出爐港姐冠軍撐傘運馮盈盈爆粗鬧梁特「愛之深責之切」
[img]http://static.apple.nextmedia.com/images/apple-photos/apple/20160913/large/13ec1p1.jpg[/img]今屆立法會選舉結果，年輕人議政的勢力抬頭。22歲出爐港姐冠軍馮盈盈（Crystal）原來亦是性情中人，從她的facebook發現，前年她力撐雨傘運動，對反佔中的時任立法會議員和特首梁振英，都不留情面連環爆粗怒罵。昨日馮盈盈出席活動時，承認發表過有關言論，原因是「愛之深，責之切」。
應屆香港小姐三甲前晚誕生，馮盈盈大熱奪冠，亞軍及季軍分別是劉穎鏇和陳雅思。馮盈盈當選後，其facebook即被網民起底，指她在前年雨傘運動期間，不時以極流利的粗言穢語留言，更爆粗鬧特首梁振英，認為她有損港姐的優雅形象。翻看馮盈盈的舊貼文，當年食物及衞生局局長高永文指，沒有數字顯示佔領運動阻礙急救，馮盈盈爆粗鬧梁振英：「𠵱家自己人都撐你唔落，再次X到冇眼睇！」又以「呢個人真係相當有嫌疑」質疑梁特收受澳洲公司回佣一事。
[b]粗口流利順暢[/b]
馮盈盈對建制派的批評更是不遺餘力，特別對鍾樹根、蔣麗芸及葉劉淑儀等的言論，她不留情面以粗口侍候，例如問「全盛時期嘅tree gun（鍾樹根）到底要X幾多鑊先夠？」對於在雨傘運動中，有反佔中阿伯抓向女佔領者胸部，事後阿伯被警員帶離現場了事，馮盈盈感同身受在fb爆粗大罵「X你老X冚家X！條死鹹蟲大大力狂揸落去，個女仔不停喊非禮都唔放手……以後我出街俾人非禮，有曬證人有曬片捉埋個疑犯都唔X洗旨意告得佢入。」
昨日馮盈盈在將軍澳電視城接受傳媒訪問，她直認曾在fb爆粗留言，指當時剛剛考入大學，受到當時整個大學的狂熱氣氛影響，她說：「我係香港土生土長嘅，好關心香港嘅時事，愛之深，責之切，所以特別有強烈嘅情緒，先會有啲較激嘅言論。」她強調自己平時言行絕對不會如此，只是會在比較私人的fb平台上，與最親的朋友抒發情緒，她說：「平時言行，同人日常交往，冇可能講呢啲嘢，女仔都要斯文啲，唔應該講！」
[img]http://static.apple.nextmedia.com/images/apple-photos/apple/20160913/large/13ec1p2.jpg[/img]
【鬧梁振英】
[img]http://static.apple.nextmedia.com/images/apple-photos/apple/20160913/large/13ec1p4.jpg[/img]
【五珠連爆】
馮盈盈前年在fb鬧梁振英，又寸鍾樹根。
[img]http://static.apple.nextmedia.com/images/apple-photos/apple/20160913/large/13ec1p5.jpg[/img]
【寸鍾樹根】
[b]網友撐真性情[/b]
訪問期間，馮盈盈兩次表示以後會小心言論：「經一事長一智，始終畢咗業，個人投身社會，選完港姐成熟咗成長咗，明白到同一件事有好多睇法同真理，要有包容開放心態，總之抱住多啲正能量嘅態度就好！」另她接受無線新聞部訪問時，問到作為港大畢業生，面對早前校委會風波及副校長任命時的衝突，馮盈盈認為要加強雙方溝通：「校委會增加多啲學生代表，採取開明包容嘅態度。」雖然有網友認為講粗口有損港姐形象，有亦有網友力撐「支持Crystal！香港人邊個冇講過粗口？對著不公義有氣憤填膺好出奇？咁都唔嬲一係人渣一係白痴。」
前晚港姐決賽亦公佈香港先生結果，冠軍黎振燁、亞軍丁子朗及季軍鍾君揚。今年港姐觀眾票選，馮盈盈得票為36,679票，對比上屆冠軍麥明詩得票為166,659票，但上年及今年總投票人數都約為23萬人，馮的得票率不像麥明詩般一面倒。
採訪：李森
[img]http://static.apple.nextmedia.com/images/apple-photos/apple/20160913/large/13ec1p3.jpg[/img]
【批評特首】
馮盈盈轉貼《蘋果》新聞後，批評梁振英的言論得罪好多人。
[img]http://static.apple.nextmedia.com/images/apple-photos/apple/20160913/large/13ec1p6.jpg[/img]
馮盈盈揚言是土生土長的香港人，十分關心香港時事。
