鍾鎮濤阿B收阮大勇珍貴初稿
[img]http://static.apple.nextmedia.com/images/apple-photos/apple/20160813/large/13ec4p8.jpg[/img]鍾鎮濤（阿B）昨午到灣仔欣賞海報師阮大勇（左）舉行的「50年作品展」，阿B坦言跟阮大師不是認識了很長時間，是透過許冠文的囝囝認識對方，不過阿B相當欣賞對方的作品，他還表示很高興收到大師所送贈的80年代邵氏電影《青蛙王子》海報設計初稿，的確十分珍貴。之後阿B就趕住紅館，準備為昨晚舉行的「向雪懷一生中最愛作品演唱會」做嘉賓。
from:[url]http://hk.apple.nextmedia.com/entertainment/art/20160813/19734157[/url]
【爆相爆片】鍾鎮濤三女面試爭演出
[img]http://static.apple.nextmedia.com/images/apple-photos/apple/20160903/large/03ec1p21.jpg[/img]范姜日前帶着三個囡囡參加節目面試。
鍾鎮濤（B哥哥）和范姜所生的囡囡鍾懿及鍾幗，盡得父親遺傳，對音樂方面相當有興趣，現年12歲的鍾懿已有豐富演出經驗，更訂立目標要在16歲舉行個人音樂會，妹妹鍾幗亦受感染立志做歌手。
日前讀者劉小姐透過本報「爆相爆片」，分享在尖沙嘴朗廷酒店遇見范姜帶着繼女鍾嘉晴、鍾懿及鍾幗參加一個由Premiere舉辦的試鏡，如果成功過關，她們可以參與Disney Channel節目演出。劉小姐說：「等候期間佢哋好安靜，成個過程大約兩個幾鐘，有劇本畀佢哋即場試戲，之後B哥哥嚟接佢哋一齊離開。」劉小姐續謂：「呢個面試報咗名就一定有得interview，有啲人會被即時foul，有啲人會收到一個folder，裏面有指示畀大家上網查核有冇複試。」
採訪：唐琛悠
[img]http://static.apple.nextmedia.com/images/apple-photos/apple/20160903/large/03ec1p20.jpg[/img]
面試後，鍾鎮濤現身接家人離開。讀者提供圖片
from:[url]http://hk.apple.nextmedia.com/entertainment/art/20160903/19758175[/url]
阿B擬巡迴唱披頭四
[img]http://static.apple.nextmedia.com/images/apple-photos/apple/20161007/large/07ec2p13.jpg[/img]鍾鎮濤（中）和鄧梓峰（右）昨晚首度夾band開音樂會。
鍾鎮濤（阿B）和鄧梓峰同是英國經典樂隊披頭四（The Beatles）粉絲，他們昨晚在銅鑼灣一間餐廳大搞「Meet The Old Boy」音樂會，夾band大唱披頭四經典金曲，范姜、關之琳、葉童、陳欣健、許鞍華和岑建勳等撐場。
鄧梓峰表示為撮合這件事，準備了足足二十年，他笑言：「我敷咗100個mask，打咗30支botox，由細準備到大。」過去三個月，他們各自在家練習，阿B說：「范姜聽到太嘈，佢話會去shopping先。」鄧梓峰謂老婆嫌嘈也會掩耳。這次算處男合作夾band開騷，阿B說：「出唱片其次，傾巡迴可能性大啲，披頭四各地都有好多fans鍾意佢哋啲歌。」他們昨出騷的造型並沒有模仿披頭四。阿B說：「披頭四嘅歌好正面，可以傳承落去，𠵱家好多歌有f字頭嘅字，唔係咁好。」
採訪、攝影：王連連
from:[url]http://hk.apple.nextmedia.com/entertainment/art/20161007/19793110[/url]
阿B預告明年開騷
[img]http://static.apple.nextmedia.com/images/apple-photos/apple/20161027/large/27ec2p17.jpg[/img]鍾鎮濤昨日獲頒音樂成就大獎，並透露明年會開紅館個唱。
鍾鎮濤（阿B）、Dear Jane和王灝兒（JW）等昨日在灣仔出席「2016 Cash金帆音樂獎」記者會，阿B獲頒音樂成就大獎，他打算明年推出發燒碟及開紅館個唱。他透露人生有三十件事想做，問他可會恨抱孫？他說：「唔好咁快，阿仔叻啲先，如果唔係就我養埋喇。」
