洪卓立出騷被睇唔起
[img]http://static.apple.nextmedia.com/images/apple-photos/apple/20160911/large/11ec2p30.jpg[/img]洪卓立昨日在會展出席鄭紹康舉行的活動。
蘇永康鬧爆鄭紹康當年以3,000元侮辱價邀請他出席活動新聞一出，即有圈中藝人在facebook轉載，當中張致恆留言：「買咗大量花生，食完自己種，長食長有啊喂！」有不少人讚蘇永康有型。
[img]http://static.apple.nextmedia.com/images/apple-photos/apple/20160911/large/11ec1p54.jpg[/img]
張致恆亦有關注事件，在fb留言指很快種起花生。互聯網圖片
洪卓立昨日出席鄭紹康在會展舉行的活動，亦有在張致恆的fb做花生友，指憶起當年曾被經理人Mani（霍汶希）臨時召去中環出席活動，他自嘲是「臨時又不紅的演員」，去到活動門口等了近45分鐘，「導演」眼尾都沒有看他一眼：「完全不打招呼，不安排記者拍照，不安排企位甚麼，對白也沒有，當然飯盒也不會有。」最後他與幾位「臨時演員」大膽自行離開。
採訪、攝影：羅慧敏
from:[url]http://hk.apple.nextmedia.com/entertainment/art/20160911/19767062[/url]
立立：鬼門關成日搵我
[img]http://static.apple.nextmedia.com/images/apple-photos/apple/20160912/large/12ec2p9.jpg[/img]洪卓立指女友湯怡學整脆皮斑蘭月餅。
洪卓立與師妹陳凱彤昨日於馬鞍山出席商場活動，洪卓立透露女友湯怡學整月餅：「佢整咗脆皮斑蘭月餅送畀朋友，我都有食。」提到公關鄭紹康跟蘇永康的罵戰引發「公關災難」。洪卓立亦於網上自爆遭對方不禮貌對待，問會否抗拒對方的工作邀請？他笑謂：「唔會，開心都嚟唔切啦，高興嘅，天下第一關喎，鬼門關就成日搵我箒。」他稱不覺得不受尊重，反而更會爭氣做好自己。
對於前晚洪卓立出席鄭紹康籌辦的活動，他說：「我唔會問邊間搞，做好自己就得，而且係主辦搵我。」至於他已刪文，問是否怕麻煩？他說：「過咗去啦，而且我一向唔鍾意麻煩。」
採訪、攝影：盧妹
from:[url]http://hk.apple.nextmedia.com/entertainment/art/20160912/19767811[/url]
洪卓立匿廁所做訪問
[img]http://static.apple.nextmedia.com/images/apple-photos/apple/20160930/large/30ec5p2.jpg[/img]洪卓立同女友湯怡前晚喺尖沙嘴睇《深海浩劫》首映，洪卓立指女友最怕睇鬼片，但都有協調方法：「等一班朋友上嚟屋企時先睇，有次做電台電話訪問分享靈異經歷，因為佢喺身邊，惟有匿入廁所講。」
洪卓立又笑話會睇AV片，不過係講緊影音嘅AV。問湯怡會否介意男友睇三級片？佢就話：「三級片有好多類型，血腥、靈異片都可以係三級，至於色情片種就未睇過佢有睇。」
撰文：馮仁昭
from:[url]http://hk.apple.nextmedia.com/entertainment/art/20160930/19785933[/url]
炮製黃腳鱲夠親切洪卓立自嘲鹹魚博翻身
[img]http://static.apple.nextmedia.com/images/apple-photos/apple/20170727/large/27ec4p2a.jpg[/img]洪卓立製成品由主持「表妹」幫手試味。
【我一個人煮】多次被網民惡搞誤傳死訊的洪卓立，今年三十而立身壯力健，日前為《蘋果》新欄目《我一個人煮》學整吊命菜式「法式紙包黃腳鱲」，他鬼馬說：「阿鱲爺，如果你今年冇死嘅話，你幾多歲？今日我哋煮法式紙包洪卓立。」
廚藝一般的立立，面對這味紙包魚都算應付自如，身旁主持提他幫魚搽鹽調味，要像對女友湯怡般溫柔，立立卻得戚說：「我對佢（女友）唔溫柔喎！」雖然切洋葱和薑時都忘記去皮，但立立仍嘴硬說：「冇所謂㗎，煮嘢食邊有啱同錯，等於煮意粉係咪要過冷河，你覺得好食咪得囉。」
[img]http://static.apple.nextmedia.com/images/apple-photos/apple/20170727/large/27ec4p3a.jpg[/img]
洪卓立廚藝一般，但總算應付自如。
[img]http://static.apple.nextmedia.com/images/apple-photos/apple/20170727/large/27ec4p1a.jpg[/img]
洪卓立和湯怡拍拖多年感情穩定。互聯網圖片
[b]薛家燕都叫錯[/b]
提到他曾被薛家燕叫錯「黃腳鱲」，立立自言不介意：「其實都覺得幾好笑，中學花名都係叫黃腳鱲，幾親切。」對於屢被誤傳死訊，更被稱為「洪卓立之亂」，他說：「幾有創意，呢啲惡搞要好幽默先諗到，開頭梗係唔太開心，生勾勾好人好姐，大吉利是咩，最大影響係阿媽，佢到𠵱家都接受唔到，覺得係個仔得罪人！」
無限復活的洪卓立，09年患肺積水真的死過翻生，他說：「留院個幾月，嗰時係絕望，打定輸數唔會做番呢行，就算自己想繼續唱歌，公司未必會擺資源喺我度。當我鼓起勇氣出番嚟唱歌，就有人話我死咗，落井下石，嗰下真係好唔開心，係咪乞人憎到咁呢！」
今年是立立出道10周年，他表示雖沒具體成就，但來多次也會選擇相同的路，能做自己喜歡的工作，認識到現任女友，從沒想過要來當歌神：「我係一條鹹魚，𠵱家時勢唔係個個歌手都可以出碟，如果可以希望做到40歲。」
採訪：皓騫
攝影：仇志德
場地提供：Kohler Kitchens
鳴謝：H&M Home
[b]法式紙包黃腳鱲製作步驟[/b]
[img]http://static.apple.nextmedia.com/images/apple-photos/apple/20170727/large/27ec4p20a.jpg[/img]
[b]1.切後調味[/b]
於魚身斜切後調味，並將檸檬片、薑片、蒜片放入魚肚。
[img]http://static.apple.nextmedia.com/images/apple-photos/apple/20170727/large/27ec4p21a.jpg[/img]
[b]2.放檸薑蒜[/b]
每個斜切口放入檸檬、薑和蒜，灑上牛油粒，再把番茄、紅椒放旁邊。
[img]http://static.apple.nextmedia.com/images/apple-photos/apple/20170727/large/27ec4p22a.jpg[/img]
[b]3.焗後成品[/b]
用牛油紙包實，放入預熱190℃的焗爐，焗17至23分鐘。
from:[url]http://hk.apple.nextmedia.com/entertainment/art/20170727/20102415[/url]
頁:
[1]
