吳鎮宇讚阿佘佘詩曼樣靚身材正
[img]http://static.apple.nextmedia.com/images/apple-photos/apple/20160810/large/10ec2p10.jpg[/img]吳鎮宇前晚出席首映，表示片中和佘詩曼有感情戲。
[img]http://static.apple.nextmedia.com/images/apple-photos/apple/20160810/large/10ec2p11.jpg[/img]
對於《使徒行者》籌拍電視劇續集，阿佘和許紹雄都各有看法。
吳鎮宇、古天樂、張家輝、佘詩曼、韓星Clara等前晚在又一城出席電影《使徒行者》首映禮，Clara以Deep V晚裝搶鏡，其間阿佘被迫到台邊變配角。吳鎮宇表示跟阿佘有少少感情戲，笑指阿佘樣靚身材正，張家輝即刻插嘴說：「我哋唔怕韓國襲擊嘅，支持本地。」提到近日大陸實施「禁韓令」，Clara指題目敏感，不知如何回應。
另外，阿佘和許紹雄早前接受本報專訪，對於《使徒行者》籌拍電視劇續集：阿佘說：「我諗要睇嚇個劇本，如果要好過之前電視劇，又要再好過今次劇本，先至係最緊要。」許紹雄說：「開拍續集係好事，但據我所知都係唔齊人，其次冇咗我，都會好好多。搵張家輝拍？佢會唔會睬你呀？拍劇咁辛苦。」
採訪：黃曉妍、張俊銘
攝影：沈健程
from:[url]http://hk.apple.nextmedia.com/entertainment/art/20160810/19729728[/url]
鎮宇改劇本益張家輝
[img]http://static.apple.nextmedia.com/images/apple-photos/apple/20160812/large/12ec4p6a.jpg[/img]張家輝和吳鎮宇給了不少意見修改劇本。
吳鎮宇和張家輝早前為主演的電影《使徒行者》宣傳，接受有線節目《電影蒙太奇》訪問時，他們都表示非常喜歡《使》片劇本，因此提出不少更改情節的意見，家輝說：「睇完初稿有啲想法，就搵導演傾傾，不過我只係改咗自己嘅部份，當然唔敢亂改鎮宇同古仔嗰啲啦！」鎮宇笑言：「我係有改劇本呀，加多咗兩場戲畀家輝演，不過片酬不變。」二人又大讚擔任動作導演的錢嘉樂認真，家輝指：「以為受巴西個環境影響，槍戰場面會單調啲，點知帶齊重型裝備出發，駁火場面好刺激。」他們在巴西取景時，所有槍械都要嚴密檢查，以防混合真槍在內就大件事。
撰文：李森
from:[url]http://hk.apple.nextmedia.com/entertainment/art/20160812/19732446[/url]
鎮宇新戲驚動警出盾牌
[img]http://static.apple.nextmedia.com/images/apple-photos/apple/20160823/large/23ec5p30.jpg[/img]吳鎮宇（小圖）同吳志雄（大佬B）噚日喺銅鑼灣駱克道拍新戲《費曼的夏天》，傍晚6點左右，鎮宇未到場，約50個臨時演員等拍戲，不過可能太多人嘅關係，有市民以為真係黑社會打交，仲報埋警，兩部警車去到現場，警方仲拎埋盾牌，不過知係拍戲之後就離開。呢場戲係講大佬B叫百幾個兄弟衝，場面好震撼。
撰文：馮仁昭
from:[url]http://hk.apple.nextmedia.com/entertainment/art/20160823/19746443[/url]
阿佘票房報捷謀添食
[img]http://static.apple.nextmedia.com/images/apple-photos/apple/20160903/large/03ec2p1a.jpg[/img]佘詩曼好開心《使徒行者》得到觀眾支持。
電影《使徒行者》在中、港、星、馬上映後，錄得總票房逾七億，前晚老闆林建岳，導演文偉鴻及一眾演員吳鎮宇、古天樂、張家輝、佘詩曼和許紹雄等出席在尖沙嘴舉行答謝宴，阿佘說：「希望可以開續集，好似都傾緊，好開心，最緊要都係得觀眾支持。」
票房報捷古天樂和張家輝被問到會否加價，古仔表示會交由經理人處理，家輝說：「片酬永遠唔係個人嘅事，始終係商業世界嘅一盤生意，人哋覺得你值得幾錢就畀你。」最近內地演員被點名指片酬過高，古仔小心避談，他重申：「所以我交畀經理人處理。」有指周迅被點名片酬逾億，古仔說：「除咗我個人嘅嘢之外，其他人嘅事都唔回應喇。」對於七億票房，吳鎮宇說：「一啲都唔興奮，因為應該起碼十幾億先至啱，𠵱家得七億。」
採訪：張俊銘
攝影：陳俊強
from:[url]http://hk.apple.nextmedia.com/entertainment/art/20160903/19758086[/url]
吳鎮宇做Sammi嘉賓