同場的JW對有份入圍感開心，問到最近傳其好友何超蓮與方力申拍拖，但小方又被影到跟其他女人約會，JW說：「由頭到尾佢同超蓮都唔係一齊，超蓮係單身，通常都係一班朋友玩。」
採訪：王連連
攝影：陳慧安
from:[url]http://hk.apple.nextmedia.com/entertainment/art/20161027/19812981[/url]
鍾鎮濤爆囡囡上台緊張
[img]http://static.apple.nextmedia.com/images/apple-photos/apple/20161101/large/01ec2p10.jpg[/img]鍾鎮濤昨日帶囡囡鍾懿出席音樂晚會。
鍾鎮濤昨日帶囡囡鍾懿，與周汶錡在粉嶺出席佛教安老院舉行的音樂晚會。鍾鎮濤父女在台上獻唱，他事後受訪問時笑言囡囡有點緊張：「佢上大台反而冇事，去細場比較緊張，囡囡好有心，放棄今晚萬聖節去玩。」他表示原本要去練歌，準備今晚出席CASH的頒獎禮，不過覺得為老人家獻唱更有意義，所以到場。
此外，周汶錡早前貼上囝囝Jacques扮木乃伊的照片，引來不少人大讚BB可愛，她透露用了5卷繃帶。當日有一段小插曲，她說：「嗰日紮繃帶想幫手指止血，因為佢走去搞爸爸嘅剃鬚刀搞到流血，最後都止唔到血，要去醫院。」
採訪、攝影：馬華
from:[url]http://hk.apple.nextmedia.com/entertainment/art/20161101/19818374[/url]
阿B孖鍾懿嘆牛腩
[img]http://static.apple.nextmedia.com/images/apple-photos/apple/20161111/large/11ec4p6.jpg[/img]鍾鎮濤（阿B）日前同囡囡鍾懿去中環九記嘆牛腩麵，兩父女揀咗坐近門口位置，其間有食客要求阿B合照，佢有求必應。鍾懿就耷低頭撳電話，阿B柯打完食物，佢都玩埋一份，鍾懿又叫爸爸一齊睇，當食物送上，鍾懿都好乖，放低手機趁熱食，兩父女食完就走。
撰文：馮仁昭
from:[url]http://hk.apple.nextmedia.com/entertainment/art/20161111/19829727[/url]
阿B發燒碟預蝕本
[img]http://static.apple.nextmedia.com/images/apple-photos/apple/20170630/large/30ec5p16a.jpg[/img]鍾鎮濤（阿B）下個月中推出翻唱自己經典作品嘅發燒碟《A Better Bee》，噚日喺尖沙嘴舉行新碟試聽會，首播同葉童合作嘅《一段情》、《要是有緣》MV，而《閃閃星辰》就搵囡囡鍾懿合唱。
今次製作費好高，阿B話預冇錢賺：「希望唔好太貴啦，有啲成過百萬㗎，以前有小朋友就唔敢玩Hi-Fi，怕佢哋隻手篤吓篤吓篤爛喇叭。」
撰文：馮仁昭
from:[url]http://hk.apple.nextmedia.com/entertainment/art/20170630/20073181[/url]
鍾鎮濤爆細女呷醋
[img]http://static.apple.nextmedia.com/images/apple-photos/apple/20170704/large/04ec2p26.jpg[/img]鍾鎮濤（阿B）噚日去商台宣傳月中推出嘅黑膠發燒碟，首次以微電影方式做宣傳，阿B大讚有創意。今次佢同囡囡鍾㦤翻唱《閃閃星辰》，仲已經拍好MV，佢計劃再問囡囡有冇興趣拍微電影，「唔知佢肯唔肯，之前拍MV時被蚊咬到飛起，等佢知道老竇搵錢辛苦。」
原來細女鍾幗有時會呷醋點解家姐可以演出，阿B話：「睇吓有冇機會，佢冇鍾懿唱得咁有職業水準。」
撰文：馮仁昭
from:[url]http://hk.apple.nextmedia.com/entertainment/art/20170704/20077715[/url]
攻完內地回歸香港出碟阿B人生經驗腔寸飆高音
[img]http://static.apple.nextmedia.com/images/apple-photos/apple/20170721/large/21ec3p1e.jpg[/img]鍾鎮濤自言是香港人，要回歸出Hi-Fi碟，報答香港歌迷。
