宋芝齡黐已婚執行董事戴情侶手鈪當街啜
記得香港剛吹起「韓」風嗰陣，成日見到宋芝齡出現喺公仔箱，識韓語嘅宋芝齡主力訪問韓星，自1996年參選港姐入行，喺大台撈咗多年發展平平，現時少咗見佢喺幕前演出。昨日有週刊爆37歲宋芝齡去咗辦韓語學校，又開過韓式餐廳，做女強人之餘，亦搵到個已婚HMV集團執行董事何智恆，早前陪男友去半島開餐，當時何智恆手上仍戴住婚戒。
據報導指，宋芝齡半年前同何智恆撻著，男方做過律師行合夥，家住西半山，日前二人戴住情侶手鈪行又一城，行完家品店，就一齊去買雪糕，一杯兩份食，何智恆又出手掃宋芝齡玉背，食完行行嚇，何智恆更突然咀咗宋芝齡一啖，不過見在場有記者影相，何智恆就即急步走人。
報導問過宋芝齡，佢直認知男方已婚，認為大家係成年人，一定清楚先行埋，而何智恆亦認與宋芝齡拍拖，稱同老婆已分居幾個月，問題存在咗一段時間，但就話宋芝齡絕對唔係第三者，唔想宋芝齡被標籤。
from:[url]http://hk.apple.nextmedia.com/entertainment/art/20160901/19755718[/url]
頁:
[1]