from:[url]http://hk.apple.nextmedia.com/entertainment/art/20160913/19768696[/url]
【港大校花】玩Cosplay成名
[img]http://static.apple.nextmedia.com/images/apple-photos/apple/20160913/large/13ec1p7.jpg[/img]出爐港姐冠軍馮盈盈現年22歲，中學就讀於寶血會上智英文書院，在2011年考獲香港青年獎勵計劃銀章，翌年獲香港大學取錄，修讀食物及營養學系，今年畢業後參選香港小姐。
馮盈盈於中學開始兼職模特兒，不時以角色扮演造型出席活動，被網民封為「港大校花」及「食營女神」，今年初曾參加《百變美人季》大中華總決賽及亞太區總決賽奪得冠軍。
from:[url]http://hk.apple.nextmedia.com/entertainment/art/20160913/19768700[/url]
馮盈盈認戀十優醫生
[img]http://static.apple.nextmedia.com/images/apple-photos/apple/20160913/large/13ec1p11.jpg[/img]馮盈盈男友現於公立醫院做醫生。
[img]http://static.apple.nextmedia.com/images/apple-photos/apple/20160913/large/13ec1p10.jpg[/img]
馮盈盈強調單身後才與現任男友Martin發展。資料圖片
港姐冠軍馮盈盈前晚戴后冠，昨即被讀者連環爆新歡舊愛起底，馮盈盈舊愛姓呂，被指讀中學時是毒男，只顧讀書不修邊幅冇女朋友，想不到讀港大就追到女仔；至於新歡Martin姓鍾，於名校喇沙書院畢業，更是05年的十優狀元，現於公立醫院做醫生。
對於被踢爆戀情，馮盈盈昨出席活動強調：「兩段感情冇重叠，同之前男友差唔多分手咗成年，先同𠵱家男友發展。」至於有指馮盈盈現時外貌跟以前不同，她笑說：「梗係啦，女大十八變，呢個世上冇醜女人，只有懶女人，我有向朋友偷師，努力按摩、敷面，仲有飲食都注意咗。」
採訪：皓騫
from:[url]http://hk.apple.nextmedia.com/entertainment/art/20160913/19768715[/url]
爆粗港姐奪冠即轉軚
[img]http://static.apple.nextmedia.com/images/apple-photos/apple/20160914/large/14ec2p4.jpg[/img]麥明詩（右）昨為馮盈盈戴后冠，敢言的她力撐粗口是廣東文化。
出爐港姐冠軍馮盈盈當選僅一日，被揭曾在facebook爆粗插建制鬧梁特，結果辣㷫親建制的fb專頁「香港培青社」點名炮轟：「粗口滿天飛，港姐馮盈盈妓女不如！」更號召建制網媒針對馮盈盈，惟不知是否言論過激，「香港培青社」專頁昨暫時被停權。
[img]http://static.apple.nextmedia.com/images/apple-photos/apple/20160914/large/14ec2p7.jpg[/img]
冠軍馮盈盈（右二）、季軍陳雅思（左二）識做地跟贊助商碰杯。
[img]http://static.apple.nextmedia.com/images/apple-photos/apple/20160914/large/14ec2p5new.jpg[/img]
前日香港培青社facebook專頁出帖鬧馮盈盈「妓女不如」，昨日已暫時被停權。互聯網圖片
[b]官腔背稿回應[/b]
馮盈盈昨午到佐敦出席活動，問到有否想過刪fb？她回應傳媒時用字似背稿：「其實自己當選短短兩日，工作已經接踵而嚟，暫時除咗專注工作，爭取多啲時間休息，未有時間處理其他事。」問到被炮轟「妓女不如」，會否覺得好侮辱？在旁的保母即制止，馮盈盈亦乖乖搭嘴：「唔該晒！」公司有否叫不再談政治？她用港姐冠軍口吻說：「同公司有開明坦白溝通，有乜事一早通知佢哋，我哋有好多共識，即使唔使公司提點，自己都明白到當選之後，喺生活上嘅言行舉止更加小心更加注意。」
採訪：皓騫
from:[url]http://hk.apple.nextmedia.com/entertainment/art/20160914/19769814[/url]
頁:
[1]
