鄭欣宜攬仔當姊妹
[img]http://static.apple.nextmedia.com/images/apple-photos/apple/20160902/large/02ec5p12newa.jpg[/img]鄭欣宜（Joyce）聯同香港田徑代表呂麗瑤，昨日去到尖沙嘴出席「gudetama Lazy Walk懶懶行2016」記者會，宣傳下月10日於科學園舉行的運動日。Joyce指自己在家很懶惰，她說：「我可以到夜晚7點都係著住前一晚嘅睡衣，又唔去洗面，可以完全唔出街。」
對於Joyce日前發佈攬實一名外籍男性朋友面貼面的合照，Joyce否認對方是男朋友，她說：「唔係追求者，佢係鍾意男仔嘅，我哋係好姊妹。」Joyce早前拍攝一輯靚相，將於九展舉行的演唱會展示，問到Joyce有否比堅尼造型，她笑說：「我唔會咁益你哋，留番紅館先。」
採訪、攝影：張俊銘
from:[url]http://hk.apple.nextmedia.com/entertainment/art/20160902/19756945[/url]
欣宜演唱會高舉雪糕
[img]http://static.apple.nextmedia.com/images/apple-photos/apple/20160904/large/04ec4p9.jpg[/img]欣宜影演唱會海報，咬飲筒食雪糕玩味十足。
鄭欣宜加入樂壇6年，今年推出的主打歌《女神》，MV在網上點擊超過420萬，反應理想，欣宜的經理人公司乘勢為她舉行首次個唱，將於下月21及22日假九展舉行兩場「鄭欣宜女神有問題演唱會2016」。
欣宜日前穿上黑衣影演唱會海報，概念玩味十足，她戴上黑超口咬探熱針及咬飲筒，又啜手指，高舉雪糕當火炬扮自由女神。欣宜表示個唱名可以解說為「我有問題想問」及「我好有問題」兩個意思，所以構思舉手姿勢：「自從《女神》出街之後，好多fans送自由女神像畀我，我將火炬變成雪糕，想幽默感啲，大家一齊開開心心。」
撰文：陳以晴
from:[url]http://hk.apple.nextmedia.com/entertainment/art/20160904/19759161[/url]
欣宜入紙紅館開騷
[img]http://static.apple.nextmedia.com/images/apple-photos/apple/20160915/large/15ec4p3.jpg[/img]鄭欣宜噚日到黃竹坑宣傳下月21、22號喺九展舉行嘅演唱會，老闆蕭定一決定幫佢入紙申請明年紅館檔期，欣宜興奮話：「我根本唔夠膽諗紅館，今次已經當正係紅館。」開騷前會唔會收吓身？佢話：「冇咁諗喎，入場都唔expect睇到我瘦同身材好。」會唔會請張學友做嘉賓？欣宜賣關子話：「兩場都有好特別嘅嘉賓，係我好欣賞同敬佩。」佢仲話已經叫咗爸爸鄭少秋一定要去捧場。
撰文：馮仁昭
馮仁昭
from:[url]http://hk.apple.nextmedia.com/entertainment/art/20160915/19770837[/url]
欣宜三首歌照開騷
[img]http://static.apple.nextmedia.com/images/apple-photos/apple/20160922/large/22ec4p1.jpg[/img]入行八年出咗四張碟嘅欣宜，終於等到機會開騷。攝影：沈健程
入行八年嘅鄭欣宜，終於等到機會開騷，於下月假Star Hall舉行兩場「女神有問題演唱會」，日前佢喺中環接受專訪，解釋個唱個名有意思：「一個係我有問題想問，另一個係我有問題存在，恐懼係其中之一，我好驚停留一個位置，唔再成長唔再進步！」
吳業坤被網友笑出兩隻碟就踩上紅館，其實欣宜都只係出咗四隻碟，佢又夠唔夠歌呢？欣宜話：「其實冇歌都可以做演唱會，睇你想做啲乜同擺幾多心機，原來我plug過嘅歌都有二十幾首，但hit嘅得三首！Wow，OK嘅，我都會唱吓其他人嘅歌。」
[img]http://static.apple.nextmedia.com/images/apple-photos/apple/20160922/large/22ec4p2.jpg[/img]
欣宜話好驚停留一個位置，唔再成長唔再進步。
[img]http://static.apple.nextmedia.com/images/apple-photos/apple/20160922/large/22ec4p3.jpg[/img]
欣宜試過直踩五十粒鐘冇瞓，覺得冇嘢做先係捱。
[b]屋企等工作[/b]
新歌《女神》爆紅造就欣宜開騷，佢感慨話：「因為呢首歌，大家覺得我係好堅強好樂觀嘅人，其實我都會有唔開心、迷茫、困難時期，之前直踩五十個鐘冇瞓，我覺得自己好叻呀，點解可以唔瞓嘅，我座右銘係船到橋頭自然直，煮到埋嚟就要食，覺得冇嘢做先係捱，試過喺屋企成日等工作，望唔到前路，諗住放棄做呢行，好在冇放棄，否則唔會有自己舞台。」
