陳法拉男友曾任外交官
[img]http://static.apple.nextmedia.com/images/apple-photos/apple/20160825/large/25ec3p6.jpg[/img]陳法拉與Neway大少薛世恆離婚3年，約滿大台後去紐約修讀戲劇碩士課程，上月則返港與男神黃子華合演35場舞台劇《前度》。昨日有報導指法拉感情有新開始，識了法國男友叫Emmanuel Straschnov，於哈佛畢業，曾任法國駐日外交官，熱愛中國文化而講得一口流利普通話，更改中文名司馬諾，現主力創辦電腦程式Bubble。有指二人經朋友介紹撻著半年，早前二人被影到前後腳上機，同機飛紐約。
此外，法拉前夫薛世恆一直希望復合，雖然已有拍拖5個月的圈外女友，不過低調處理扮單身，博前妻會回心轉意。本報昨日有向法拉瞭解，但截稿前仍未聯絡得上。
撰文：唐如
from:[url]http://hk.apple.nextmedia.com/entertainment/art/20160825/19748408[/url]
法拉巴黎念家人
[img]http://static.apple.nextmedia.com/images/apple-photos/apple/20160910/large/10ec5p3.jpg[/img]女神陳法拉早前跟男神黃子華完成舞台劇《前度》演出，獲得一致好評，電視台都希望她回巢拍劇，而她的前夫薛世恆亦希望復合，不過法拉決心完成在美國攻讀的演藝課程。雖然有指她跟前法國駐日外交官司馬諾拍拖，不過在法拉心目中最重要的應該都是家人。昨日她在微博上載在巴黎遊船河照片，寫着「無論在哪裏，最寶貴的是和家人在一起的時間」。
from:[url]http://hk.apple.nextmedia.com/entertainment/art/20160910/19765948[/url]
陳法拉返學孭Tory Burch新袋做書包
早前回港和黃子華演出舞台劇《前度》的陳法拉，最近又回到美國繼續享受校園生活。日前法拉又po新相，話畀大家知佢已經開學兩星期，相中的她孭了一個Tory Burch新款Gemini Link手袋，袋面以兩個金色鏈節環環相扣起來，設計低調時尚，而且容量甚大，用來做書包就合適不過。時尚達人Sammi亦有同過同款手袋，不過就愛高調，揀用拼色款式。from:[url]http://hk.apple.nextmedia.com/entertainment/art/20160923/19778898[/url]
法拉爆母割胸硬塊
[img]http://static.apple.nextmedia.com/images/apple-photos/apple/20160926/large/26ec3p4.jpg[/img]陳法拉（右）透露母親曾生良性瘤。
陳法拉應邀為香港癌症基金會擔任「粉紅大使」，今年已是連續第三年獲邀請，她將關注乳癌的健康訊息帶給全港婦女。法拉早前趁留港期間，聯同癌症基金會義工們與一班乳癌康復者相聚，一邊細聽她們的抗癌經歷，一邊製作手工書籤，互相交流健康生活心得。
在聚會其間，法拉透露母親也一度發現乳房有異常狀況：「我4、5歲時，媽咪自己檢查到胸部疑有硬塊，經醫生檢查後要進行切除手術，手術後一直定期監察，至今冇復發。我哋都十分慶幸發現得早，硬塊屬良性瘤，唔係惡性。」但經此一役後，法拉經常提醒女性除了要自我檢查外，亦要定期進行全身檢查。
撰文：鍾國仁
from:[url]http://hk.apple.nextmedia.com/entertainment/art/20160926/19781780[/url]
法拉畫眼袋扮阿婆
[img]http://static.apple.nextmedia.com/images/apple-photos/apple/20160930/large/30ec5p4.jpg[/img]陳法拉離開無綫去咗紐約茱莉亞學院（The Juilliard School）修讀戲劇碩士課程，轉眼已經3年，啱啱個暑假受黃子華邀請，返咗香港開24場舞台劇《前度》，男神女神同台演出，場場爆滿。佢上個月底已返去紐約繼續進修，噚日喺Instagram上載咗張新相，見佢戴咗個白色假髮，仲化咗個老妝，留言話：「我自己畫的舞台老妝，點個讚給我吧，哈哈哈！」相片所見法拉呢個妝有個好大嘅眼袋，兩邊面瘦晒，仲有少少老人斑，但係依然皮光玉滑，睇嚟佢好享受呢個學習過程。
