邵仲衡喜新人攻立會
[img]http://static.apple.nextmedia.com/images/apple-photos/apple/20160906/large/06ec1p32.jpg[/img]邵仲衡昨寄語新出爐的立法會議員能為香港做好事。
邵仲衡、林雅詩和林俊賢等，昨晚在北角出席聯歡晚會，立法會選舉昨日完成點票，對於選舉結果，邵仲衡說：「好滿意，見到新人類、新諗法入議會，對香港係好。」邵仲衡寄語年輕一代議員跟資深議員一齊為香港做好事。邵仲衡談到馬逢國連任，他說：「佢有佢好處，佢同內地關係好，大家唔好逢中必反，唔好睇到簡體字就反枱，今時今日嘅香港人要睇透徹啲。」
[img]http://static.apple.nextmedia.com/images/apple-photos/apple/20160906/large/06ec1p33.jpg[/img]
林雅詩昨晚穿上低胸裙，大騷身材。
另外，林俊賢表示希望開電影做製片人，問到會否預囡囡林鈺洧演出？他說：「要睇角色，應做就做。」是否不准性感？林俊賢說：「佢21歲仲細，𠵱家尺度都好大，唔好賣弄性感。」
採訪：黃曉妍
攝影：仇志德
from:[url]http://hk.apple.nextmedia.com/entertainment/art/20160906/19761487[/url]
邵仲衡搞Gag
[img]http://static.apple.nextmedia.com/images/apple-photos/apple/20161031/large/31ec4p1.jpg[/img]蘇麗珊日前在中環拍攝新片《逆向誘拐》，會在片中專責收兵。
蘇麗珊、邵仲衡、吳肇軒、朱鑑然、王敏德跟張雪芹等，日前在中環贊善里為新晉導演黃浩然的電影《逆向誘拐》開工兼拍攝海報，現實中與游學修甩拖的蘇麗珊，會在片中全力收兵。
[img]http://static.apple.nextmedia.com/images/apple-photos/apple/20161031/large/31ec4p4.jpg[/img]
（左起）王敏德、張雪芹及邵仲衡三位好戲之人都有份演出《逆向誘拐》。
[b]邵仲衡演神探[/b]
蘇麗珊在片場顯得較文靜，不用埋位時，跟工作人員坐在一旁，聽導演講解拍攝情況。到埋位時才跟身邊的舊拍檔、合作過《哪一天我們會飛》的吳肇軒閒話家常。「大佬孝」邵仲衡在片中飾演神探，他很融入後生仔的世界，不時跟蘇麗珊傾偈，又搞爛gag令大家開懷大笑。影海報時，因為蘇麗珊和吳肇軒要跪在前排，工作人員細心地準備拖鞋及外套，讓她可以較舒服及不會走光。
邵仲衡在電視劇《大時代》的黑社會形象深入民心，今次轉行當差，他說：「世界難撈去當差，我演一個查案好叻，但明顯性格有障礙嘅督察，有啲神化囉。」並透露故事改編自日本得獎推理小說，因此故事節奏較明快，而且頗卡通化，他說：「你見到蘇麗珊、吳肇軒、朱鑑然佢哋嘅造型都好漫畫。」自《點對點》後再同導演黃浩然合作，他認為新導演有很多新想法，鏡位跟技術亦有創新構想。
[img]http://static.apple.nextmedia.com/images/apple-photos/apple/20161031/large/31ec4p2new.jpg[/img]
蘇麗珊、朱鑑然和吳肇軒結片緣，日前拉隊拍攝《逆》片海報。
[img]http://static.apple.nextmedia.com/images/apple-photos/apple/20161031/large/31ec4p3.jpg[/img]
吳肇軒（右）似乎被單車考起，要工作人員出手幫忙。
[img]http://static.apple.nextmedia.com/images/apple-photos/apple/20161031/large/31ec4p6.jpg[/img]
蘇麗珊的舊愛游學修日前玩網上直播，表示有好多禮物收。
[b]反映金融體系[/b]
朱鑑然透露跟蘇麗珊剛合作完網劇《無間道》，他說：「今次難得有好多前輩同場，有大佬孝、王敏德，學到好多嘢。」吳肇軒表示不少演藝學院同學都有參與，感覺像返學多過返工。據知蘇麗珊會在《逆》片專責收兵，軒仔和然仔都是她旗下兵源。
《逆》片故事講述跨國投資銀行收到勒索電郵，要三日內交出贖金。由於要求贖金少，加上很多古怪指示令人困惑，於是銀行暗中調查，反映出現今金融體系狀況，以及這世代變成網絡年代，跟以往世代的分歧。
採訪：王連連
攝影：陳俊強
from:[url]http://hk.apple.nextmedia.com/entertainment/art/20161031/19817392[/url]
邵仲衡床戲笑陳豪