【《蘋果》專訪】現年64歲鍾鎮濤（阿B）的人生大起大跌，經歷了跟前妻章小蕙的失敗婚姻、欠債逾兩億宣佈破產，衰到盡頭的他，多年前轉戰內地掘金絕處逢生，最近再戰樂壇出Hi-Fi碟《a better bee》翻唱金曲，日前阿B在北角接受本報專訪，他說：「內地工作多到做唔晒，呢樣幾感恩，到𠵱家都可以揀工作做。我已經有呢個市場，唔通唔去呀！」
已有五年沒出廣東碟的阿B宣佈：「回歸香港啦，我成日想搵機會為香港fans做番啲嘢，自己係香港人，但登台拍戲都係內地多，呢張Hi-Fi碟唔做唔得，一直都係自己願望，唱法加咗人生經驗，唔係飆高音嗰啲嘢。」前陣子林敏驄於紅館舉行作品展，當年曾為阿B寫hit歌《香腸蚊帳機關槍》及《淚之旅》，但卻不見阿B做嘉賓？他解釋：「因為我喺內地拍緊網劇《尋人大師》，我要搵食冇辦法，已經簽咗約。」
娶了台灣人范姜做第二任妻子的阿B，訪問當日自備台灣水飲用，他說：「我去台灣好鍾意飲珍珠奶茶，但飲完成日惹痰，飲呢個水就通番喉嚨，所以飲水都有選擇性，如果唔保護會失聲，以前食住支煙都喺度唱歌，𠵱家戒咗煙，身體叫你唔好再食，唔止喉嚨痛，把聲啞晒。」
[img]http://static.apple.nextmedia.com/images/apple-photos/apple/20170721/large/21ec3p2e.jpg[/img]
近日阿B在內地拍網劇《尋人大師》。劇照
[img]http://static.apple.nextmedia.com/images/apple-photos/apple/20170721/large/21ec3p3e.jpg[/img]
阿B的22歲大女嘉晴不時在微博貼相晒近況。
[b]唔想囡囡拍拖[/b]
年過60的阿B保養得宜，他說：「做運動要持之以恒，同埋我戒咗雞皮，已經唔記得乜味。」他的大女鍾嘉晴已22歲，跟其他星二代一樣活躍於社交網晒相，問到嘉晴有否拍拖？阿B說：「以前佢都識過男朋友，puppy love嗰啲，但最好就唔好識啦，陪住我，如果識到男仔幫佢睇睇，唔好古靈精怪嗰啲。」
採訪：余燕儀
攝影：陳順禎
化妝：ninayeh
場地提供：港島海逸君綽酒店
from:[url]http://hk.apple.nextmedia.com/entertainment/art/20170721/20096162[/url]
阮大勇西班牙捧獎
[img]http://static.apple.nextmedia.com/images/apple-photos/apple/20170726/large/26ec5p20.jpg[/img]當年以人手畫海報畫出彩虹嘅阮大勇老師，早前應許冠文囝囝許思維邀請，拍咗套紀錄片《海報師》。近日邀參加西班牙舉行嘅巴塞羅那維克電影節，許思維同阮老師出席，仲贏埋「評審團大獎」（Premi del jurat）。思維噚日接受電話訪問，佢話：「西班牙人好鍾意香港電影，特別喺70、80年代嘅電影，特別喺老師畫嘅《半斤八両》同《李小龍》海報。」阮老師好鍾意巴塞，仲話下世要做西班牙人喎。
撰文：馮仁昭
from:[url]http://hk.apple.nextmedia.com/entertainment/art/20170726/20101329[/url]
鍾鎮濤跟囡囡聽歌
[img]http://static.apple.nextmedia.com/images/apple-photos/apple/20170813/large/13ec1p51.jpg[/img]鍾鎮濤大讚囡囡鍾懿唱歌不俗。
鍾鎮濤（阿B）昨日到灣仔影音展舉行HiFi碟試聽會，更與女兒鍾懿在台上合唱，他笑指女兒現時是少女，有點怕醜。阿B笑謂：「佢手都有少少出汗。」他大讚女兒唱歌不俗，聲音響亮但不刺耳，錄音時監製亦大讚：「錄嗰陣我都緊張，會話吓佢，點知監製叫我唔好話佢。」
鍾懿坦言有意當歌手，但會先完成學業，阿B指現時暑假可以盡情玩：「佢聲準、耳仔又好，不過係咪做專業歌手又係另一回事。我𠵱家都係跟佢聽歌，佢叫我聽Justin Bieber，我叫番佢聽Maroon5。」至於會否再開演唱會？阿B表示隨緣，又指HiFi碟反應不俗，黑膠版未正式推出已翻單。
採訪、攝影：盧妹
from:[url]http://hk.apple.nextmedia.com/entertainment/art/20170813/20119764[/url]
頁:
[1]