撰文：馮仁昭
from:[url]http://hk.apple.nextmedia.com/entertainment/art/20160930/19785924[/url]
法拉戴假髮變大媽
[img]http://static.apple.nextmedia.com/images/apple-photos/apple/20161212/large/12ec2p51a.jpg[/img]陳法拉離港赴美進修，唔經唔覺已踏入第三年，早排趁假期返港同黃子華合演舞台劇，搵學費後又再返紐約，繼續讀戲劇碩士課程。雖然人唔喺香港，但佢都經常喺facebook更新近況。
繼早前貼咗老人化妝同傷痕纍纍嘅相後，噚日法拉又放咗條化緊妝嘅新片，自己有出手畫嘴唇，之後就有髮型師幫佢整個大媽造型，話自己化身零太太。
撰文：馮仁昭
from:[url]http://hk.apple.nextmedia.com/entertainment/art/20161212/19862330[/url]
暑假搵學費法拉拍戲押後結婚
[img]http://static.apple.nextmedia.com/images/apple-photos/apple/20170619/large/19ec3p1.jpg[/img]法拉表示家人見過男友，但結婚要等吓。
陳法拉昨日與黎耀祥、黃偉文（Wyman）在圓方出席電影《壞蛋獎門人3》（Despicable Me3）首映禮，他們為該片做廣東話配音。法拉趁美國學校暑假，回流返港工作搵錢，早前落機後便直接到錄音室，結果要經過適應期才錄得出對白，又笑言暑假回港還債，主要出席活動和拍廣告。
[b]廣東話退步[/b]
法拉透露早前隨一隊美國攝製隊到家鄉四川，她說：「拍攝內容介紹成都，已經有五至六年冇返去，變化好大，我哋仲周圍去搵好嘢食同食辣嘢。我仍然識得講四川話，反而廣東話有少少生銹，所以我入錄音室要到第三日先至講得好啲。」
這次四川行，法拉表示法國男友Emmanuel Straschnov（司馬諾）未有同行：「佢一路都想去，有機會會一齊去，一路都返學，冇時間去旅行，仲有一年就畢業，屋企人都見過男友，我每個學期會有兩個話劇，屋企人都會嚟支持。」記者笑問法拉是否畢業便結婚？她說：「讀得咁辛苦梗係出嚟拍吓戲先，我讀咗四年，終於可大派用場，𠵱家同男友互相了解，想相處吓先。」
[img]http://static.apple.nextmedia.com/images/apple-photos/apple/20170619/large/19ec3p2.jpg[/img]
與法拉、祥仔（右二）出席首映的Wyman（左一），表示是自薦為電影配音。
[img]http://static.apple.nextmedia.com/images/apple-photos/apple/20170619/large/19ec3p3.jpg[/img]
祥仔的兒子在外國讀書，他表示不介意外籍新抱。
[b]祥仔讚兒子[/b]
黎耀祥昨出席宣傳後，晚上即返內地工作，昨日父親節，囝囝卻到了日本旅行，祥仔說：「佢有短訊同我講父親節快樂，有冇表示就睇佢去日本有乜嘢收穫，不過咪又係我啲錢，好彩佢都識得衡量，應買則買，價值觀OK。」兒子在外國留學，更已拍拖，女友是舊同學卻非洋妞，祥仔說：「要睇佢本事。不過外國女仔都OK，幾光宗耀祖，促進國際交流，黎家幾難得有個外籍新抱，威晒，我不嬲都好開通，最緊要佢開心，做人係平等冇分種族。」。
採訪：卓寶花
攝影：陳順禎
from:[url]http://hk.apple.nextmedia.com/entertainment/art/20170619/20060448[/url]
法拉執導邀老友義演
[img]http://static.apple.nextmedia.com/images/apple-photos/apple/20170623/large/23ec3p1e.jpg[/img]陳法拉最近自編自導自演微電影。
