿仔，宣萱細佬、古天樂細佬同歐陽震華嘅徒弟，毅然咁喺05年退出幕前，轉行做保險，有傳聞古仔仲係佢第一個客仔o添！
from:[url]http://hk.apple.nextmedia.com/entertainment/art/20161001/19787746[/url]
密會《香蕉》初戀盧愛倫
[img]http://static.apple.nextmedia.com/images/apple-photos/apple/20161001/large/01ec1p7.jpg[/img]鄧一君自爆與當年《香蕉成熟時》的初戀情人盧愛倫仍有見面。劇照
電影《記得…香蕉成熟時》中，盧愛倫扮演鄧一君的初戀情人，事隔二十多年，這對初戀情人仍有見面，一君說：「我哋拍完戲之後都keep住係朋友關係，佢𠵱家做緊投資銀行嘅後勤工作。大家都有家庭同小朋友，我哋嘅小朋友仲讀埋同一間小學，所以接放學，或者學校活動都會撞到。」《香蕉II》中，一君周旋於盧愛倫和熟女童愛玲之間，令不少男生妒忌，但一君卻說：「我比較遲熟，細個都係鍾意睇卡通，好少諗女仔，我18、19歲先至拍拖。」
from:[url]http://hk.apple.nextmedia.com/entertainment/art/20161001/19787102[/url]
頁:
[1]