[img]http://static.apple.nextmedia.com/images/apple-photos/apple/20160921/large/21ec4p5.jpg[/img]吳鎮宇早前喺旺角拍新片《費曼的夏天》，拍嗰陣遇到好多麻煩，有人到場收陀地，又有人高空擲物，最後要勞煩差人到場處理。噚日一早鎮宇喺網上放咗剃度出家嘅相，地點喺柬埔寨嘅吳哥窟。睇真啲個頭似係頭套，問返經理人話鎮宇只係繼續拍佢套新片。
據知鎮宇嚟緊會返港有秘密任務，幫鄭秀文嘅演唱會做嘉賓，唔知到時佢會上台唱歌，定好似老友黃子華咁，即場表演棟篤笑。
撰文：馮仁昭
from:[url]http://hk.apple.nextmedia.com/entertainment/art/20160921/19776547[/url]
阿佘入得廚房多人追
[img]http://static.apple.nextmedia.com/images/apple-photos/apple/20161016/large/16ec2p6e.jpg[/img]佘詩曼表示未有問過母親便登記器官捐贈，認為施比受更有福。
佘詩曼昨日在中環出席「器官捐贈活動」，同場還有食物及衞生局局長高永文、港鐵主席馬時亨等。阿佘透露去年已登記器官捐贈，她認為施比受更有福。問到佘媽是否已知情？她說：「冇得到佢同意，但我登記之後，有講畀屋企人知道。」
阿佘表示每年都有身體檢查，雖然體重不太標準、有點低血壓，但其他功能都好好。講到阿佘最近在內地真人騷做廚神，她透露自己有鑽研健康食譜，盡量食得健康。懂下廚是否多追求者？她笑說：「不嬲都多，死都要咁講。」有沒有煮給誰人品嚐？她說：「我班姊妹、圈外朋友，最拿手係整避風塘炒蝦。」
採訪、攝影：黃曉妍
from:[url]http://hk.apple.nextmedia.com/entertainment/art/20161016/19801978[/url]
鎮宇攜子撐東京電影節
[img]http://static.apple.nextmedia.com/images/apple-photos/apple/20161026/large/26ec2p20.jpg[/img]吳鎮宇（左二）帶囝囝出席東京電影節，聯同古天樂（中）等齊踏紅地毯。微博圖片
為期10天的第29屆東京國際電影節昨日揭幕，今屆16部入圍主競賽單元的電影中，吳鎮宇夥拍古天樂的港片《脫皮爸爸》亦有入圍。故事改編自日本劇作家佃典彥作品，吳鎮宇帶同囝囝費曼、古天樂、春夏及導演司徒慧焯等一行七人在雨中行紅地毯，鎮宇還搣費曼耳仔，今日他繼續會參與東京電影節，並到戲院謝票見當地影迷。
東京電影節開幕禮於昨日下午假六本木山進行，其間突然落雨，一眾嘉賓要由工作人員撐着雨傘踏上紅地毯，梅麗史翠普（Meryl Streep）為開幕電影《走音歌后》（Florence Foster Jenkins）單拖赴日宣傳。而閉幕片《聖之青春》兩位主角松山研一和東出昌大，甫出場即吸引大批影迷歡呼，兩人亦親民地為粉絲簽名。還有蒼井優、橋本愛、黑木華、齋藤工等紅星撐場，佐佐木希與Super Junior（SJ）成員藝聲宣傳合演新片，還有EXO舊將吳亦凡，首相安倍晉三則壓軸登場。
撰文：哥羅
[img]http://static.apple.nextmedia.com/images/apple-photos/apple/20161026/large/26ec2p14.jpg[/img]
佐佐木希與SJ成員藝聲一同現身，打扮也十分合襯。
[img]http://static.apple.nextmedia.com/images/apple-photos/apple/20161026/large/26ec2p8.jpg[/img]
（左起）東出昌大、松山研一、安倍首相及梅姨等昨日參與開幕禮。
from:[url]http://hk.apple.nextmedia.com/entertainment/art/20161026/19811994[/url]
阿佘自封鑽石盛女
[img]http://static.apple.nextmedia.com/images/apple-photos/apple/20161027/large/27ec2p10.jpg[/img]佘詩曼昨日出席關注乳癌運動，自言每年都定期驗身。
佘詩曼、汪圓圓與方健儀等，昨日於中環出席關注乳癌運動，阿佘謂之前工作太忙，不懂愛惜健康，現時除了每年驗身，工作也會錫身，她說：「休息盡量多啲，心情樂觀。」問阿佘是否想拍拖令自己心情好？她說：「希望啦，有愛情滋潤，會靚啲。」阿佘笑指現時的追求者數量可以接受，記者笑她是黃金盛女？阿佘即更正說：「係鑽石，相信好快有。」
有關無綫新聞主播余浩宗因為髮型問題含淚報新聞，方健儀說：「我唔相信係因為髮型嘅問題會眼紅紅，可能佢係有啲諗法或者情緒未定，好難評估程度，我之前冇試過，可能佢哋對我嘅外貌要求比較低。」