陳法拉與歐鎧淳昨日到尖沙嘴出席「Weekend Max Mara x保護動物慈善協會」活動，法拉最近自編自導自演一部微電影，她說：「前日諗住開始拍，點知落大雨，真係萬事起頭難，今次會喺香港同紐約拍，仲拍咗好多膞頭，會搵大家識嘅人演出，佢哋都係義演，要享受同學習製作過程。」法拉指電影是小本製作，只預5位數字成本，至於會否找老師奇雲史帕西（Kevin Spacey）演出？法拉賣關子說：「可能，最好啦！」
[img]http://static.apple.nextmedia.com/images/apple-photos/apple/20170623/large/23ec3p2e.jpg[/img]
歐鎧淳（右二）寫了萬字講運動生涯，宣佈將於書展出書。
另外，歐鎧淳宣佈書展出書，她說：「未必有泳衣，今次係生活化，講自己嘅運動生涯，寫咗5萬字。」
採訪：羅慧敏
攝影：仇志德
from:[url]http://hk.apple.nextmedia.com/entertainment/art/20170623/20065405[/url]
陳法拉敏之敍舊喪玩
[img]http://static.apple.nextmedia.com/images/apple-photos/apple/20170627/large/27ec2p50.jpg[/img]陳法拉難得返港，相約《東西宮略》一班舊拍檔見面。微博圖片
陳法拉近年在美國進修，閒時有假期都會返港，由於她很念舊情，與《東西宮略》一班演員感情要好，所以前晚他們相約食飯，出席者有陳敏之、阮小儀、呂慧儀與兒子Anton、郭晉安和女兒郭以雅，不過就未見陳敏之的兒子「雷冬至」，以及郭晉安的兒子現身。
[img]http://static.apple.nextmedia.com/images/apple-photos/apple/20170627/large/27ec2p51.jpg[/img]
陳敏之湊小朋友有一手，和郭晉安囡囡及呂慧儀囝囝打成一片。微博圖片
陳敏之昨早在微博上載了多張飯局的合照，其中一張相更拍下Anton扮鬼臉，十分可愛，敏之留言道：「我們又相聚了！這份友誼從一起拍《東西宮略》開始，看着大家一起成長、拍拖、結婚、生小孩，每次聚會都越來越多人了！」未知陳法拉與法籍外交官男友何時好事近呢？
撰文：黃曉妍
from:[url]http://hk.apple.nextmedia.com/entertainment/art/20170627/20069581[/url]
法拉新戲劇本離地
[img]http://static.apple.nextmedia.com/images/apple-photos/apple/20170629/large/29ec5p4a.jpg[/img]陳法拉原定大前晚飛上海出席首飾展，不過當晚所有去上海嘅航班延誤，甚至取消。為咗唔想影響活動，法拉立即坐飛機先到寧波，再坐三個鐘車到上海。前晚喺活動上，法拉所戴嘅頸鏈，靈感源自印第安人圖案。
近日忙於自編自導自演微電影嘅法拉，話新戲係「暑期功課」，故事內容比較奇幻同離地，除咗自己做女主角，仲搵咗合作過嘅資深男藝人幫手。
撰文：馮仁昭
from:[url]http://hk.apple.nextmedia.com/entertainment/art/20170629/20071909[/url]
法拉視王浩信係兄弟
[img]http://static.apple.nextmedia.com/images/apple-photos/apple/20170706/large/06ec2p15.jpg[/img]陳法拉透露跟男友感情穩定，結婚計劃則隨緣。
陳法拉昨晚在尖沙嘴出席一航空公司新航線啟航酒會，對於請男演員幫手，拍攝自資的短片，法拉說：「主角係擅演爸爸角色嘅前輩，冇搵王浩信，佢係拍檔、好兄弟，我哋冇拍過拖。」有報道指法拉用完贍養費，要返無綫拍劇索價6萬元一集，她笑說：「都係作古仔，做學生冇錢要使，之前都儲咗婆仔錢。」她透露跟拍拖一年的男友感情穩定，結婚計劃則隨緣。
