重量級盛女起雙飛盧覓雪驚嚇一樓一谷胸誘周柏豪
[img]http://static.apple.nextmedia.com/images/apple-photos/apple/20160903/large/03ec1p1.jpg[/img]經常四處覓食的重量級盛女盧覓雪，繼前年在電影《金雞SSS》跟型男古天樂接吻後，近日又在新片《西謊極落之來自太空艙的你》奉旨攬仔，在戲中飾演一樓一鳳姐。日前雪雪穿上火辣小背心襯短褲仔，在上海街唐樓拉客，她谷胸又趷籮，更大擺誘人甫士吸引周柏豪和林敏驄注意，認真重口味！
在《國產凌凌漆》中飾演一樓一陀地的李健仁固然令人一見難忘，想不到54歲重量級盛女盧覓雪扮演的一樓一原來亦睇頭十足。一向愛演搞笑角色的雪雪，近日在新片《西謊極落之來自太空艙的你》扮演一樓一鳳姐，日前她穿上小背心襯短褲仔拉客，谷胸趷籮大擺誘人甫士，「噴血」程度爆燈，連不少在唐樓居住的公公婆婆，上落樓梯時見到雪雪一身惹火造型也大感驚訝。
[b]見小鮮肉起痰[/b]
雪雪日前與周柏豪、林敏驄在旺角上海街一唐樓拍攝《西》片，雪雪露出粉紅bra帶，所穿的白色短褲更疑似沒有打底露出黑影，惹人諸般遐想。未埋位時，雪雪叉著腰靠在門口自吹自擂說：「我擺到明係做鳳姐啦，呢個格局，擺明係我主場！好嘢嚟喇，大波少婦同蕭翠蓮，其實學生妹都得，作為客人嘅，畀你揀！」
當日劇情講述周柏豪被林敏驄強行拉上樓光顧一樓一，身為鳳姐的雪雪一見小鮮肉周柏豪即流口水，狂扯他入屋，嚇得周柏豪誓死反抗，雙方因而展開激烈拉扯。停機後，三人大講有味笑話，引得現場工作人員哈哈大笑，而大合照期間，林敏驄更隔空扮摸雪雪的胸部，雪雪不但不介意，更伸脷回應，相當搞鬼。
[img]http://static.apple.nextmedia.com/images/apple-photos/apple/20160903/large/03ec1p2.jpg[/img]
盧覓雪一見小鮮肉周柏豪（左）即流口水狂扯對方入屋。
[img]http://static.apple.nextmedia.com/images/apple-photos/apple/20160903/large/03ec1p3.jpg[/img]
合照時林敏驄隔空扮摸雪雪的胸部扮鬼扮馬，周柏豪則一臉拘謹。
[b]短褲仔透黑影[/b]
對於短褲仔疑似沒有打底露出黑影，雪雪日前在電話中哈哈大笑否認：「嘩！我收利是價咋，你估我係湯唯呀？我客串之嘛，就係嗰日一場戲，為乜我要咁犧牲色相？我梗係有著打底褲啦，肉色嗰隻呀！」
[img]http://static.apple.nextmedia.com/images/apple-photos/apple/20160903/large/03ec1p4.jpg[/img]
盧覓雪笑言自己並非湯唯（圖），拍戲毋須犧牲色相。《色，戒》劇照
記者指她谷胸上陣，雪雪笑謂：「我本身都有啲料嘅，咁嗰日都有加建咗，戴咗nude bra，所以咪更加勁囉！」雪雪指今次電影之所以能夠打動她，全因一個林敏驄，她說：「我識咗阿驄好耐啦，佢好笑嘛，一直想同佢拍戲，嗰日拍戲，阿驄同柏豪上嚟撳鐘，咁我做一樓一嘛，見到兩個客仲唔發達？起雙飛喎，點知原來佢哋係混吉白撞嘅！」
有份參與演出的周柏豪則以短訊回應說：「其實喺戲裡面我本身唔係一個嫖客，我係俾林敏驄錯誤地拉去，但呢場戲實在太搞笑，林敏驄嘅爆肚對白同盧覓雪嘅搞笑演技令我喺呢場戲被比下去。十分之欣賞盧覓雪，佢總為觀眾帶來娛樂同亮點，已經唔係第一次同佢合作。」
採訪、攝影：徐錦池、潘冠恩
[b]【小說改編】太空艙租客百態[/b]
電影《西謊極落之來自太空艙的你》改編自向西村上春樹的小說《西謊極落》，劇情講述四位主角住進24平方呎的太空艙型公寓。
租客阿明（張繼聰飾）為和女友Jenny（鄭欣宜飾）好好做愛，搬出太空艙；網絡打手子軒（周柏豪飾）為省錢早日結婚，騙女友韻怡（連詩雅飾）說自己會去紐約打工，實際卻搬入太空艙，在那裡認識了蠱惑仔阿鋒（蔡瀚億飾）、揚言出獄後重新做人的瑞昌（林盛斌飾）及在太空艙開設骨灰龕生意的阿成（林敏驄飾），發展出四段科幻的無樓族愛情故事。
from:[url]http://hk.apple.nextmedia.com/entertainment/art/20160903/19758144[/url]
周柏豪扮龍馬甩毛
[img]http://static.apple.nextmedia.com/images/apple-photos/apple/20160911/large/11ec3p5.jpg[/img]周柏豪與眾人扮演《西遊記》人物。
周柏豪、林敏驄、蔡瀚億（BabyJohn）、陳詩慧和林盛斌（Bob）前晚在西貢拍攝電影《西謊極落之太爆太子太空艙》，眾人以全白衣造型亮相，扮演「西遊記」人物。林敏驄扮唐三藏，柏豪扮龍馬，BabyJohn扮孫悟空、陳詩慧扮觀音，Bob扮沙僧。柏豪因毛衣不停甩毛，令身和鼻都感到痕癢，他透露戲中有驚險場面，要吊威也，雖然有畏高，但會盡力做。
至於演觀音的陳詩慧說：「工作人員提醒我要放慢動作，說話溫文啲，唔可以講粗口，懷住慈悲嘅心，我本身都有慈悲心，不過最慘係頭頂要紮住個髻，搞到個頭好重，都幾辛苦㗎。」
採訪、攝影：王連連
from:[url]http://hk.apple.nextmedia.com/entertainment/art/20160911/19766911[/url]
盧覓雪演Stephy新戲
[img]http://static.apple.nextmedia.com/images/apple-photos/apple/20161005/large/05ec4p1.jpg[/img]盧覓雪（Michelle）早排幫香港傷殘青年協會拍咗條短片，要佢坐住輪椅出入屋邨街市同商場，體驗坐輪椅人士嘅生活不便。Michelle噚日出席短片發佈活動時話，自從數碼電台執笠後，做多咗慈善工作同電影。繼早前為電影客串做「一樓一」後，亦拍咗葉念琛嘅新戲，佢話：「呢套係同Stephy（鄧麗欣）合作，之前同佢合作係十年前嘅《內衣少女》。」
撰文：馮仁昭
from:[url]http://hk.apple.nextmedia.com/entertainment/art/20161005/19790936[/url]
頁:
[1]