欣宜話𠵱家心情未識緊張，好興奮好期待：「八年呢段時間唔可以話長，但絕對唔係短，我嘅青春已經擺晒呢行，無論點我都要殺一鋪，我唔係唱歌真係最好聽，亦唔係跳舞最好睇，但我絕對保證一定用盡力去做。」
撰文：馮仁昭
化妝：Samuel@江中平化妝室
髮型：Milk Chan@Xenter
場地提供：Spark Bar& Restaurant
from:[url]http://hk.apple.nextmedia.com/entertainment/art/20160922/19777577[/url]
欣宜跳急流怕死
[img]http://static.apple.nextmedia.com/images/apple-photos/apple/20160923/large/23ec4p3.jpg[/img]鄭欣宜（左）及岑麗香（右二）在大馬拍攝電影，親身上陣越過急流。
鄭欣宜（Joyce）、何佩瑜（Jeana）同岑麗香早前在大馬拍電影《辣警霸王花》，眾人接受特訓如跳入急流、攀吊索、野外定向等。欣宜飾演慳妹霸王花，心地善良但輪盡，戲中的她不慎跌入急流，其他隊友即跳落河營救，眾人親身上陣。
欣宜為了呢場戲喊：「我記得嗰日仲係我生日正日，我個角色好輪盡，跳入急流嗰場戲係最驚，臨跳嗰吓我喊咗，我未結婚又未生仔，好多嘢未做，唔想死呀！其實導演同監製好好，有預備替身畀我，點知個替身好細粒，我高佢半個頭、大佢兩個碼，我就覺得我冇理由咁樣去呃人，因為呢個替身係冇可能似我，惟有自己跳。」
撰文：唐如
from:[url]http://hk.apple.nextmedia.com/entertainment/art/20160923/19778682[/url]
欣宜音樂會嘉賓保密
[img]http://static.apple.nextmedia.com/images/apple-photos/apple/20161015/large/15ec5p4.jpg[/img]鄭欣宜昨日到商台宣傳，還有一星期便開音樂會的她，心情已經開始緊張起來，加上最近密集式的排舞及練歌，令晚上難以入睡。有傳張學友及父親鄭少秋會擔任表演嘉賓，欣宜表示：「唔講住，總之佢哋都係我好尊重嘅歌手，大家到時睇會有驚喜。」問她會否請許廷鏗再在台上獻吻，她說：「佢一定要嚟睇，會畀好多飛吻。」
from:[url]http://hk.apple.nextmedia.com/entertainment/art/20161015/19801200[/url]
欣宜怕走光要求加布
[img]http://static.apple.nextmedia.com/images/apple-photos/apple/20161017/large/17ec2p1.jpg[/img]欣宜表示初戀男友由加拿大來港，支持她開騷。
鄭欣宜前晚在九龍灣為即將在九展舉行「鄭欣宜女神有問題演唱會2016」進行綵排，她透露以全女班舞蹈員演出，不乏貼身舞及誘人動作，她笑說：「Stylist計設嘅舞衣似泳衣，但演出太多擘髀動作，噚晚終於忍唔住講『我嗰度好怕醜，要加多少少布』。」
欣宜表示沒有刻意減肥，問會否有特別環節獻給媽媽沈殿霞？欣宜說：「我講同做嘅每一件事都係想令父母感到驕傲，今次初戀男友都會由加拿大飛返嚟睇，日前send跳舞片畀佢，佢都話『auntie睇到會好開心』，我又喊。」記者笑欣宜如果邀請所有前男友，是否坐爆場？欣宜哈哈笑謂：「太畀面我嘞。」鄭少秋亦特意買飛及每日煲靚湯支持愛女。
採訪：盧妹
攝影：陳俊強
from:[url]http://hk.apple.nextmedia.com/entertainment/art/20161017/19802821[/url]
欣宜處女騷今明繼續唱
[img]http://static.apple.nextmedia.com/images/apple-photos/apple/20161022/large/22ec2p1e.jpg[/img]鄭欣宜拿着黃色海馬剪紙，就個唱改期向粉絲道歉。互聯網圖片
鄭欣宜原定昨晚在九展匯星舉行音樂會，因颱風海馬吹正，8號風球高掛決定取消，主辦單位星娛樂昨日早上宣佈改期至明日（23日）。今次係欣宜的處女個唱，她在facebook上載短片向粉絲道歉，其中她拿着一張黃色海馬剪紙，帶點失望表示：「其實我噚晚仲係好堅持，我唔介意自己一個人企喺個台上唱歌，不過場館規定8號風球係冇人開門，聽晚個騷會繼續，今晚個騷會延期到23號舉行，到時攞住今晚張飛可以入場。」
欣宜更帶點哽咽表示，有專誠飛來香港睇騷的粉絲因航班問題未到港，希望她們星期日能夠趕到，之後她平復心情笑言：「我唔會唔開心，貴人招風雨嘛，我會努力休息，排吓舞步，記吓歌詞。」
撰文：唐如
from:[url]http://hk.apple.nextmedia.com/entertainment/art/20161022/19808322[/url]
頁:
[1]