採訪、攝影：羅慧敏
[img]http://static.apple.nextmedia.com/images/apple-photos/apple/20161027/large/27ec2p11.jpg[/img]
方健儀笑言當主播時未試過因外貌被批評。
[img]http://static.apple.nextmedia.com/images/apple-photos/apple/20161027/large/27ec2p15.jpg[/img]
名模Ana R.（左）和姚書軼為關注乳癌運動製作掛飾。
from:[url]http://hk.apple.nextmedia.com/entertainment/art/20161027/19812975[/url]
阿佘及時買樓慳百萬
[img]http://static.apple.nextmedia.com/images/apple-photos/apple/20161110/large/10ec2p20.jpg[/img]佘詩曼近日斥約千四萬購入何文田豪宅，慶幸能趕及加稅前入市。資料圖片
佘詩曼向來有買樓保值習慣，政府上周五忽然加辣，買入第二層住宅所繳付的雙重印花稅，劃一為徵收15%稅，不過阿佘依然有入市，斥資約1,407萬元購入何文田豪宅皓畋一個實用面積587呎單位。
阿佘昨日在電話中透露是在加辣前入市，她說：「我係喺出辣招前買嘅，好好彩，catch到moment，都估唔到會出辣招。」問她可擔心特朗普成美國新總統，會影響樓市？她說：「唔驚，樓市有升有跌，我唔係用嚟炒，只係投資，用嚟租畀人。」她續謂：「買每一層樓都會考慮自己有冇能力供先，有乜事樓市或租金跌都可以cover到月供嘅錢，就會穩陣啲。自己覺得錢係比較易貶值，始終香港地少人多，升幅比放錢去銀行好，我當儲錢。」阿佘今次看準辣招前入市，估計她省回105萬元，認真叻女！
採訪：嵐山
from:[url]http://hk.apple.nextmedia.com/entertainment/art/20161110/19828298[/url]
阿佘睇劇本嚇到發噩夢
[img]http://static.apple.nextmedia.com/images/apple-photos/apple/20161218/large/18ec2p1.jpg[/img]佘詩曼透露會與黃子華合作拍喜劇。
佘詩曼、蘇麗珊及樊亦敏等昨日去到九龍塘出席「兩岸四地青年微電影大賽追夢青春頒獎禮」。阿佘透露，農曆新年後將與黃子華合作拍攝一部新電影，她說：「今次係喜劇，暫定我係演一個黑社會阿嫂，七年前同子華合作過《絕代商驕》，今次再有機會合作。」
阿佘又透露下月會先拍一部鬼片：「我本身好驚鬼，拍唔拍都諗咗好耐，自己睇完劇本已經驚到發噩夢。」另外，回復單身的蘇麗珊透露，隨後會與分手數月的游學修有合作機會。是否飾演情侶？她說：「應該唔會，拍出嚟都唔好睇。」蘇麗珊指現時很享受單身獨處的時間。
採訪：張俊銘
攝影：沈健程
from:[url]http://hk.apple.nextmedia.com/entertainment/art/20161218/19868790[/url]
鎮宇讚囝囝捱得
[img]http://static.apple.nextmedia.com/images/apple-photos/apple/20170621/large/21ec1p51.jpg[/img]鎮宇昨日分享跟兒子到孟加拉探訪。
吳鎮宇昨日到觀塘分享早前復活節時，與囝囝Feynman跟隨奥比斯到孟加拉探訪的經歷，行程中鎮宇陪同一名八歲女孩接受白內障手術。旅程結束後，Feynman向鎮宇表示印象最深是試戴手術後保護眼睛的藍色眼罩。
[img]http://static.apple.nextmedia.com/images/apple-photos/apple/20170621/large/21ec1p52.jpg[/img]
同場播出的片段，Feynman似肥了不少，鎮宇則謂是水腫。
談到Feynman能夠參與探訪，鎮宇說囝囝都非常雀躍兼捱得苦：「佢坐長途車會驚嘔，上車前會問我拎定膠袋，同埋坐四、五個鐘頭車都唔會嗌辛苦。」見到探訪相片發現Feynman大隻不少，鎮宇笑指是水腫，因當地天氣炎熱，不停飲汽水，又常坐車少走動所致。另外Feynman對拍片及廣播甚感興趣，更有意做YouTuber，不過鎮宇擔心囝囝會偷拍他的片段再放上網。
採訪：馬建華
攝影：沈健程
from:[url]http://hk.apple.nextmedia.com/entertainment/art/20170621/20062862[/url]
頁:
[1]