[img]http://static.apple.nextmedia.com/images/apple-photos/apple/20161107/large/07ec5p4a.jpg[/img]邵仲衡近日同女神蘇麗珊參演黃浩然執導電影《逆向誘拐》，邵仲衡扮性格神化嘅神探，劇情交代佢調查電腦程式員泰臣，仲去到泰臣入住嘅酒店式公寓搜證，向公寓經理陳豪攞料，呢幕陳豪仲坐喺床上，邵仲衡噚日大搞爛gag：「溫馨嘅床戲，好感動。」邵仲衡話前年同陳豪一齊合作過都係黃浩然執導嘅電影《點對點》：「今次再合作，大家有微妙感情。」
撰文：馮仁昭
from:[url]http://hk.apple.nextmedia.com/entertainment/art/20161107/19824833[/url]
邵仲衡爭取皇都列古蹟
[img]http://static.apple.nextmedia.com/images/apple-photos/apple/20161210/large/10ec3p8e.jpg[/img]邵仲衡早前拍片支持保留北角皇都戲院。資料圖片
導演陳果、曾江、邵仲衡及作家沈西城等早前應活現香港邀請，拍片支持保留北角皇都戲院，昨日古物諮詢委員會決定，將皇都由原本的三級提升為一級歷史建築。邵仲衡昨日接受電話訪時表示已收到消息，下一步是令皇都列為法定古蹟，才可免於被拆的命運，他說：「雖然一級都可以有機會被拆，點都好過唔上（一級），至少𠵱家係一種肯定先。」
邵仲衡大學時期在北角居住，認為皇都的龍骨頂設計好獨特：「真係拆一件少一件，冇咗就冇咗，拆咗佢起過幢商業大廈或者商場仲有意思？」
採訪：何永寧
from:[url]http://hk.apple.nextmedia.com/entertainment/art/20161210/19860525[/url]
邵仲衡赴英再拍ViuTV
[img]http://static.apple.nextmedia.com/images/apple-photos/apple/20170615/large/15ec2p16e.jpg[/img]邵仲衡昨日對於《詭探》收視理想感興奮，更指將會與陳奕迅合拍新劇。
ViuTV昨日於將軍澳舉行劇集《詭探》祝捷會，演員邵仲衡、尹揚明、蔣祖曼及趙碩之等均有出席，同場宣佈ViuTV開拍另外十齣不同種類電視劇，當中有科幻劇《藍橘子》、荒誕系列《賤民20》、校園系列《教束》及音樂劇《短暫的婚姻》等。
[img]http://static.apple.nextmedia.com/images/apple-photos/apple/20170615/large/15ec2p17e.jpg[/img]
蔣祖曼昨自爆在劇中食生牛肉一幕是以吞拿魚代替。
邵仲衡對《詭探》收視理想感到喜出望外，隨後他會參與《短暫的婚姻》演出，他說：「我唔係唱歌，會同Eason（陳奕迅）同場，佢係一個好有想法嘅歌手，到時會去英國拍外景。」蔣祖曼日前於劇中食生牛肉惹迴響，實際她是用吞拿魚代替，她說：「用生牛肉拍攝時，我問導演可唔可以舔，導演指牛肉放太耐怕唔乾淨，聞到真係好腥。」
採訪：張俊銘
攝影：陳慧安
from:[url]http://hk.apple.nextmedia.com/entertainment/art/20170615/20056016[/url]
邵仲衡怕死嗌愛國
[img]http://static.apple.nextmedia.com/images/apple-photos/apple/20170701/large/01ec4p13a.jpg[/img]邵仲衡主演的ViuTV電視劇《詭探》下周大結局，昨日他在商台宣傳，表示在內地熱播，所以有好多內地廣告、電影找他。問他平日在facebook都不時講政治，邵仲衡自嘲最怕死：「講得嘅我會講，講愛國，我就最愛國，中國人梗係望中國好㗎啦，不過佢錯唔通你跟咩？總之收到嘅消息要自己分析吓，講啱嘅嘢就得㗎啦。」
from:[url]http://hk.apple.nextmedia.com/entertainment/art/20170701/20074534[/url]
邵仲衡林保怡世紀重逢
[img]http://static.apple.nextmedia.com/images/apple-photos/apple/20170704/large/04ec2p24e.jpg[/img]林保怡（左）前晚在北角與家人晚飯時，碰到《大時代》的拍檔邵仲衡。
邵仲衡前晚於facebook上載與林保怡合照，指ViuTV網上版與電視版《瑪嘉烈與大衛》兩個大衛相遇，但不少網民就覺得是《大時代》的陳滔滔與丁孝蟹世紀重逢，保怡昨說：「噚晚我同屋企人去北角食飯，啱啱撞到佢，我真係好耐冇見佢。」