至於宋熙年因老公陳智燊拍照時舉起3隻手指，被解讀成「一家三口」，笑言是美麗的誤會，她說：「完全諗錯晒，媽咪仲send埋news畀我，仲提我就算係都唔可以講住。」
採訪：羅慧敏
攝影：葉君海
from:[url]http://hk.apple.nextmedia.com/entertainment/art/20170706/20079957[/url]
回復單身更精采法拉做學生妹釣法籍型男
家陣呢個世代，離婚是平常事，雖然曾經失敗過，但回復單身後嘅生活，絕對可以更精采！好似近排成為城中熱話嘅蔡卓妍（Sa）咁，佢同鄭中基06年秘婚，到10年離婚嗰日至爆大鑊，喺記者會上兩個喊到眼紅紅咁。兩人分道揚鑣後冇乜機會同場，但各有各精采，鄭中基就娶咗有線前主播余詩敏，婚後育有一子一女，而阿Sa呢，雖然仍然保持單身，但繼「的士陳」之後，近日同「麻將館大王」太子爺石恆聰（Anthony）熱戀，佢以一句「o依家好開心」嚟默認，又被《蘋果》讀者影到佢哋蜜遊東京，sweet到漏！
至於選美出身，曾獲選2005年華姐亞軍嘅陳法拉，喺06年嫁畀Neway太子爺薛世恆，但婚姻維持至13年告終，離婚後嘅法拉繼續發展演藝事業，但佢約滿大台之後，疊埋心水去美國紐約進修，仲入讀著名學府茱莉亞學院嘅戲劇碩士課程，舊年一度返港，孖住男神黃子華演舞台劇《前度》，舊年仲有報道指佢喺朋友介紹下，識咗個曾任法國駐日外交官EMMANUEL STRASCHNOV，而法拉為咗保護呢段戀情，決心低調處理。
昔日「寶麗金小花」黎瑞恩（小恩子）於02年嫁俾金利來三少曾智明，婚後退出娛樂圈專心相夫教子，可惜兩人婚姻疑因男方包養小三而劃上句號。14年小恩子回復單身，喺舊唱片公司同事邀約，加上女兒支持下，再踏入錄音室，舊年更正式復出，得閒做吓演唱會嘉賓，早前更以投資者身份，投資落林敏驄作品展；另一方面，佢仲要照顧一對仔女。
from:[url]http://hk.apple.nextmedia.com/entertainment/art/20170713/20088207[/url]
陳法拉全力追求夢想
[img]http://static.apple.nextmedia.com/images/apple-photos/apple/20170801/large/01ec3p15.jpg[/img]陳法拉表示美麗不受年齡所限。
陳法拉最近應護膚品牌邀請由美國回港拍攝最新廣告短片，短片中她用自己的故事，演繹無齡無懼美麗新觀念，鼓勵大家勇於做自己喜歡的事，不要被年齡或環境所限制。影片中，法拉於周末時在寂靜的辦公室內，一個人獨自上班，生活感到枯燥乏味，於是就在這瞬間讓她覺得更要追尋自己多年來的夢想，放下事業，遠赴美國求學。
「活在當下」是法拉的人生座右銘，對於生活態度，她有着一份勇於堅持、永不放棄的精神。法拉又認為青春是一種態度，不應被年齡數字定義人生和自己的美麗！當遇到恐懼時，她常常會提醒自己不要想太多，只要用心付出時間，不卻步勇於嘗試，最終必定可看見理想的成果。
撰文：鍾國仁
from:[url]http://hk.apple.nextmedia.com/entertainment/art/20170801/20107646[/url]
陳法拉回鄉憶往事
[img]http://static.apple.nextmedia.com/images/apple-photos/apple/20170823/large/23ec2p10e.jpg[/img]陳法拉重遊故鄉成都，憶起許多兒時往事。
陳法拉早前為VS Media返回故鄉成都拍攝「迷人的中國」旅遊系列，已有五年沒回鄉的法拉，今次遊走大街小巷，許多兒時回憶也湧上心頭，她說：「有日經過望江公園，嗰度係我父母成日提起嘅拍拖地方。」而當地的川菜火鍋更是她的至愛，她笑說：「我喺美國讀書時成日都好掛住，簡直係日思夜想，小食糖畫亦係至愛，細個放學時都會買嚟食。」
撰文：葉綠悠
from:[url]http://hk.apple.nextmedia.com/entertainment/art/20170823/20129516[/url]
頁:
[1]
2