此外，由邵仲衡主演的ViuTV劇集《詭探》將於本周進入結局篇，劇情講述香港邪教組織發動恐怖襲擊，楊偲泳於是做卧底信徒潛入邪教基地。其後邵仲衡等趕到基地拯救楊偲泳等同伴，可惜她已被教主殺害。至於尹揚明為做警隊一哥，不惜殘害同門師兄弟，踏上邪道，而邵仲衡亦被邪教人所害，背上罪名被迫逃亡。
採訪：非非、魯吉
from:[url]http://hk.apple.nextmedia.com/entertainment/art/20170704/20077769[/url]
邵仲衡爆青雲撬劉美娟
[img]http://static.apple.nextmedia.com/images/apple-photos/apple/20170806/large/06ec2p13.jpg[/img]邵仲衡（小圖）暗指當年青雲力追其女友劉美娟。資料圖片
邵仲衡日前接受商台節目《1圈圈星光背後》訪問，再被問到與劉青雲不咬弦舊聞。早前爆出青雲撬邵仲衡牆腳，外間一直以為是郭藹明，其實是與邵仲衡拍拖十年的劉美娟，邵仲衡說：「當時電視台安排我哋去馬來西亞登台，大家原本有講有笑，但突然有一天佢嘅態度完全轉變，我就feel到有古怪。然後同女朋友呻吓，先知道原來佢經常喺我女朋友屋企樓下等，係想追我女朋友。」不過他表示二人分手是感情自然死亡。
邵仲衡亦跟邱淑貞拍過拖，還自爆當年被狠飛：「佢參加香港小姐，見識咗另一個世界，然後大家走唔同嘅路，大家唔啱傾就冇得傾㗎啦！」
撰文：楊定
from:[url]http://hk.apple.nextmedia.com/entertainment/art/20170806/20112726[/url]
邵仲衡茅山擺陣焗驅魔飯
[img]http://static.apple.nextmedia.com/images/apple-photos/apple/20170813/large/13ec3p1e.jpg[/img]邵仲衡平日是住家男，廚藝了得，日前示範特色竹筒飯。
【我一個人煮】邵仲衡早前在ViuTV劇集《詭探》飾演茅山師傅司馬至全，備受讚賞，茅山師傅懂得用糯米扶乩，而邵仲衡就用糯米變美食，他日前為本報的《我一個人煮》示範「全哥茅山驅魔棺材糯米飯」。原來邵仲衡廚藝了得，他表示自幼獲媽咪傳授秘技，他亦熱愛下廚，早年在英國居住時，他還做住家男，為妻兒炮製美食，看到家人吃到津津有味就最開心。
[img]http://static.apple.nextmedia.com/images/apple-photos/apple/20170813/large/13ec3p2e.jpg[/img]
邵仲衡把蛋皮和冬菇等逐一切細備用。
[img]http://static.apple.nextmedia.com/images/apple-photos/apple/20170813/large/13ec3p5e.jpg[/img]
在竹筒飯放已煎好的蛋皮加上茄汁，就如同兩道符在棺材上一樣。
[b]拆肉起膏[/b]
當日示範時，邵仲衡即茅山師傅上身，在廚房開壇，他提醒要一份糯米配一份半水浸過夜，然後隔水把糯米蒸熟，同時把蟹拆肉起膏，將蒸熟糯米放蟹肉、蛋絲、冬菇、葱粒和辣椒粒等拌勻，再釀入竹筒並放入焗爐。竹筒如同棺材，焗好蟹飯後，再在飯面放兩片已煎好的蛋皮，上面加茄汁，就如同兩道符，十分別緻。
[b]影印生活[/b]
邵仲衡笑指演員做戲如影印生活，在《詭探》中擅茅山術，他說：「老實講，一開頭我都係得啖笑，我覺得茅山術同其他學說一樣，可以流傳咁多百年，或者千年，一定有佢價值喺度，如果唔係好快啲人講完就冇咗。」他表示拍攝時有跟正牌茅山師傅學手印，又即場教大家如撞邪時，不妨將中指與食指交叉相叠變成一把劍，然後集中精神，就可以將邪氣趕走，但他同時提醒不可亂做。
採訪：君喬
攝影：仇志德
場地提供：Kohler Kitchens
鳴謝：H&M Home
[b]茅山驅魔棺材糯米飯製作步驟[/b]
1.將糯米浸過夜後，隔水落鍋蒸兩小時。
[img]http://static.apple.nextmedia.com/images/apple-photos/apple/20170813/large/13ec3p3e.jpg[/img]
2.其間把蟹拆肉起膏，蛋絲、冬菇等材料切粒，煎蛋皮後切長方形備用。
[img]http://static.apple.nextmedia.com/images/apple-photos/apple/20170813/large/13ec3p4e.jpg[/img]
3.蒸熟後把已切粒的材料加入及調味料拌勻，然後釀入竹筒內。
4.竹筒冚蓋放入已預熱180度的焗爐，焗大約20分鐘。最後在飯面放蛋皮及用茄汁畫符作裝飾。
from:[url]http://hk.apple.nextmedia.com/entertainment/art/20170813/20119640[/url]
頁:
[1]
